第九話

時間一日一日咁過去，好快，又到o左普天同慶o既聖誕節………
呢日，係學校o既「聖誕聯歡會」。
o個日，又係好凍，三個小豆釘又包到成舊粽咁返學。
返到學校，有遊戲玩la！有野食la！仲有表演睇喎！三個小豆釘都玩到好開心。最後，仲有禮物送tim！哇！禮物好豐富呀！係「蛋蛋超人裝」呀！入面包括面具、披肩、變身器、同埋成套衫呀！（不過變身器就梗係………假ga la！呵！呵！^-^）
佢地好早就放o左學，放o左學之後，佢地就返屋企換便服，因為跟住佢地要去慶太屋企玩呀！涼平同龍一都帶埋佢地o既「蛋蛋超人裝」去玩。
哇！慶太屋企真大呀！係三層式別墅，仲有私人花園同泳池tim！
佢地首先去o左飯廳度食野，食飽飽喇！三個媽媽就去客房度傾計，織冷衫，而慶太就帶涼平同龍一去佢間房度玩，慶太一打開門，涼平同龍一都「哇」o左一聲因為入面差唔多成間房都係「蛋蛋超人」d模型同玩具，果然係「蛋蛋超人」o既擁呀！入面仲有個「波波屋」tim！
佢地三個小豆釘好快就換o左套「蛋蛋超人裝」，天真o既佢地仲以為個所謂「變身器」真係可以變倒身，佢地叫o左好多次「變身！」都冇變到，龍一問︰
「點解變唔倒身o既？」
慶太︰
「係唔係壞o左呀？」
過o左一陣，涼平話︰
「我知喇！因為我地唔係「蛋蛋超人」o丫ma！「蛋蛋超人」係保護我地，要打怪獸ga！我地又唔識打怪獸，梗係變唔倒身la！」
慶太︰
「o下！咁我地而家玩咩好呀？」
涼平︰
「呀！有la！不如我地入去o個間『波波屋』度玩o丫！」
慶太︰
「都好！」
於是三個小豆釘就「捐」o左入去玩喇！正當佢地玩到興高采烈o既時候，突然有粒?i波碌o左出o來。由於龍一坐得最近門口，所以要由龍一出去執波。
龍一出到去，周圍望o下望o下，咦！原來粒波仔碌o左去床下底喎！於是龍一就論論盡盡咁捐o左入去執波波。
入到床下底，見倒好多箱玩具，咦！執倒波波囉o番！正當佢要出o來o既時候，佢見倒漆黑之中有一對螢光綠色o既眼睛望住佢，龍一覺得好恐怖，所以o拿o拿淋捐返出o來，仲一路話︰
「怪獸呀！怪獸呀！」（手中拎住波波o既小龍一，爬出o來非常論盡）
龍一一路攬住個波波，一路好驚咁跑返去間波波屋度，慶太問︰
「你做咩呀？你傻o左咩！我屋企邊度會有怪獸呀？」
龍一︰
「你張床下面咪有囉！」
涼平︰
「唔係呀嘩！」
慶太︰
「好！我地出去一齊入去睇！」
於是佢地三個出o左去la。


第10回