~想記就記(2)~

21/07/2002

兜兜轉轉，原來好多o野都好似一早已經有o左安排咁......實在太玄妙!會唔會真係有咁多巧合? 還是......

04/07- 06/07/2002

其實只不過係好小事，但好多謝大家對小妹o既關心同問候，特別銘謝我o既"男朋友"咁隨傳隨到，真係唔話得!放心啦，我會好快再以靚樣見大家o架喇!

30/06 - 01/07/2002

原來同你地成班人去玩，目的地係唔重要，我好似將成個月o既笑彈儲埋一次過爆發晒出來咁，犀利!

08/06/2002

今日出o左final成績，雖然一早已經知道係Second Low，但係個GPA終於都達到o左自己o既目標，都幾值得安慰o架!

07/06/2002

如果俾我知道邊個做埋��o的咁無聊、咁變態o既o野，我一定唔會放過佢，一定同佢反面!太過份!!!簡直令人討厭!!!

18/05/2002

酒始終愈舊愈醇，朋友始終愈老愈好!

05/05/2002

好鍾意乜都講��o個種感覺，好舒服!

04/05/2002

可能我真係諗得太多，多到連自己係一個點樣o既人都唔太清楚，太過同人比較，有o的被淹沒o既感覺......

02/05/2002

今日我覺得好warm，其實原來o的同學對我好好o架，只係我冇好好去了解同同佢地相處......

好多謝你!真心o架!你令到我o係呢三年o既大學生活多o左一個好難得、好難忘o既回憶。

29/04/2002

完啦!完啦!連FYP個report都交埋啦!好似"dum"低o左舊大石咁，終於可以鬆一口氣。不過可能真係慣左，o下o下都要攪到臨尾先攪得掂o的o野。今次係五點，跟住十點幾起身，十一點先出門口，但十二點就要交report......印又未影，"快老"又未買，呢咁"hair"......哈哈，好在有人幫我o係排晒長龍既福記霸住部機，又老點人去買"快老"，"ping ling bum lum"咁交o左......哈哈，好攪笑!

19/04/2002

好囉!終於有好日子過囉!呢個幾兩個禮拜都捱得慘囉!簡直就好似長期作戰咁，o的生活時間顛倒晒，晚晚(應該係朝朝)��o既時候已經差唔多係天光o既時候。不過好開心o係呢段時間有同學o既互相支持，一齊捱到最後。

做o左咁耐FYP，有人就話佢害人不淺，煩到死，做到嗌晒救命.....不過我就覺得做過FYP o既先至係代表讀過大學!有時結果唔係最重要，過程先至係令人難忘o既.....個supervisor由頭到尾都唔理你，但就竟然話你好independent working喎!簡直就係一大諷刺!不過臨尾主動提出同我地練present就令我覺得佢最有貢獻!我覺得我好好彩遇到呢group，雖然一開始就斷腳，但就令大家更俾心機做好佢，多謝你地，容忍我呢個懶人o既存在!哈!相信FYP 呢三個字對於我地每一個都難而忘記!至少你可以大大聲聲話俾人聽你哽得幾咁辛苦，捱得幾咁慘!冇佢?或者廿年後你都唔記得你大學o既生活係點lu.....

17/04/2002

好o野!好o野!FYP present終於都完o左喇!冇俾人插到體無完膚真係好好彩，panel兩位��弗人面口都唔係好難睇，應該唔駛大死o既.....哈!呢招"置之死地而後生"果然掂呀!"熬底"始終冇用，只會攪到自己肚痛.....今次難得o係自然心態o既情況下present同被插，仲要係最尾o個個，都算係咁喇!唔望高分，但求過得自己!最惡哽o既都哽完，消化埋喇，掂呀!哈哈!

雖然仲有"�漦�生"份case report ，logbook同埋FYP o既final report，不過應該冇乜問題，掂o既!

12/04/2002

下午對於我o來講都真係唔係一個適合o既時間做功課，唯有夜晚先至俾到我一個寧靜的環境而頭腦又清晰.....雖然會做到好累，好辛苦，但係當聽到一首你好想聽o既歌，o個種感覺好好，好有refresh o既感覺.....正!

09/04/2002

快o的過埋呢兩個禮拜就好喇!對住個FYP真係好金!有乜理由出完placement就咁快叫人交��o的report，又present至得o架!真係變態.....痴線o架!好冇mood呀，唔想做呀!

04/04/2002

唔經唔覺今日已經係我placement生涯o既最後一日喇，臨走o個陣真係有o的唔捨得.....時間過得真係快，眨o下眼就o來到Year 3 o既尾升(好老土呀!不過真係真o既!)。望就冇乜好望喇，只係想搵到份好工!

02/04/2002

原來有o的o野適可而止就好了，過多只會弄巧反拙。咁.....係咪意味住一個人o既生活先至係適合我??? 

30/03/2002

好開心呀!我部電腦hang o左好耐好耐，今日終於都知道係衰乜o野喇!原來係舊火牛出o左事.....好彩唔係塊底版壞咋!多謝Dr. Dog幫我搵出病因，醫番好佢!真係辛苦晒，麻煩o左你好耐，真係唔好意思!

28/03/2002

以後冇人聽我講野喇!唔可以再倚賴人喇!要學會獨立，自己照顧自己喇!

22/03/2002

出o左placement咁耐，呢兩個禮拜o係portable最深感受，覺得自己真係好幸福，深深感受到生命同健康之可貴!好多擁有緊o既o野其實都唔係理所當然，及時珍惜先至最重要!識得咁諗既話，相比起其他o野都只不過是微不足道��。

06/03/2002

聽日就做clinical assessment 喇，好驚唔掂.....千祈唔好衰呀!加油，加油!

02/03/2002

好冇mood呀，對住成咋功課都唔知可以點做，攤o左o係度，可唔可以搵人教o下我呀?

23/02/2002

今晚好開心呀，好似好耐都未試過(其實只不過係一個月��!)不停咁大笑，係由心而發o個隻.....始終都係同你地o既感覺係最舒服，最自然，最正!

22/02/2002

下個禮拜出placement喇，終於都忙o的喇!仲要assessment，做兩個clinical incident report、一個case study、一本logbook，加埋FYP o既draft report，唔駛諗咁多o野，好！不過好驚攪唔掂，希望我可以好好咁handle所有工作啦！

收到上次o既clinical incident report，好down、好hurt，竟然咁低分，有冇攪錯！睇o黎我o既GPA冇救lu.....

17/02/2002

人，去到某一個階段就好似自自然然咁要做某一o的o野.....其實可唔可以有o的變化?可唔可以同其他人唔同?

《怪獸公司》好好睇，好得意!好鍾意毛毛同埋個細路女阿Boo。

12/02/2002

大年初一，又係例排去親戚度排年，都真係幾悶!不過好耐都冇試過一家人係埋一齊.....其實親情都好重要o架!!!襯有時間，多o的陪o下屋企人都好oY。

09/02/2002

唔記得o左第幾次睇《夏日的麼麼茶 》，但仍然覺得好正、好正、好正!不過最可惜搵唔到《Thinking of you 》呢首歌.....            

08/02/2002

噚晚一時感觸，喊o左好耐.....                                                               

今日就好開心，終於可以同菇時(雖然佢唔識紅o下紅o下)、麥兜重聚，仲多o左生日啤啤做禮物，好o野!多謝Fung fung。

03/02/2002

聽到老友o既忽然promise真係好感動，差o的喊o左出o黎，好開心原來大家都係咁珍惜十幾年o既友情，好難得!

01/02/2002

有o的o野太耐冇接觸可以變成冇感覺，甚至.....冇感覺到一個地步係發覺原來可以唔需要佢。一些想不通、不懂解決o既問題，就讓它擱下來，答案要出現o既時候自然就會出現，還是隨遇而安吧!

31/01/2002

生病的滋味真的不好受，尤其是當你一個人在街上，冇人幫到你o既時候。這個月真倒楣，月頭月尾都病一次，睇o黎我真係要做番o下運動keep番個身體喇!

25/01/2002

人與人之間o既關係實在是既奧妙而又複雜，特別是男女間o既關係.....不知多少人曾為它而瘋狂。看得太多，聽得太多了!你可以說我膽小，有被嚇怕的感覺，但.....我實在是不懂得如何下注，或許我根本就是一個沒有感情的人，從來都不懂得甚麼是愛，亦不相信可以愛!~

16/01-19/01/2002

四日o既台灣之旅好正!好好玩~!雖然冇o左動感o既六福村，但有番架動感巴士同兩碗動感牛肉麵，分甘同味，已經補番哂。我地七個人去旅行，你估邊個係單丁?哈哈，當然係o個o的冇著紅綠黑o個o的啦!咁就無o拿o拿做就o左三pair出o黎，"近"!不過我地都冇話邊個做電燈膽o既.....因為影襯相就會自動多o左好多攝相人o既出現，無處不在。我地o的女仔真係好冇面呀，竟然o係美腿大比拼中輸o左俾隻wo wo.....幾無奈!唉.....真係唔夠佢o黎，算啦!唯有影低佢o黎警惕自己o係啦!台灣咁多處地方，我最鍾意o個間韆鞦"酷斯拉"，因為有韆鞦打，又有o野飲同��棒棒走，仲得到台灣o既學生介紹去淡水玩添，真係冇介紹錯!o係北投浸o左溫泉，真係幾舒服!不過就有o的"呢hair"，差o的要肉帛相見!

o係呢度我要特別多謝我o既好朋友同我過o左一個難忘o既生日。我知道CK同fung fung為o左個蛋糕整襯隻手，真係唔好意思呀!

雖然只係短短o既四日，但大家o既友情卻增加了不少，對彼此o既了解亦都多o左。好希望呢種關係可以一路keep住.....

弊喇!好似上o左隱咁愈來愈鍾意去旅行添，好唔掂當.....唔知幾時又可以成班friend傻o下傻o下咁再去旅行呢?好期待.....

10/01/2002

又邪喇!又邪喇!一個禮拜之內第二次撞倒七個人呀.....好驚呀!好邪呀!其中三個人o係前日先撞完，今日又撞，你話"橋"唔"橋"喇!

09/01/2002

今日好開心呀!覺得自己好幸福。我終於都明白到原來朋友係重質唔重量。雖然平日大家都各有各忙，但咁唔代表大家唔會關心大家，只要o係忙碌過後，大家就會好自然向對方問候一句。好似我個friend話齋俾朋友記得真係一件好開心o既事o黎o架!

08/01/2002

好邪呀!好邪呀!今日真係好邪呀!一日之間俾我撞倒七個我識得o既人，當中有兩個係好日都見唔到o既人，真係邪爆!咁都唔至，我仲唔知點解咁有眼光買o左樣o野，好溶呀!不過算啦!溶就溶o左o的，不過幾靚，我都幾鍾意o既，肉痛就肉痛啦!

01/01/2002

咁就2002年喇!開始對o的大時大節冇乜太大o既感覺，無論點o的時間都係咁過o架啦.....會唔會係因為我已經失去o左小朋友o既童真呢?

新o既一年，點都會有o的新o既希望o既.....唔.....我唔要再發夢!我要每日都過得開開心心!凡事唔需要執著於一時，只要放開懷抱，其實呢個世界係好大o架!好希望我身邊o既朋友都明白呢個道理!

Back