王 家 衛 的 新 作 《 2046 》 在 康 城 電 影 節 雖 然 大 熱 倒 灶 ， 但 無 損 全 組 工 作 人 員 心 情 。 前 晚 王 家 衛 為 慰 勞 大 家 辛 苦 了 四 年 ， 於 康 城 郊 區 一 著 名 酒 店 內 的 LA COLUMBE D'OR 高 級 餐 廳 設 宴 。 餐 廳 內 掛 滿 畢 加 索 及 不 少 著 名 畫 家 的 作 品 ， 在 如 此 古 典 優 雅 的 環 境 下 ， 梁 朝 偉 、 劉 嘉 玲 、 張 震 、 工 作 人 員 及 發 行 商 一 行 四 十 多 人 當 然 盡 興 而 回 。

記 者 在 門 外 守 候 期 間 ， 發 現 偉 仔 與 嘉 玲 心 情 甚 佳 ， 面 貼 面 影 相 ， 王 家 衛 與 太 太 跟 發 行 商 則 邊 用 餐 邊 說 笑 ， 就 算 身 處 餐 廳 外 亦 不 時 聽 得 歡 呼 笑 聲 。

其 後 王 家 衛 走 出 餐 廳 接 受 訪 問 ， 對 於 大 熱 倒 灶 ， 他 一 臉 笑 容 的 說 ： 「 影 展 就 是 這 樣 ， 年 年 評 審 的 口 味 都 不 同 ，賽 果 和 我 估 計 的 一 樣 ， 心 中 有 數 了 ！ 得 不 得 到 獎 根 本 不 重 要 ， 最 重 要 是 《 2046 》 可 以 趕 到 康 城 首 映 ， 和 全 個 歐 洲 的 評 論 對 這 部 戲 都 是 肯 定 的 ， 今 年 反 戰 情 緒 這 樣 濃 ， 《 華 氏 9 • 11 》 得 獎 是 好 正 常 。 」

年 底 全 世 界 公 映
王 家 衛 的 《 2046 》 在 康 城 賣 片 的 反 應 超 理 想 ， 對 他 來 說 已 是 最 大 的 鼓 勵 ， 並 謂 ： 「 部 戲 定 了 在 年 尾 全 球 同 步 上 映 ， 法 國 會 有 三 百 間 戲 院 ， 意 大 利 有 二 百 間 ， 西 班 牙 都 有 二 百 間 ， 日 本 方 面 就 有 三 百 間 ， 東 南 亞 的 版 權 就 由 霍 士 電 影 公 司 負 責 。 其 實 每 年 冇 幾 多 華 語 片 有 咁 好 的 成 績 ， 全 世 界 都 咁 支 持 ， 而 家 韓 國 電 影 已 經 追 貼 香 港 電 影 市 場 ， 日 本 同 泰 國 的 電 影 市 場 亦 有 復 甦 跡 象 ， 所 以 華 語 片 要 Keep 住 個 勢 ， 希 望 大 家 團 結 些 做 好 些 ， 得 著 都 是 香 港 電 影 ！ 」

王 家 衛 更 指 偉 仔 並 未 因 落 敗 而 失 望 ， 在 餐 廳 內 心 情 勁 靚 ， 還 笑 謂 ： 「 我 特 登 揀 呢 間 餐 廳 ， 入 面 有 好 多 名 畫 ， 畢 加 索 同 杜 魯 福 都 曾 經 住 過 呢 間 酒 店 。 頭 先 我 在 入 面 還 見 到 查 理 絲 花 朗 （ 奧 斯 卡 影 后 ） 和 朋 友 食 飯 ！ 」

此 外 ， 張 震 昨 日 離 開 康 城 ， 與 幾 位 友 人 租 了 一 架 Mini Cooper ， 駕 車 到 蒙 地 卡 羅 欣 賞 賽 車 。

《 2046 》 雖 大 熱 倒 灶 ， 但 王 家 衛 認 為 歐 洲 片 商 對 此 片 的 認 同 與 支 持 ， 才 是 最 大 的 鼓 勵 。