~想記就記(1)~

31/12

回顧01年，得著o既似乎比失o既多。最起碼我學識o左珍惜!特別係珍惜身邊o既人，尤其係朋友.....愈大個愈發覺搵一個能夠交心o既朋友真係一o的都唔容易，好享受同成班人一齊o既時間。

估唔到臨尾都見到，係代表夢要徹底醒來!其實都唔算係o的咩夢，應該話代表一個完結。夠lu，o來緊o既一年唔再去諗lu.....

20/12

真正的朋友係唔需要日日見面，只要有心，其實就已經夠!偶然o既一句問候勝過其他人吹水啦!

19/12

終於都攪掂哂o個七個report同埋個debate，享受一下三年以來第一次完完整整o既sem break，亦都係學生生涯o既最後一次sem break。話咁快三年的大學生活就會完結，哈!咁就渾噩o左三年，都好似唔係好知自己做過o的乜，話平淡又唔係真係淡到似湖水，但論精彩就真係唔係好精彩喇!不過我諗今年都應該係我最開心o既一年o來o既，希望係咁啦!

13/12

呢排因為做功課o既原故，成日都差唔多要通頂，不過可能因為咁反而愛上o左深夜o既o個份寧靜，加上收音機播出o來o既舊歌，好有味道，感覺好正、好舒服、好好feel.....

9/12

好耐冇見呀!原來見番一個好耐冇見o既人係一件咁開心o既事o來o既!

3/12

破哂記錄啦!好耐都未試過因為趕功課而通宵，仲破埋記錄，係朝頭早六點鐘先訓!哈，我都唔知份功課做o左o的乜，不過算啦，交o左就算喇!其實都好o既，我都好想忙o下.....忙到可以咩都唔駛諗，都幾好oY!!!

23/11

與其說自己默默等待，甚麼隨緣.....想深一層，倒不如說自己尚未有足夠的心理準備去迎接一種新的體驗!!!

20/11

原來機會有時真係要自己去爭取，未嘗試過又點知自己冇咁o既條件呢?好多謝幾位朋友幫我分析同鼓勵我去作出嘗試，能夠玩到第二回合已經好滿足，我諗如果我冇去試過o既話，我真係會後悔!原來每個人都有佢值得別人欣賞o既地方。我諗我o的信心唔多唔少都番o左o來，你地令我對機會有新的睇法!多謝!~

10/11

見到個friend畢業真係開心，今次係一次好難得o既機會，可以齊哂人咁出o來影相，賀一賀佢。唔知到我出年grad又會係一個點樣o既情景呢?  唔知可唔可以好似而家咁咁齊人聚埋呢? 唔知會唔會都一樣咁開心呢? 唔知出年而家o既我又會點呢? 唔知.....唔知.....   好多unknown.....

30/10

我有我o既性格，不會麻目跟從、不會同流合污、不做順德人、不要別人o既認同、不問世事，我要做番我自己，我就係我!!!!

27/10

終於都見到喇!本來以為從此唔會再有機會見到添，一直沈寂下去。但估唔到.....雖然只係簡單幾句，但起碼我知道仲o係度，已經好開心o架啦!!突如其來o既事永遠都係令人感到高興，唔知希望仲o係唔o係度呢? 其實我知道唔可以再發夢落去，因為夢終有佢要醒o既時候!~

19/10

終於都搞掂��手頭上o既工作，終算暫時鬆一口氣，休息下.....不過下個禮拜又開始煩其他o野，出placement不特至，仲要做7個report，prepare debate 同present o的o野.....最大鑊o既係仲有個FYP，問你死未?!

17/10

已經睇o左"夏日的麼麼茶"好多次，但依然好鬼死鍾意睇，除o左好鍾意個景、主角之外，個故仔同o的情節都好鍾意。

9/10

究竟是世界轉得太快，還是自己原地踏步，不願意去改變? 感覺就好像時空同人永遠都夾唔到一樣，跟唔上.....究竟邊一個空間先最舒服、最適合我生活?

5/10

好開心可以成班friend出o來玩，一齊嘻嘻哈哈，好耐都冇試過係咁.....到頭來先發覺原來朋友先至係最好，不離不棄，別無他求lu!~

28/9

如果可以選擇叮噹o既一件法寶，我會揀時光機，俾我知道將來o既出路會係點，唔駛咁徬徨!

21/9

每個人o係人生o既唔同階段所追求o既o野都會唔同，家庭、學業、事業、甚至愛情，縱然身邊種種環境都影響緊自己o既諗法，但我知道呢一刻，我追求o既o係實質o既o野，而唔係一o的虛無縹緲o既o野，但願一切隨緣!!~

18/9

只是一個簡單的動作，雖然冇任何意思，但已經很高興，很足夠!~原來仲o係度，原來冇忘記到。希望希望仲o係度!!

5/9

現實o既一年o來到喇，今年已經有目標，唔會再渾渾噩噩o架啦!!!

1/9

今年冇Grant & Loan，要自己養自己lu，唔可以再亂花錢喇!

22/7-19/8

一個月o既北京之旅真係難忘，好少有咁o既機會可以留o係一處地方成個月，真正感受當地o既生活文化。雖然話上去讀書喎，但結果實在是過份得連自己都唔相信!一上堂半個鐘都唔駛就已經上演"打把記"--半班人"lum"o左(記住喎!我地班只得十三個人咋!)到break之前全班已經"lum"��。誇張到阿sir一路講緊書，你一路可以聽到有好勁o既鼻寒聲o係到伴奏緊，死未!~阿sir每次放break同落堂都只係自己同自己講....."好，現在休息一下"或者"我們現在下學"，然後就好黯然咁離開o個課室，真係慘!點解會咁?因為我地全班已經��到不知時日，不知天昏地暗，連落堂都唔知!!!放o左學之後，大家都��足電，係時候四出去玩lu...我地行到邊，玩到邊，食到邊，食o左好多好有特色o既食物，價錢又平.....我地由天光玩到天黑先番"療養院"抖o下，第二日當然又要番去交流中心�漦�電先喇!我最鍾意o既就係可以去內蒙古玩，可以騎馬之餘，仲可以��蒙古包添。o個晚好凍呀，得番十多度，凍冰冰，想o係遼闊o既天空睇o下o的星星，點知就有好大堆雲遮住。唉.....諗住睇日出算啦，"嬲"住張被等，點知.....日就出o左喇，不過又被d雲遮住o左，真係冇��mood喇!其實玩之餘，我發覺北大o既老師真係好好人，好錫d學生，真係用心去教，只係我地無心向學��。同o的北大學生比較，香港o既學生真係身在福中不知福喇!人地一間hall住六個人，環境咁迫都可以好勤力、好珍惜讀書o既機會，而我地?即使俾一千呎o既地方又點�魽A咪又係唔讀....��gas。不過呢o的可能就係香港學生o既特色喇!!!~去完北京，愛上o左自助旅行，唔知幾時可以一班人嘻嘻哈哈去旅行呢?

18/7

今日冇o拿o拿俾人叫o左去做義工，不過都好過o係屋企悶。同d公公婆婆玩o左兩個鐘，雖然冇做過d乜o野，但係都好累! 原來開心係可以好簡單o架咋，只係在乎你點諗o既jei!!!

12/7

好心啦!都唔明點解d人可以咁得閒，做埋�� d咁無聊o既o野，損人不利己.....有時間不如做d更有意義o既事咪仲好!

5/7

人有時真係幾矛盾，有o野做o既時候就"炎"冇得休息，到你有時間休息o既時候又"炎"冇o野做，好悶，真係無理頭。

30/6

o係唔開心o既時候，試o下從另一個角度再看看這件事情。冇唔開心o既時候又點襯托出快樂o既一段片段係咁值得回味呢?

29/6

自信，自信，係自己俾自己o既信心。所以，不要因為身邊o既人，就把你的自信全拋進大海。當你覺得自信愈來愈少o既時候，不妨靜下來想一想，自己有甚麼優點? 曾做過些甚麼事情令自己充滿信心? 你會知道自己其實並不是一無是處的!

28/6

好��呀，好��呀!!!好激氣，好激氣呀!!!有乜理由差0.01都唔俾埋我呀!!!我o既GPA 呀!!!2.99!!!!真係吹脹，冇o野講啦!!!~ 

25/6

好想尋找真正的自己，不再渾渾噩噩，但.....從何入手呢?

22/6

Sammi 演唱會，正呀!可以聽到好多好好聽、好想聽、好鍾意聽o既歌，最開心o既係可以見到古巨基呀..... 哈哈，好滿足!不過又係o個句，太短喇，唔夠喉!

15/6

今日有幾會見到一位媽咪 o來照ultrasound，哈哈，好得意 o架，睇到個BB o既頭啦，身啦，手啦，腳啦，郁 o下郁 o下，好神奇，好得意，好攪笑呀。

8/6

考完試之後又出placement，呢個block日日都做緊SR，不過係standing o個隻，悶都痺，淨係負責食電.....skills 就真係唔係學到咁多，反而覺得自己好幸運，因為有o的人一生出o來就有問題，而我o地就咁健康；有o的人好後生就有疾病困身，比起佢地原來自己可以行得、走得、食得、��得呢o的o野並唔係必然有o架!!!

20/5

唔想溫書.....就算溫o左都係唔識，都唔知做乜，愈來愈頹廢，快d挨過呢兩日就好lu~!

       17/5

好想咩都唔諗，靜心溫書。

11/5

終於攪掂個IM assignment 同RDS o既film interpretation，雖然做assignment 做到凌晨4點幾，連RDS都未讀過就大覺��，第二日先用緊餘o既兩個鐘時間飛 "lap" d notes，都未讀��就走去考，但係唔知點解一 d 都唔識驚，要入到間房對住 d片俾人問到口啞啞先識驚.....不過考完就算啦，費事諗咁多。仲有件值得開心o既事係CK 可以如願以償，讀到 Degree，佢開心到傻o左呀，咁又唔怪得佢o既，我都好"登"佢高興o架，希望佢可以真正 enjoy U's life 啦！

8/5

好辛苦呀, 冇����感冒菌入腸, 仲要��呢個時候出 placement, 攪到個人冇��心機, 冇��胃口, 勁唔舒服.....

都唔知幾時先好番.....好慘呀~!!!

6/5

唉......對住一大堆要完成o既功課同溫習考試，都唔知由邊度開始至好，又唔識得點做，真係好頭痛，坐o左o係度，好無奈，好辛苦呀，快o的過o左呢段時間就好喇......

30/4

好開心可以睇學友o既演唱會，佢o的歌好好聽，不過成個concert 得個半鐘就少o左o的。

13/4

人所能控制到的，是很少很少。越想放低，越難放低。無謂強迫自己，順其自然可能是一個最好o既方法。時間是醫治心靈傷痛o既最佳良葯﹗

12/4

今日好大感觸，如果每一個人都願意利用少許時間去關心身邊o既人，呢個世界將會變得好溫暖，好有人情味﹗因為...幸福唔係必然的。

3/4

今日聽到一件好唔開心o既事, 忽然間覺得生命係好脆弱, 希望大家珍惜你所擁有的每一天, 要每一天都過得開開心心.....

2/4

人...往往是貪心的, 總是喜歡追求一些虛無飄渺,不切實際的東西, 攪到自己不開心。其實身邊有好多東西是我們忽略了,遺忘了的。懂得珍惜現在擁有的一切才會懂得知足,懂得快樂。 

26-27/3

今日除o左o係 Census o既 last day之外,仲係我 present 之日,之前o個日一放工已經要趕返學校同同學傾 present,卒之攪到成十點幾先食晚飯 (嘻嘻, 好彩唔駛通頂咋!!~)。已經好累o既我,今日仲要晨早流流六點幾起身 (天都未光~!) 拎部 notebook俾同學..... 好彩o個日返工唔駛點做野, 13日冇見同學, 佢地一開口就話我穿金戴銀喎, 邊有 d 咁o既"樹" oY,玩o野!~ 咁耐冇見ｄ同學,真係有ｄ掛住佢地添!~ 但另一方面我又好唔捨得相處o左成一百三十幾個鐘頭o既同事同 d 仔,因為之後都冇幾何會成班人再見到面 lu.....

15-27/3

13日o既逃學生活真有意思,每日朝十晚十,面對許多騎呢人,騎呢Case,成日o係d唐樓度走上走落,簡直掂過做Gym,最開心莫過於同d仔(仲有女o架!!! 正確d o來講係四個仔加兩個女,o岩o岩好砌夠半打) 一齊玩, 佢地好得意,好好玩,好好笑。一個外表好串o既串妹竟然唔識打麻雀不特至,仲連認麻雀都唔識,八索變兩條,真係俾佢激奀!! 難為教佢o個個阿Sam,成班笑到肚都"luen"埋,佢仲可以好認真咁繼續教落去,佩服,佩服!!!其實阿Sam算係比較正常o個個,不過佢就唔係咁好彩喇,已經要由葵涌咁遠o黎深水��區o既佢要搵啦啦隊長同埋去踢所謂o既 "鬥",真陰公!!~仲有個以為好乖o既女學生,點都估唔到佢鍾意打牌同篤波,真係俾佢騙到。一個個樣似足Form 2 o既笑面虎(連影相都好鍾意笑) 但原來o係Form 6 o既男仔,改個英文名都騎呢過人 --- Linus。阿聰 -- 呢個仔最激 FE,成日攪到 d o野好 "larw" 攪,但係佢對d  client 老練o既態度同實際年齡成反比。Kenjo 俾人第一個印象係"嘩!駛唔駛咁搏呀,如果有勤工獎實係你啦"o個隻,點知.....又被騙,原來扮勤力仲一腳踏兩船。好開心仲可以識到 Johnson 同埋 Terence (Tourist???), 一個可以鬧鬧o下人但電話一響就即刻轉用好磁性o既聲音"午安,xx處",收完線之後又繼續大聲鬧人。一個成日都掛住笑而一話人就係"痴線",每餐食飯好似冇雞不歡咁,好o野!!!~我地成班人o係 last day 仲去o左城門水塘 BBQ,o個晚好凍呀,不過得到馬騮先生o既光顧,冇o左成包生命麵包, wu wu.......,又有dog dog 同 cat cat o既 "交響樂 ",真係難忘喇!!哎呀, 差d 唔記得...... 你試過o係部"��"(點解要係��???) 入面玩啤牌,仲要玩"非洲話事啤"喎,勁唔勁呢??? ~過完個 Census, 總結係...... 依家 d 大學生語文水平直線下降,又盲又聾又色盲又八卦,真攪笑!!!~

Back