第八話

好快，又到o左十二月中。
今日朝早，天氣突然變得寒冷………………
「起身喇！龍一！」
但龍一依然匿在暖笠笠o既被窩入面唔肯出o來。
「起身喇！龍一！」
龍一好細聲咁話︰
「……好凍呀………」
之後，都係比媽媽抱o左起身。
而慶太o個面……
「咦？慶太呢？」
媽媽四周圍望，都唔覺慶太o既存在。
「喂！慶太！出o來la！你要返學喇！」
媽媽再仔細咁望o下，咦？點解條被入面會有D野震o下震o下o既？於是就行埋去打開張被，哈！原來慶太匿o左o係度，仲縮埋一舊一路震，一路話︰
「好凍……好凍……好凍……」
之間又起身拎返條被包住自己，又訓返低。
慶太媽好激氣咁話︰
「起身喇！慶太！再唔起身遲到喇！」
慶太o係被窩入面扭計︰
「好凍呀！我唔起身呀！」
慶太媽冇佢咁好氣，唯有連人帶被咁抱起慶太，然後「伏！」一聲扯開慶太條被，慶太即刻大叫︰
「哇……好凍呀……媽媽衰人呀！」
媽媽一路抱佢去廁所，慶太一路重覆lee句話。
而涼平o個面，媽媽只係叫o左佢幾聲，佢就即刻好乖仔咁起o左身la。雖然涼平都好凍，但係佢都堅持起o左身，睇o下佢幾乖！
o係校車入面，個個小朋友都包?鴞阬繙糑搳C
慶太好大聲咁話︰
「哈！睇o下我！我今日著o左7件衫呀！係咪好犀利呢？」
涼平︰
「我著o左9件咁多呀！我多過你呀！龍一！你呢？」
佢望o下龍一，只見佢成身包到好實，條頸巾又包o左個口，成隻熊貓咁坐o係度，連隻手都合唔倒，佢正想拎開條頸巾講野，但因為佢隻手手太短，又著得多衫，所以整來整去都掂唔倒個嘴。
涼平︰
「哇！你著o左咁多衫o既？我幫你整好條頸巾la！」
於是涼平走埋去幫佢摺好條頸巾，龍一先講倒野。
放o左學之後，三個又一齊返屋企，行o下行o下，有一粒粒o既白色物體從天而降，龍一問︰
「咦？咩o黎ga？」
涼平好開心咁話︰
「哈！係雪呀！而家落雪呀！」
於是三個小豆釘好開心咁周圍走，一路話︰
「雪呀！雪呀！好野！落雪喇！」
佢地去到公園，見倒成地都係雪，於是佢地好開心咁撲埋D雪度碌來碌去。
碌碌o下，涼平話︰
「喂！不如我地一人切一個雪人先生o丫！好唔好唔呀？」
慶太同龍一︰
「好呀！好呀！」
佢地三個開始切，切o既時候，涼平話︰
「我呢個叫做涼仔先生呀！」
慶太又跟住話︰
「咁我呢個叫慶仔先生la！」
龍一︰
「咁我呢個就叫龍仔先生la！」
切切o下，龍一個「龍仔先生」突然比人踢爛o左，龍一抬高頭望，原來係兩個百厭o既小學生呀！
龍一望o左佢地一陣，又望返自己個雪人，就即刻喊住咁望住o個兩個小學生，一路話︰
「嗚………我個龍仔先生呀！……嗚…………」
兩個小學生笑住咁話︰
「哈！原來呢個爛鬼雪人叫龍仔先生喎！哈！真幼稚呀！」
於是龍一喊得愈來愈大聲。
涼平見倒之後，就走埋去睇咩事，佢問龍一︰
「你做咩喊呀？」
龍一︰
「嗚…………佢地踢爛o左我個龍仔先生呀！……嗚……………」
於是涼平就使出佢o既大哥哥本色，手叉住腰咁行埋去，好大聲咁鬧o個D小學生︰
「喂！你地做咩蝦佢呀？」
兩個小學生笑住咁話︰
「哈！我地蝦佢關你咩事呀？行開la！死o靚仔！」
跟住仲推o左涼平落地下呀！之後o係度哈哈大笑。
突然，o個兩個小學生覺得有舊野飛o左落佢地塊面度，另轉面，原來係慶太訂佢地呀！
兩個小學生話︰
「你個死o靚仔o丫！想死呀你？訂我地？」
慶太做o左個超人姿勢話︰
「我係『蛋蛋超人』，我今日唔會放過你ga！受死la！」跟住又一個雪球訂過來。
兩個小學生笑住咁話︰
「哈！真係一個天真無邪o既o靚仔呀！蛋蛋超人？?}傻la你！」之後又訂返慶太。
慶太差D比個雪球訂到跌落地，但係佢堅持住，又訂返佢地，訂o下訂o下，突然又多幾粒雪球，呀！原來係涼平同龍一呀！佢地三個小豆釘起勢咁訂，仲訂得愈來愈大力，愈來愈多，跟住仲o來一個超級無敵大雪球tim！
兩個小學生終於忍唔住話︰
「好喇！好喇！放過我地la！唔好再訂喇！」
涼平行出來話︰
「好呀！唔訂你地都得！不過要同龍一道歉喎！」
小學生︰
「對唔住呀！對唔住呀！」
慶太︰
「好la！今日我『蛋蛋超人』就放過你地la！以後唔好再o來呀！」
小學生即刻走o左。
返到公園，龍一見倒自己o既「龍仔先生」，即刻跪o係「龍仔先生」面前，好傷心咁話︰
「龍仔先生呀！我個龍仔先生冇喇！」
涼平同慶太行埋去安慰佢話︰
「唔緊要la！再整過一個咪得囉！一係咁o丫！我地整爛我地個雪人，同你一齊再整過o丫！」
講完之後，即刻走埋去踢爛自己個雪人，然後同龍一話︰
「o拿！而家我地咪一樣爛o左！我地一齊再整過o丫！」
龍一好開心咁話︰
「好呀！好呀！」
佢地又一齊整o左個雪人，整完之後，佢地就同媽媽返屋企喇！
o係黃昏o既夕陽下，照射出三個小豆釘o既影子在地上。
慶太︰
「哈！我頭先幾威風呀！變o左身做蛋蛋超人呀！最尾都比我打死喇！」 涼平︰
「我都有幫手ga！」
龍一︰
「我都有幫手ga！我仲訂得好大力tim！」
慶太︰
「我大力D呀！」
龍一︰
「我大力D呀！」
涼平忍唔住叉把口埋去︰
「我訂D雪球最多呀！」
慶太同龍一又轉移o左目標，鬥多數目。
就係o係咁，三個小豆釘一路嘈一路返屋企喇！


第9回