上回提要:慶太同靜既婚禮明天就要舉行喇，今日係唔可以見面，所以唯有傾電話啦，第6通電話收線之後，靜就被彤拉左落去行街街喇~~

★☆★☆★☆★街上☆★☆★☆★☆
靜:咁耐都唔打黎既...佢係咪以為我出街會唔得閒呢?!...(擔心)
彤:呀..你地岩岩先收線咋!!前後都未夠15分鐘呀...(頭暈)
靜:咦?!乜係咩?!15分鐘架喇?!咁耐啦...我仲以為得5分鐘咋...
彤:救命啦...我真係受唔住喇...(作狀吐血)
靜:呃...唔講囉...(扁咀)唔好咁啦~~
彤:哈..呃你咋!!平時都習慣晒你同慶太架啦~點會受唔住而家呢D咁輕微既丫~~~(靜同慶太相處個陣，周圍既人都唔可以停留得耐，因為留得耐既人聽到佢地講野一定會起晒雞皮啦..)
靜:呵呵...(傻笑)
彤:傻婆黎架!聽日就要嫁人架啦~仲係咁傻奸奸...(始終彤同靜係好好既朋友，雖然成日鬥咀，但係始終好錫對方，見對方聽日就要嫁人..都好唔捨得啦...)
靜:呀...嗚....(突然好唔捨得彤..好感動...)
彤:做咩啊?!(唔知發生咩事)
靜:我..唔捨得你呀...(抱)
彤:咁呀~咁唔好嫁囉!!(心:哈..玩下你個傻婆先)
靜:下?!呃....(即刻企開)
彤:點樣丫?(挨近)
靜:呀....我......(心:唔係掛..點算好啦...我要慶太啦..)
彤:哈哈哈哈)))講笑咋~你點唔捨得都唔捨得慶太先啦!!!
靜:咦呀?!你玩我...?!!呀!(打)
彤:哈哈..我點會叫你唔好嫁呀!!你咁蠢架~~(避)
靜:衰人!!淨係識得玩我~~
彤:唔玩住啦!去前面間鋪頭睇衫丫
靜:好啦~今次算你!!(手拖手行街)

★☆★☆★☆★慶太家★☆★☆★☆★
慶:哈...(望住對結婚介指傻笑)
涼:喂~你做乜?!(大聲)
慶:哈...(沉迷中)
龍:我有計!!(望住涼平)靜打電話黎啦....(極細聲)
慶:下?!!我聽我聽~~~(搶電話)【喂?!】
電:【...嘟.....嘟......】
龍:哈哈哈哈...我都話有計架啦!!
涼:哈哈...果然厲害呀!!勁~~(拍手)
慶:呀!!!你地...係咪嫌得閒得濟!!(放低電話叭手指)
龍:呀..無啦..嗌你又唔應人...哈...(以笑帶過)
涼:哈...係囉係囉...(陪笑)
龍:咪係囉~你聽日都結婚啦!仲咁癡纏~~
慶:呢樣野唔關結婚事架!你地唔明架啦~~~(露出幸福笑容)
涼:你睇佢..又笑到成個白癡咁啦...唉...
龍:白癡慶!!都唔明點解有人嫁你~~
慶:你地唔識姐!!我呢D好男人~~(認叻)
涼:係喇!係喇!!呀..聽日D野準備好未..?!(轉回正經)
慶:梗係得晒啦!!我會比靜一個最好既婚禮~~靜會係最幸福既新娘子!!哈...(笑)

★☆★☆★☆★電話中★☆★☆★☆★
龍:【靜~你聽到啦?!】(趁慶同涼講緊野個陣打比靜)
靜:【呀...】(眼淚湧緊出黎...靜聽到晒慶太講既野...好感動...】
龍:【點樣呀?好開心呢?!咦...你做咩喊呀?!】
慶:咩話?!(搶電話)【靜..你做咩啊?】(緊張)
靜:【慶太..呀!無野啦..哈...】(聽到慶太把聲好甜呀..)
慶:【嚇親我啦..仲以為個龍一整喊你!!如果係..佢就一定死得慘!!】
龍:【哇..慶太好恐怖呀!!】(搶電話)
靜:【哈哈...唔關佢事喎!】
龍:靜都話唔關我事呢~~(得戚望慶太)
慶:比返個電話我呀!!(同龍一係咁搶)
龍:【咦..?!】(心:無人既?)
電:【...嘟...嘟........】
龍:唔小心cut左線喎..
慶:呀!搞錯呀!!!!等我打返過去先得...(即刻拎起電話打)
電:【你所打既電話暫時未........】
慶:電話唔通既?!...(心急)
涼:可能收唔到呢~~
慶:唯有一陣再打過去啦...

○●○●○●○●○●○●○●○●○●○●○●○●○●○●○●○●○●
點解靜電話會唔通既?!
唔通真係涼平咁講收唔到?!定係其它原因呢?!


第3回