2002年6月11 日 (星期二)
這三日兩夜的長洲Camp咁快就過去了，但真係好好玩呀，今年係我地第二年搞，不錯，不錯，真係冇想過今年早過上年去Camp
架，不過最美中不足就係天氣吾好啦，又落雨喎。但願有機會再去係要天氣晴朗啦，能夠認識到你地，我真係感到感到好開心架，吾知呢，我信相係人夾人緣，好吾捨得冇人管的兩日，哈哈，friendship
forever。
2002年6月6日 (星期三)
今天收到個好消息，姐夫身體冇事。願大家都身體健康，健康真係無價寶來架，係咪？好開心呀，明天係最後一日考試，yeah，已經有一個星期多冇去游水，星期六都要去玩下先，當做下運動麻，因考試的星期只係溫書，係超悶啦，現在係Relax
的時候，hehe。
2002年5月27日
(星期一)
世事無常，請好好珍惜我地身邊的一切。
2002年5月23日
(星期四)
考試的日子真係好迫近啦，仲有幾天就開始，真係有些擔心添因未溫好呀，點算！
今日去左圖書館溫書，因個度溫書會比較集中些，但無意間有個小女孩不停地嘈不願離開圖書館喎，她的婆婆為了要她離開就用零食引她，小小的零食就能使小女孩咁聽話，小朋友真係好容易能滿足相比起成人的世界，小朋友真係經常能流露出天真的一面。
2002年5月21日 (星期二)
今日終於能順利考完個英文必文啦，好彩部電腦冇hang機咋，太好了，不過今次我都有信心既。這間房係我地經常上堂時用的，平日都經常hang，真的真的好彩。考完我都去左圖書館溫書，這裡真的好個係屋企溫架，因為我家附近好嘈，好嘈的打樁聲，仲有我隔離的小鄰居（小妹妹）依家經常打展歌喉，真的有小小怕左她呀！
2002年5月20日
(星期一)
放假的日子使我的時間顛倒，因有時下午溫下書又覺得眼訓，所以小睡一陣，到晚上又訓不著要好夜先訓倒。但今朝一早又去左游水，今日好似比平日較累，吾知係咪我游水時用了許多力而導致呢？但應該吾需要用太大的氣力的，我都吾知點解，不過今日覺得玩的時間真的過得特別快架，真係有快活不知時日過的感覺。
明天又要考多一次英文必文，間電腦房的電腦真係吾得啦，連考中文必文我都要轉個兩部電腦，好彩都夠時間完成咋，希望明天間房的電腦能夠使我順順利利考完佢就好啦，吾好再hang
機呀！
2002年5月18日
(星期六)
一個星期前，隻手腕位吾知係咪扭傷，連拿起枝筆、筷子都有些痛，以為塗些藥酒就會好些，但都仲係痛，最後都係去左睇跌打，當個師傅同我塗個藥酒及扭下我隻手，當堂隻手舒服左好多，仲冇咁痛添，真係好見效，如果有病或整傷就一定要“病向淺中醫”的，不過我隻手現在都冇事了。
2002年5月16日 (星期四)
今日好開心呀，因為我們的好朋友Sylvia將近生日，所以我地又約埋一齊出來，同她慶祝及談下大家的近況，好快大家又要考試，多數都要等到考完試再出來玩，大家都要俾心機溫書呀，HEHE，再祝壽星女生日快樂，及我們都開開心心的過每一天，係呀，仲要唔該cusson一次啦，好彩能把我的網頁放到網上咋，真的thank
you 。
2002年5月14日 (星期二)
昨晚去夜先去訓，但今朝一早就起身去游水，其實真係想訓晏些，好彩最後都起到身咋，今日覺得自己都有些進步，我相信有恆心就一定會成功的。不過游完真係覺得好精神，我會迫自己一個星期內都會去游多幾次的。
2002年5月12日 (星期日) 
今天係母親節，大家係咪都係同媽咪去酒樓飲茶呢，我都當然不例外的，其實飲茶的確係一家人相聚的時間，因為有時在時間方面不能令一家人坐埋一齊的，我這樣講有冇道理呢？其實任何人都應該真惜我們的家人，因為這是一種緣份。其實不用真的到母親節先孝順父母，而是每一天都係父，母親節的。
2002年5月11日 (星期六)
我很久都冇去過游水，但今天我竟然同阿姨，表妹去游水，真的吾似我啦，因我本身又不懂，又怕水喎，連浮都不識的我，終於成功左，真係有些意外囉，但感覺上浮在水面真的好舒服，最辛苦就係吾知經常都會飲左好多水架，但其實游水真係幾好既，可以四枝都能運用到，係一項不錯的活動，真的希望游多幾次會游得好些啦，我會俾心機學好去的。
