小強的好友
我的好友 !? 加呢個 ITEM 嘅時候真係令我有 D 汗顏，因為我的好友實在冇乜，五隻手指數得哂，不過好友呢樣野唔係多就好嘅，貴精不貴多嘛 !
以下就係我的好友，排名以靚仔度排列 :
阿布
( 靚仔度 : 95 )
呢個真係老死黎㗎喇，但係又唔知點講佢好，佢份人心地唔錯㗎，又夠義氣，我同佢最大嘅共同嗜好就係大家都咁鍾意車喇。佢有部 98 年 豐田 COROLLA AE 110，改到鬼五馬六，又大包圍、大死氣喉、頂 BAR，仲 LOAD 到部車鬼死咁低，過小小壆都話要 "浪" 底，真俾佢吹脹。
份人又太過婆媽得濟，冇 D 爽快，所以到而家都仲未有女朋友，如果大家有好介紹不仿搵佢吖，好仔黎架 !! 有興趣可去佢嘅網頁睇睇 !!!
阿 JOE
( 靚仔度 : 90 ) 
佢同我都好 FRIEND 㗎，我部電腦都係佢帶我去買我至開始玩玩電腦詐。佢最鍾意日本㗎喇，凡係日本嘅嘢，食嘅玩嘅著嘅睇嘅都啱㗎。特別係 D AV 啦。佢嘅性格都幾好㗎，賤格得來又有幾分老實，老實得來又有少少幽默呀咁。不過靚女們可能會有 D 失望喇，因為阿 JOE 已經名草有主，結左婚㗎喇，無他嘅，好嘢梗係多人爭㗎啦 !
阿群
( 靚仔度 : 90 ) 
佢有空手道之男嘅稱號，空手道黑帶嘅佢唔只打得，玩電腦都好醒㗎!砌機又掂。一般電腦或者寫網頁嘅問題都難佢唔倒㗎!佢仲好鍾意揸緊車嘅時候睇女仔，有幾次仲差 D 炒車呀陰功 !!!