我記得我講過我係一個三分鍾熱度ｏ既人．．．可能係因為呢三分鍾過ｏ左．．．所以就無疾而終！我掙扎ｏ左好耐至有呢個決定．．．佢好似我個仔咁．．．我擺ｏ左好多好多ｏ既精神同時間落去．．．．我真係好唔捨得w-inds. land．．．無奈地我開始有心冇力啦∼人大o左就要面對好多問題．．．就好似讀書考試、未來．．．．我理唔到咁多野啦∼而且愈來愈多w-inds.ｏ既web site．．．．ｏ黎ｏ既人都愈來愈少．．．．唔想睇住佢直到一日冇人ｏ黎．．．．況且我總冇可能成世都同w-inds. Land共存亡．．．．

透過w-inds. Land．．．．我識到好多w-inds. o既fans．．．識到點整網業．．．識到好多好多．．．當我見到o係投票o個到大家都咁鍾意w-inds. Landｏ既時候我真係好開心．．．．因為自己所做o既野有人認同.....多謝大家!多謝所有幫過w-inds. Land o既人....冇你o地我都冇咁順利攪好w-inds. Land....多謝所有鍾意w-inds. Land o既人....你o地o既支持比到我好大o既滿足感.....多謝所有唔鍾意w-inds. Land o既人....冇你o地o既批評我都唔知個web有咩地方要改善....真係多謝哂！

最後就要講對唔住!!我應承大家ｈｋｃｅｅ完就ｕｐ番．．．幫大家搵MP3．．．擺d小說上o黎．．．．我食言啦！我幫唔到大家啦．．．．真係對唔住！或者等下一個三分鍾又o黎到o既時候．．．我可以幫大家兌現承諾．．．．

2004年5月31日