第二話

佢地出到去之後，涼平就坐上椅上，但是還見到龍一站在一旁，涼平就落去拉龍一過去，說：
「坐o丫！」
於是龍一「唔」了一聲後，就爬上椅上了。上到去，見到面前擺o左好多o野食，就「哇！」了一聲，然後他們站在椅上(因為佢地唔夠高)，開始用餐喇！但龍一依然問：
「係咪食得o架喇？」
涼平好醒目咁話：
「係呀，呢o的係我媽媽煮俾你食o架！」然後佢地就開始拎起匙勺畢o野食喇！
食o左一啖之後，龍一好可愛咁話：
「好好味呀！」
涼平媽媽聽到之後，就話：
「係呀？好食食多o的啦！」
龍一細聲地應了一句「哦！」
之後，佢地食完喇！涼平媽媽就話：
「我地出一陣街呀好快返o架，記住呀涼仔，睇住屋企呀，仲有呀…」
涼平即刻好醒目咁話：
「有人禁鐘唔好開門o丫嘛！」
「係喇！好喇，拜拜！」
(個阿媽真係無良心！咁忍心掉低個仔，唉……)
跟住涼平就搬o左o的水彩同埋o的白紙o黎，龍一就彎低身，兩隻手仔禁住大脾，好好奇咁問涼平：
「你o係度做緊mud呀？」
涼平就話：
「我搬緊o的水彩同畫紙呀，我唸住畫畫呀！你畫唔畫呀？」
龍一好開心咁話：
「好呀好呀！」
於是佢地兩個就坐o係地板度畫畫喇！(兩個小東西坐在一起，好得意呀！)
涼平首先畫o左架車車，而龍一就畫o左個太陽伯伯！之後，涼平將隻手仔放入o的水彩度，然後印o係張紙度，龍一見到之後，猶豫o左一陣，又將自己隻手仔放入o的水彩度，又學涼平咁，印o係張紙度，一張紙有兩隻小手印，好Q呀！
之後涼平趁龍一唔留意，將自己隻手擦到花哂，然後就叫：
「龍一！」
龍一另轉面，涼平就即刻畫龍一塊面，龍一塊面面就咁花o左。
龍一話﹕「做mud喎！嚇死人咩！唔制呀，我又要畫番你！」
於是佢地就互相畫對方塊面，之後，呢兩個小豆釘塊面就咁花到五顏六色。佢地見到對方又指住一齊大笑。
玩玩o下，龍一突然之間o係度喊，涼平就問佢：
「你做咩o係度喊o既？」
「嗚……我要媽媽呀！點解媽媽咁耐都唔返o架？」
「係喎，媽媽咁耐都唔返o既，嗚……媽媽去o左邊啊？」
就係咁，涼平俾龍一整到喊，之後兩個小豆釘就喊到好大聲，好可憐。
「嗚…不如我地出去搵媽媽o丫。」
「唔唔唔……」
之後，佢地就咁喊住出去搵媽媽。


第3回