→退後一步←

家人o係我心目中係佔左一個好重要的地位，無可否認佢地真係o係世上對我最好o既人，由細到大我都係生長o係一個穩定且健康o既家庭，個個都好錫我。

爸爸係一個好勤力o既人， 我好欣賞佢好努力同發奮咁不停工作，佢今日o既一切都係佢好辛苦咁捱番來的!!雖然佢今日唔係話有D咩重大成就，但捱左咁多年都算有D成績。哈哈!!講真的!!我見到佢工作認真的樣子時會覺得佢特別Man的!!雖然佢係比較固執，大家冇法啦!!呢個係上一代中國男人的傳統習慣。他的工作比較忙，其實我地見面o既時間唔係多，有時佢好夜返到來，大家都唔會講好多野，但其實大家都關心同緊張大家的，哈哈!!

媽咪o係呢個家的地位可以話係尤其重要的!!!佢o係我心目中都可以話係幾八面玲瓏的!!佢將屋企真係打理得井井有條，食過佢煮o既野o既人冇一個話唔正的，所有為屋企o既佢都願意去做，無論係苦與樂。細個o既時候佢真係好惡!!哈哈!!點被懲罰就唔多講了!!但係講到底佢都係為我同二小姐好!!但係呢幾年佢反而變得有點淘氣，有時會做D好搞野o既野!!哈哈!!有D番細o既跡象，鐘意人地逗佢開心。我都明白好多時我都冇咩時間陪佢，希望到下年出左來做野之後時間會穩定D，咁都可以陪佢多D啦

至於細我一年o既二小姐，細個果陣我地真係唔係咁好，唔係鬧交就係打交，佢又"殘"雞，成日吱吱喳喳嘈生晒，但現在我地都大左了，可能看清楚同埋經歷左好多唔同o既野，明白都姐妹情真係幾可貴，一向我比較易發脾氣同易嬲，我知道佢好多時忍到的都會忍，好多就到我o既野佢都會就我，但係佢一出聲!哈哈!!!係可以煩死人!!因為係收唔到聲的!!她的巴渣性格始終冇變!!但係咁多年來，佢幫左我唔少，無論係實質的或是心靈上的，我D脾氣雖然臭，但係有好多野我係記得的!!HeHe...................

仲有就係二少爺o勒，同左佢一齊之後我體會到好多新o既野，當然大部都係開心的，佢比二小姐更就我，縱使他的工作好忙，但佢真係會盡量抽時間陪我，曾經我同自己講過搵到一個真心對自己好o既人就真係要好好珍惜，因為我一向也不喜歡拿愛情來開玩笑的，哈哈!!~~~我跟他之間的真的不用多說，因為有好多野係我地兩個先知的，同埋都真係心照了吧!!

林村五少呀你！！！由中一識到你現在啦！你都變左好多！！你由一個只係識得玩、無所事事、有書唔好好讀讀、多咀、淨係識整古人的四眼仔變左今日的你！哈哈！雖然你現在都仲係咁多咀，但係程度都真係比以前好左好多了（都算積番ｄ口得）！你ｏ既出現令我的生活起左好大的變化，就係你成日上堂撩我傾計，搞到我要比趙ｓｉｒ掉位坐！哈！！天呀！！你看看！！有乜可能掉我唔掉你？？！！不過起碼你現在都唔係只會識得玩，個人都識諗左好多！記住呀∼∼有田有地係冇用嫁！比心機ｄ做你要做ｏ既野！！之後就好好地搵番個人，如果唔係就好似你阿媽話齋，生你出來唔結婚生仔有咩做？？！！哈哈！！原來呢個係你的使命！點都好啦！雖然你把口由細到大都係咁衰！但係對我都真係叫唔錯！記住！！我唔會唔記得你的！平日真係太忙姐！！好多開心唔開心你陪過我！我又點會唔記得呢？？