第十二話

時間：2001年……
o係一個風和日麗o既下午，有兩個讀緊高中o既靚仔一齊放學。佢地就係當年成日去「樂之公園」o既小涼平同小龍一喇！佢地而家已經唔再係o係公園玩「蛋蛋超人」o既小朋友，而係又活潑又靚仔又多女仔鐘意o既靚仔哥哥。涼平依然係咁善良，咁可愛。龍一依然係咁怕羞同埋咁細路仔性格。每當D女仔見倒佢地o既時候都會大嗌，因為佢地係呢間學校o既校草o來ga！
正當佢地要出學校門口o既時候，教佢地音樂o既櫻井老師行埋去話︰
「千葉同學，緒方同學，請你地唔好走住，跟我o來先！」
龍一︰
「o下！咩事呀？」
櫻井老師︰
「到時你地就知ga喇！」
去到音樂室入面，有幾個女仔o係入面，當呢幾個女仔見倒佢地o既時侯………
「哇！涼平同龍一呀！哎呀！好靚仔呀！」
於是涼平同龍一都好怕羞咁垂低頭，塊面紅哂咁o係度笑，但係都同佢地say hi，搞到D女仔發哂顛o係度嘈︰
「哎呀！涼平好靚仔呀！」
「咩呀！龍一可愛D呀！」
「涼平靚仔D呀！」
「龍一靚仔D呀！」
佢地又o係度嗌交，搞到涼平同龍一好唔好意思。
櫻井老師忍唔住同D女仔話︰
「好喇！好喇！你地係時候要返去喇！」
D女仔就即刻靜哂咁走，臨走之前，D女仔偷偷o地望住佢地，涼平笑住咁同佢地講「拜拜！」，而龍一都有同佢地講「拜拜！」，不過佢就cool D冇笑到。
櫻井老師︰
「其實，我今日叫你地o來，係想話比你地知因為你地上次o係舞台上o既演出好出色，所以有東京有一間事務所睇中o左你地，要你地轉校去東京o既演藝學校度，所以我地安排o左你地去東京o既「XX演藝學校」度，仲有呀！你地遲D仲會o係o個度同另外一個男仔組成一隊組合ga！」
龍一好「八」咁問︰
「咁個男仔叫咩名呀？」
櫻井老師︰
「呢層我就唔知喇！」
涼平︰
「咁我地幾時去呀？」
櫻井老師︰
「大概今個月尾左右la！不過呢件事係絕對保密，唔好比人知，尤其係女仔，知冇？」
涼平︰
「咁我地住邊呀？」
櫻井老師︰
「放心la！事務所已經同你地租o左一間公寓ga la！」


最終回