第十話

佢地三個企哂o係床前面，慶太︰
「好喇！我地入去喇！」
龍一︰
「唔好la！我唔入去呀！入面有怪獸呀！」
涼平︰
「你唔好咁驚la！一係我同慶太入去la！」
於是涼平同慶太就入o左去喇！
過o左冇耐，佢地捐返出o來。
慶太︰
「都冇怪獸！我隻貓ja ma！」
龍一︰
「佢隻眼都唔係綠色o既！頭先隻怪獸隻眼係綠色ga！」
慶太︰
「都話我屋企冇怪獸咯！你再話我屋企有怪獸，我就唔同你玩ga喇！」
而三個媽媽o個面……………
涼媽︰
「o下！你地成家人下個月要搬去福岡？」
慶媽︰
「係呀！冇計la！我老公要去o個度公幹o丫ma！連屋都買埋喇！」
龍媽︰
「o下？咁慶仔知唔知ga？」
慶媽︰
「我仲未想話比佢知住呀！費事佢唔開心la！咪等佢開開心心咁玩埋呢個月囉！」
龍媽︰
「咁如果佢到時問到你呢？」
慶媽︰
「到時先算la！」
傾傾o下，三個小豆釘入o左o來嗲媽媽帶佢地出去玩。
三個媽媽︰
「好…………好………」
三個媽媽都答得好唔自然，因為佢地知道慶太就o來要同佢地分開喇！

去到公園，三個小豆釘訓o係個草地上。
「哇！今晚個月亮好圓呀！」慶太指住個月亮話。
「真係好靚呀！」涼平同意話。
慶太︰
「如果可以摘落o來就好喇！」
龍一︰
「個月亮咁高，點摘佢落o來呀？」
慶太︰
「叫消防員叔叔開架消防車o來，然後爬個樓梯上去咪摘倒落o來囉！」
涼平︰
「嘻！正傻瓜o來ga！個樓梯又邊會有咁高喎！」
龍一︰< BR>「係呀！係呀！」
慶太︰
「………咩呀！………我……我話有就部I……你地兩個唔準嘈！」
就咁，三個小豆釘嘈o左成晚。


第11回