2001年 8月23日

2001年8月15日 ~~~ 48期Teens ~~~

繼陳司翰 , 梁浩然以雷霆萬鈞o既姿態勇闖樂壇之後 , 周啟生徒弟阿Roy亦不甘示弱 , 乘勢出擊一番 , 而年紀輕輕o既阿Roy又有D乜法寶 , 可以o係眾多新星中突圍而出呢?

周永恆勇闖樂壇有法寶

法寶一師傅好猛料

阿Roy o係入行前 , 已經開始跟名師周啟生學結他 ! 再加上佢本身好鍾意音樂 , 就算學完結他 , 阿Roy一樣用好多時間去夾Band , 操fit自己o既!!「我師傅係一個好嚴謹o既人o黎o既!絕對唔會縱容我 , 只要一有出錯 , 佢一樣會板起塊面o黎教我 , 但係佢真係教識我好多好多各種音樂o既知識。可能師傅教得我好好 , 搞到我無意中都會用佢o既方法o黎教我D學生! 」

法寶二盧巧音好 o錫我

阿Roy同Candy同屬一間唱片公司 , 大家自然就有多D機會相處!而身為師弟o既佢 , 又點睇呢位師姐呢?「Candy對我好好o家!佢教我好多野 , 而上次佢仲送左一支結他俾我 , 我就將支結他定名為" 無價寶 "喇!家 o下我連用都唔捨得用o家!」

法寶三事事親力親為

「o係新碟入面 , 所以結他部分都係由我自己彈o既 , 另外 , < 得不到的你 > 首歌 , 係由我曲詞包辦。所以而家我都好緊張 , 想睇下各位對首歌有咩意思喇!」

法寶四 Song 廣告響頭炮

「我o岩o岩拍o左一個Song手提電話o既平面廣告 , 而拍呢個廣告都幾難忘o家!話哂都係我o既第一次丫 , 同埋我要做一個Pose , 做足兩個鐘。不過出o黎o既效果都幾滿意 , 辛苦都係值得o既!」

2001年8月19日 ~~~第325期東Touch~~~

信和賣相亞軍

17 歲周永恆誓做 Rock 神

提起 Rock，你會想起霆鋒？恭碩良？何韻詩？還是 Beyond？
由現在開始， Rock界多了一個必識的名字：周永恆。

由細到大都喜愛聽搖滾樂的 Roy（周之洋名），雖自謙不夠靚仔，但最近卻殺入信和的賣相指數第 2位，對於這個佳績， Roy自言是一個驚喜，「不過我始終希望大家留意我的音樂多刋。」
好一副 Rock友口吻。

學結他兩年

由周啟生引薦入行的周永恆（ Roy），自小已經喜歡搖滾樂。「我很喜歡 Rock Music，兩年前跟了周啟生學結他，一學就上癮，現在更變成無結他不歡。」雖然 Roy只學了兩年結他，但他已一手包辦了全碟的結他部分，而且更有一首純結他音樂。「其實結他可以很 Rock，亦可以很柔情。」 Roy的處男大碟將於 9月初推出，碟內雖然沒有大量 Coupons和贈品，但他仍然信心十足。「我沒有強勁後台、又不夠靚仔，只希望大家會欣賞我的音樂，認同我的演繹方法。」

想為 Candy 作曲

自覺不夠靚仔的 Roy，絕對明白將勤補拙的道理，所以除了努力彈好結他外，更開始嘗試學作曲，希望以實力殺出血路。「我現在開始學寫歌，希望下張碟除了自彈自唱外，更可以為自己作曲。」 Roy表示，如果有機會，他更希望可以為盧巧音作首歌。「 Candy唱歌很有風格，又可以接受不同類型的音樂。」據聞 Candy亦非常睇好 Roy，早前更送了一支結他給他，以示鼓勵。有師姐大力支持， Roy一定要加把勁了。

2001年 8月23日 ~~ 第461期東周刊 ~~ 永

樂壇新力軍大混戰 ( 2 )

周永恆：唔係最樣衰o個個！

阿 Roy（周永恆洋名）一出道，最多人講的，一定是「他與周啟生的神秘關係」，先有人傳他們是父子，再有消息指二人是叔姪，整件事撲朔迷離。不過，阿 Roy就這樣說：「其實佢係我師傅，係佢教我音樂o既。可能我o地有D似，所以大家先咁講啦！」 OK，收到，轉話題啦！

「鬥雞眼」新人

入行兩個月有多，阿 Roy最需要學習的，原來是如何用「眼神制敵」。

「我依家對影相、訪問都習慣晒，淨係 TV未慣，唔識望鏡頭。有三部機o家嘛！望來望去唔知望邊部機好，又覺得望住鏡頭會好怪，點知唔望仲唔自然喎，哈哈！

「但係我發覺我 o係MTV度，有D『鬥雞眼』呀！（o下！唔係卦？）係呀！我唔知點解望住正中間o個點呀！不過，你o地應該唔係咁覺，我自己就好覺囉！（咁就要落足眼力睇喇！）」

好在唔「突出」

「其實我諗我吸引到人o既地方，係我好鍾意音樂。我鍾意一D Rock簕音樂， Hip Hop、 LMF簕音樂，我都會聽。師傅（周啟生）教我唱歌，同埋其他音樂上o既o野，我又學o左兩年結他。我隻碟入面都有首歌係我填詞！係講一個男仔暗戀一個女仔，不過唔係主打歌o者！」

「你睇我就知唔係行靚仔路線啦！哈哈！最緊要唔係突出咁樣衰就得。夏金城唱歌都好正o家！最緊要係夠認真。」

N e x t > 3

Back