E-kids Garden

Main    Profile    Gallery    New    Download    Other    About    BBS    Link

The Life of Drama

no.3

夜晚,阿欣佢仲未返仁屋企,佢走上舞台上,演繹聽日要面試既劇本。

欣:嘩...個台好靚呀!!

第一次...踏上演藝學院既舞台...阿欣心諗:自己真係入左黎嗎??自己既夢想...係咪真係慢慢接近??

欣(讀台詞):算喇...一切都註定左...我一定要走架喇...嘩...d台詞咁既...

當阿欣起到練習緊既時候...阿Sam突然路經舞台...

阿Sam見到阿欣練緊劇本...心諗...呢個女仔...係咪真係做緊戲?點解可以演得咁好??真係唔敢相信...

欣(演繹台詞):冇野可以阻止到我!(充滿感情)

Sam(接落去):如果你真係要走既話...我都冇辦法...

欣(望落台下):e??阿Sam?咁夜既??

Sam:冇呀...唔想咁早返屋企...

欣:而家就十點囉喎!!

Sam:咁你咁夜仲未走??

欣:我想練好d台詞之ma!!

Sam:話時話...你d演技真係好好...

欣:真架??(開心)

Sam:不過...無論你聽日點努力都好...你都冇份做女主角。

欣:我知呀!Lego佢一早收買晒d評判喇!

Sam:咁你仲起到練習??

欣(跳落台):雖然我知我一定做唔到~但係我相信~只要我肯努力~肯俾心機~就一定會成功!

Sam:哈...

欣(笑):好老土呀...

Sam:而家好夜囉喎~

欣:係呀!不過我唔想返屋企喎...

Sam:點解??

欣(笑):都冇人送我返屋企~好悶架!!

Sam(笑):咁樣咋~好喇~我送你喇。

欣(推阿Sam架輪椅):咁走喇!!

佢地返緊屋企既途中,經過一間流動雪糕車,呢個時候,阿欣突然停低左。

Sam:e?做咩呀...?

欣(行去雪糕車到):英叔!

英叔:嘩~阿欣?咁夜既??

欣:係呀!咁你呢?

英叔:我就收工喇!!

欣:咁...仲有冇雪糕呀??

英叔:哈~梗係有喇~知你日日都幫襯~留多份俾你!

欣:咁要兩杯呀!

英叔:下...?

欣:係呀~俾我個friend ma!

英叔:哦~拿~囉住喇~今次就當英叔請你~唔洗錢!

欣:真架??多謝你呀!!(行去阿sam到)拿~食喇!

Sam:個英叔幾好人喎~

欣:係好好人呀~

Sam:你日日都黎呢到買雪糕架?

欣:係呀!英叔既雪糕係最好食架!

Sam:你唔怕肥咩??

欣:傻喇~我食極唔肥架!!哈哈~

Sam:成個細路仔咁...

欣:其實呢...雪糕就好似一個機會咁...當你遇上佢既時候...就要捉實佢~唔好俾佢走~就好似你拎住杯雪糕要快d食左佢~唔好憚佢溶咁!

Sam:嘩...咁得意既~我未聽過呢個比喻喎。

欣:係英叔講架!雖然我只係佢其中一個熟客~但係佢教識左我好多野!

Sam:如果有機會起我身邊~我一定捉實佢~但係...根本就冇機會...

欣:你話...你對腳??

Sam:嗯...你地可以自由自在咁行...但係我...

欣:傻喇!一定有既!

Sam:我等左廿幾年喇!!

欣:你唔好咁喇!其實行唔到路都唔係壞事呀!有我呢個靚女推你四圍行仲唔夠呀?

Sam(笑):你...??

欣:唔通你呀?食雪糕喇!溶喇!


(待續)