第四話

佢地三個小豆釘知道後面有人，就即刻停哂手，然後慢慢咁另轉面……
哇………原來係一個衣著高貴，好後生，青靚白淨，成個貴婦咁o既女人，慶太仲叫o左一聲「媽媽！」tim，然後個女人行埋去問︰
「慶太！你點解會成身污糟哂ga？仲有呀！佢地邊個o來ga？」
慶太話︰
「哈！哈！佢地係我o的怪獸朋友o來ga！睇o下！佢地係咪好似怪獸呀？」
個女人望o左佢地一陣，見得倒佢地塊小面面又花又可愛，覺得佢地好得意，仲好想抱抱佢地。跟住又同慶太講︰
「喂！慶太！唔準咁話人ga！」
跟住又同o個兩隻小怪獸話︰
「小朋友！你地叫咩名呀？你地塊面做咩會花哂o既？」跟住一路同佢地擦乾淨塊面。
同佢地傾o左一陣計之後，就同慶太話︰
「好啦！時間都唔早啦！我地要返屋企啦！」
慶太即刻問媽媽︰
「媽媽！聽日可唔可以再同佢地一齊玩呀！」
慶太媽︰
「好呀！不過唔準再玩到污糟哂喎！」
慶太點點頭，就同涼平、龍一話︰
「不如我地聽日睇完『蛋蛋超人』之後o係lee度等o丫！」
涼平同龍一︰
「好呀！好呀！」
之後，慶太同慶太媽就上o左一架名貴私家車度la。(哇！好有錢呀！)
隨後，佢地o既媽媽亦都o來o左。仍?ao既媽媽見倒佢地之後，即刻走過去攬住佢地話︰
「哎呀！你地去o左邊呀？返到去唔見哂你地o既？嗌住你地睇住屋企ga la！唉！唔好講咁多la！睇o下你地！成身污糟哂la！返去沖涼la！」

第二日，播完『蛋蛋超人』之後，佢地三個小豆釘即刻同媽媽一齊去返o個個「樂之公園」度玩。佢地三個小豆釘一見倒面就好開心咁玩，而佢地o既媽媽亦開始坐埋一齊傾計。佢地唔經唔覺，就咁o係度過o左幾個鍾，好快又到o左旁晚la！
「好la！我地要返屋企la！第日再玩過la！聽日要返學la！」三個媽媽咁同三個小豆釘講。
三個小豆釘一聽倒要返學，就諗到唔可以再一齊玩，於是就好唔想走。
「唔制！我唔要返屋企！」三個小豆釘同媽媽扭計。
「o拿！係咪唔聽話呀！」
「耶~~~~~~~~~~」三個小豆釘扭得仲犀利。
「o拿！咁唔聽話我打ga la！」
「耶!!!!!!!!!!!!!!!!!!!!!!」
三個媽媽就話︰
「聽日再玩過la！好冇？」
「係咪真ga？唔準講大話ga！會甩大牙ga！」
「係la！係la！唔呃你地呀！而家返屋企la！好冇？」
「好呀！」於是佢地就乖乖咁跟媽媽返屋企la！


第5回