《LoVe Is MeSsAgE》 作者: Kwaii Homi

第二十八回:
為左今日光稀要返學．．．慶太一早就起身去左w-inds café買早餐返屋企比光稀食．．．．

慶太： 起身喇．．．懶訓豬光稀．．．你再唔起身我唔比你返學架．．．
光稀： 唔好呀．．．我即刻起身喇（之後極速衝去梳洗）
桃子： 好心你唔好嚇佢啦．．．你去左w-inds café買早餐．．唉唔知有冇我地份呢．．．
慶太： 點會冇呢∼∼∼光稀要靠你地睇住架嘛．．．嘻嘻∼∼
舞靜： 哼．．．你個目的都係咁姐．．．你估我地唔知呀．．．
涼平： 你地唔好一人一句話慶太啦，佢都係緊張光稀姐．．．．
龍一： 係呀係呀．．．唔好再嘈喇，食左早餐先啦，凍左就唔好食架喇（已經開始食緊）
光稀： 嘩．．．你個龍一丫，咁快食緊架．．．啊？？　呢ｄ咪係w-inds café既早餐囉？？
涼平： 係呀．．慶太佢專登一早起身去買比你食架．．．嘻嘻∼∼
光稀： （又有小動作出現）啊．．．係咩．．．我食先喇．．．
慶太： 食完好返學喇，遲到架喇，知唔知呀？？？（極關心既聲音）
光稀： 唔．．．得喇．．知道喇．．慶．．．（再次因一路講野一路食野而咳）
慶太： 你又係咁啦，話左你好多次架喇，再比我見到你咁呢，下次我餵你食架．．．仲唔快ｄ飲水喎！
光稀： 知道喇．．．唔好咁惡啦．．家陣咪去飲水囉．．．（好慘既聲音）
舞靜： 啊．．．光稀有人餵．．．
涼平： 你又想呀，我餵你喇．．．哈哈
桃子： 你地咪再玩喇，真係夠晒鐘喇，仲唔行呀．．．我唔理你地架喇．．．
光稀： 唔好呀，等埋我地呀，行喇行喇．．．慶太我走喇．．．拜拜∼∼
慶太： 好啦．．．小心呀，lunch打比你啦．．．
光稀： 好呀∼∼∼

就係咁光稀，舞靜，桃子三個人就一齊返到學校喇．．．返到學校大家都用ｄ好奇怪既眼光望住光稀．．．

光稀： 點解佢地成日都望住我既？？？
桃子： 唔洗理佢地架．．．ｄ人無聊係咁架喇！！！
舞靜： 係呀，你放心啦，有我地係到冇人會蝦到你既∼∼∼
光稀： 哈哈∼∼我先唔會比人蝦呀！！！

話口未完，佢地３個係走廊到撞返上次話光稀果２兩個女仔．．．．

同學甲： 啊？？？你咪三宅光稀．．．哈乜你仲返到學咩？？？
同學乙： 係呀，我地以為你乜都唔記得晒喎．．仲咩呀慶太唔要你喇．．咁又係呀冇人會想要個失憶既女朋友囉．．．哈哈哈∼∼∼
桃子： 喂！！你兩個乜水呀？？？
舞靜： 又係你兩個呀，我警告你地唔好再話光稀呀！！！
光稀： （出奇地冷靜）哈．．．唔好意思喎，我令你地失望tim…我咩事要返唔到學呀？？？乜我失憶咩，我自己都唔知既？？？係呀慶太係有個失憶既女朋友呀，又如何呀？果個咪就係我囉，咁又點呀？？？慘得過佢要我呀．．．你地恨唔到咁多囉，應該係話連恨既機會都冇喎，因為我好清楚慶太除左我之外係唔會要其他人囉！我地行喇，唔好同ｄ低層既人講野！！！
桃子： 光稀．．．你冇事丫嘛．．．（好擔心既聲音）
舞靜： 係呀，你唔好嚇我地喎？？？係咪唔舒服呀？？
光稀： 你地仲咩姐，我冇野喎，我唔會再比人蝦架喇．．．因為岩岩個兩件扒話我果時我有種似層相識既感覺，我覺得之前佢地又係咁話過我呀！！！
舞靜： 係呀係呀，就係佢兩個同你講完野之後，你就開始變喇，後來仲因為聽左佢地講既野而想離開亞哥呀，所以先發生左交通意外而搞到你失憶呀！！！
光稀： 啊．．．原來係咁架．．．我都唔知呀，慶太咁耐都冇講過個原因我知架．．．哎呀我咩事咁蠢會聽佢兩個講野架，仲要因為呢Ｄ咁既說話而離開慶太？？？　唉．．．結果搞到失憶喇∼∼
桃子： 你宜家已經好好架喇，開始慢慢咁記得返Ｄ野，記住唔好迫自己呀，知唔知？？？
光稀： 你地放心啦，我唔會比其他人影響到既，我要快Ｄ有返我同慶太既記憶架嘛∼∼我唔要慶太再為我而擔心！！！
舞靜： 嘩∼∼光稀係好野喎，返左學之後係醒左喎，岩岩仲識串返人喎，話比亞哥知肯定嚇死佢呀！！！
光稀： 哈哈∼∼係呀係呀．．．都lunch架啦，點解個電話仲未響既．．．（好失落既聲音）
桃子：　 啊！！！明白喇，原來有人等緊某人既電話．．．

就係呢個時候，光稀個電話就響起喇，而個鈴聲依然不變都係Give you my heart….

慶太： 光稀∼∼∼食飯未呀？？？
光稀： 啊．．．你過左半個鐘先打比我．．．（扮嬲）
慶太： 唔係呀，我岩岩做緊野嘛，咁你食左飯未呀？唔好餓到喎．．．（好擔心）
光稀： 食左喇．．．唔洗擔心我呢！！！
慶太： 唔．．．你好似唔同左咁既．．．你好似以前既你呀．．．（好開心）
光稀： 係咩？？？我都覺呀，呢個感覺好熟呀．．好似之前又係我lunch既時候你又係咁打比我問我食左飯未架，係咪呀？？？
慶太： 係呀係呀，你記得呀？？？
光稀： 唔．．．記到ｄ啦．．．因為我地岩岩發生左ｄ野呀．．．哈哈哈
慶太： 發生左咩事呀？你冇事丫嘛？
光稀： 我冇野，唔洗咁緊張，我返黎先話你知丫，你快ｄ返黎喎．．．（突然好掛住慶太）
慶太： 好呀，不過可能要遲小小呀，因為今日多野做呀．．．
光稀： 啊，好啦咁我等你啦．．．我要上堂喇，今晚見到先傾啦，拜拜．．．（好唔捨得既感覺）
慶太： 好啦．．．今晚見啦．．．拜拜希希！！！

桃子： 嘩∼∼你地終於肯收線喇．．．．傾左好耐囉，唔錯喎．．．
光稀： 咩．．．咩喎．．．咁人地突然間好似有種好似層相識既感覺丫嘛．．．
舞靜： 太好喇．．．你開始有返ｄ同亞哥既記憶喇．．．
光稀： 係呀，我都覺呀．．．個腦有返ｄ印象喇．．．好開心呀∼∼∼
桃子： 開心還開心呀，我地仲要上堂囉，唔好淨係識得掛住諗一陣放學即刻返屋企見慶太先得架．．．呵呵∼∼∼
舞靜： 好心你唔好玩佢啦．．．桃子．．．．哈哈
光稀： 仲．．仲講喎．．．行啦上堂喇．．．（小動作又出現喇）

就係咁．．．佢地三個又放學喇，放左學之後光稀第一時間嘈住要返屋企．．．而返到屋企又會發生咩事呢？？　請留意第二十九回！！


哈哈~~~我係第一次寫小說架,如果對小說有咩意見既話請email到
mosquito@eltex.com.hk啦~~~
要繼續收睇喎!!!


第29回