22.12.2002
態度親暱 屢傳緋聞
梁朝偉唔認飲張曼玉口水尾 (太陽網)
最近為宣傳電影常與張曼玉（Maggie）出雙入對的梁朝偉，被指在機艙內與Maggie一杯水兩份飲，偉仔否認此說，而他前晚出席完賀歲片《行運超人》煞科宴，也跟Maggie座駕相遇銅鑼灣。
梁朝偉與張曼玉被指在機艙內一杯水兩份飲，前晚偉仔出席賀歲電影《行運超人》煞科宴談及此事，偉仔只覺得啖笑，根本沒甚麼大不了。偉仔說：「我知有記者坐第一行，咁唔代表什麼，她飲杯裝，我飲樽裝，我樽水在側邊⺊！」
偉仔還拿緋聞來說笑：「生不逢時喎！（你睇過篇報道咁寫你同Maggie？）冇，經過報攤睇到⺊！（覺得好好笑？）冇所謂啦！之前又傳我同華仔不和，其實好多事唔使咁認真，對呢件事都沒有睇法。」離開煞科宴後，偉仔坐保母車與澤東工作人員返回銅鑼灣澤東辦公室，偉仔更扶著似飲醉酒的經理人落車，然後坐在車上看一些重要文件，湊巧此時偉仔的保母車停在張曼玉的座駕後面，但Maggie不在車上，停在雙黃線的曼玉司機見記者拍照立即駛走，偉仔亦坐車返回寓所。
《英雄》入圍金球獎感開心
在煞科宴上，偉仔透露剛為王家衛電影《2046》試衫，如無意外月底復工，至於戲中有否與嘉玲有對手戲，他說：「冇人會知！個故事好複雜，唔係常人可理解。最怕係去新疆取景就大件事，分分鐘零下廿幾度，去邊都未知，怕會得番半條人命。」
答得很玄的偉仔說已預了未來兩年拍兩部王家衛電影，分別是《2046》及《詠春》。他還笑說：「我諗拍完《2046》得番半條人命。（練了詠春沒有？）沒有呀！都係一堂啦！」對《英雄》入圍金球獎角逐「最佳外語片」，偉仔認為若得獎當然開心，但都要有運氣。
偉仔對於與Maggie一杯水兩份飲的緋聞得啖笑。