第十三話

終於去到東京呢個大城市喇！
o係車站度，突然有個男人走埋去問︰
「請問係唔係千葉涼平同緒方龍一呀？」
涼平同龍一︰
「係呀。」
「係！我係事務所o既人o來ga！請跟我過o來la！」
於是涼平同龍一就跟住呢個男人行，行o左一陣，佢地o係前面見倒一個男仔，然後個男人就同涼平同龍一介紹呢個男仔俾佢地識︰
「o拿！我同你地介紹，呢位叫橘慶太，佢就係遲D將會同你地一齊組成組合o既組員喇！」
涼平、龍一、慶太三個互相望住對方，有一種似曾相識o既感覺，好似好耐之前就已經識咁，佢地呆o左一陣先至打招呼。
涼平同龍一︰
「呃……早晨呀。」
慶太好細聲咁話︰
「早晨……」
事務所職員︰
「好喇！我而家帶你地去你地o既公寓度休息o下先。遲D我地會再通知你地去事務所ga la！」
於是佢地三個就跟住事務所職員行喇！
冇幾耐，佢地到o左佢地住o既公寓喇！面積都幾大，有三間房，入面設備都好齊全。
起初o個幾日，佢地都好少講野，因為大家都唔係好熟。後來有一日，龍一睇緊一本雜誌，突然之間……
「咦？「蛋蛋超人」喎！估唔到而家仲會有佢D產品喎！」
涼平︰
「咦？係喎！以前細個o個陣時幾興呀！跟住而家興超人迪加la！」
慶太一聽倒「蛋蛋超人」，就即刻諗起佢細個o個陣又係好鐘意「蛋蛋超人」，於是就插把口埋去話︰
「咦！mud你地細個又係鐘意「蛋蛋超人」ga？」
涼平︰
「係呀！你又鐘意ga？」
慶太好興奮咁話︰
「係呀！係呀！」
龍一︰
「哈！當時我仲成日想變身做超人tim呀！哈！諗起都覺得幼稚呀！」
涼平︰
「哈！哈！係呀！係呀！」
慶太︰
「哈！我以前又係喎！我仲記得以前因為我有一個朋友比人蝦，所以扮「蛋蛋超人」o來趕走佢地呀！哈！哈！」
龍一諗諗o下，突然諗起以前又係試過當佢比人蝦o既時候，有一個朋友仔扮「蛋蛋超人」o來趕走佢地。於是就開玩笑咁話︰
「咦！我又試過因為我比人蝦，另一個朋友就變身做「蛋蛋超人」o來保護我喎！唔通o個個人係你？」
慶太呆o左一陣，覺得諗落好似有D印象，但係佢已經唔記得對方o既樣同埋名。
而呢個時侯，涼平都開始諗返起D野，然後話︰
「係呀！係呀！我仲記得佢成日蝦你ga！不過我諗冇咁o岩呀！o個個人後尾都走o左la！」
慶太又諗返起佢以前幼稚園o既時候都係成日蝦一個男仔。
龍一又話︰
「係呀！o個個男仔成日蝦我ga！我仲記得有一次讀緊幼稚園o既時候，佢仲趁我跑去阿媽度o既時候呀！o係後面推我落地tim呀！幾衰呀！不過佢最後都係比阿媽打。」
涼平︰
「係呀！係呀！我仲記得佢好有錢ga！佢屋企成間房都係「蛋蛋超人」D野o來ga！」
龍一好感觸咁話︰
「唉！不過佢而家都唔o係度la！都好耐無見過佢la！唔知佢而家點呢？」
聽到呢度，慶太已經知道o個個男仔係佢o來ga！佢非常之激動，因為佢見返好多年冇見o既朋友，但係佢依然控制住佢激動o既情緒問︰
「咁o係佢臨走之前你地有冇送D咩比佢呀？」
涼平︰
「有！送o左個我同龍一親手做o既月亮鐘比佢囉！」
慶太突然好激動咁話︰
「你地等我一陣！」
然後即刻衝o左入房，冇幾耐，佢拎住一張又巢又舊o既紙出o來，然後放o係佢地面前話︰
「係唔係呢個呀？」
涼平同龍一望住呢張紙，?ㄜ邥O個正係當年佢地一齊送比慶太o既月亮鐘，不過張紙已經爛爛o地又甩哂色。佢地三個都唔敢相信面前o既就係當年成日一齊玩o既朋友仔，跟住佢地三個好開心咁攬埋一齊。慶太好興奮咁話︰
「呀！好掛住你地呀！」
涼平︰
「好野！終於見返你喇！」
慶太又好百厭咁話︰
「哈！哈！好耐冇見喇！怪獸龍一！」
龍一好嬲又好笑咁話︰
「唉呀！我唔係怪獸呀！」
慶太笑住咁話︰
「哈！你一D都冇變喎！」
跟住佢地三個都笑都好開心。

估唔到十五年前o係公園度玩「蛋蛋超人」o既三個小豆釘，而家佢地已經成為一隊人氣組合「w-inds.」喇！

尾聲
2002年8月………
呢一日，佢地o係札幌開完演唱會之後，佢地去返細個成日去玩o既「樂之公園」度，點知………
去到o個度，D設施已經變哂，唔再係以前o個個樣，連佢地三個以前o係度識o既sir滑梯都已經冇o左，佢地三個都好感觸。於是佢地三個坐o係張椅度，望住D細路仔玩。其中，有三個細路講o個D野令佢地印象特別深刻︰
甲︰「「蛋蛋超人」變身！」
乙︰「你傻o左咩！「蛋蛋超人」已經好耐喇！而家o個個係「超人佳亞」呀！」
甲︰「咦！係喎！好la！「超人佳亞」變身！」
涼平，龍一同慶太睇倒之後，即刻由個心度笑o左出o來，因為呢三個細路仔就好似佢地以前細個o個陣咁，不過雖然佢地都係玩超人，但係已經唔再係「蛋蛋超人」，呢一切都證明o左佢地已經大個o左。
佢地一路坐，坐到黃昏，D小朋友都已經走哂，個公園淨返佢地三個，呢一段時間，佢地都o係度回想緊佢地細個o個陣D野。呢個時候，龍一話︰
「喂！我地係時候走喇！」
慶太同涼平都「o下！」o左一聲，然後慶太話︰
「係喎！我地一陣間仲有埸演唱會要開喎！」
涼平︰
「唔……咁我地走la。」
於是佢地三個都好唔捨得咁走，臨走前，佢地都望多個公園一眼。
o係夕陽o既照射下，o係地上照倒三個高大o既影子，但係呢三個影子彷彿仲係當年o個三個細細粒o既小豆釘………………

~~~~~~~~~~~~~完~~~~~~~~~~~~~