27.2.2002        王家衛認《天下無雙》內容欠清晰

由王菲、梁朝偉主演的賀歲片《天下無雙》，前晚於銅鑼灣利舞台戲院舉行三場免費場，大批觀眾排長龍領取戲票，反應空前熱烈！

監製王家衛親自到場視察反應，他高興地說：「好開心有咁多人捧場，我們每場派五百份問卷，看看觀眾對港產片有乜睇法。觀眾睇完部戲係出乎意料之外咁好，證明有心機拍電影就會有人睇。」

不過，《天下無雙》票房仍不敵《嫁個有錢人》及《嚦咕嚦咕新年財》，他說：「唔可以話輸，因為觀眾層面唔同，可能宣傳唔夠，內容唔清晰！（應否減票價？）經濟差係事實，但《怪獸公司》七十五蚊張飛都有人睇，最重要係共同努力，拉番觀眾入戲院！」但前晚入場的觀眾卻認為市道不景氣，入場睇戲足足要花六十元，實在不值，應該將票價降至三十元。

此外，問王家衛何時再開拍《2046》，他說：「盡快啦！（有傳搵番木村喎？）今日唔講《2046》！」王家衛還透露《天下無雙》將拍成導演版及國際版，於康城影展作觀摩電影。(太陽網)

王家衛前晚到戲院視察免費場的反應，有觀眾還跟他索簽名。