Alan Wong

好聽就鐘意  一段時間沉迷係黑暗音樂既世界(gothic, darkwave, postpunk)  而家聽既多左接受既多左卻愛上很多台灣女歌手  陳綺貞就係表表者 那種輕輕萬不經意地唱出  奏出的結他  令我係一個繁囂既城市中停下來覺得會舒服好多  試過一個人坐係海邊  享受住星期日既陽光  耳機播著陳綺貞既歌 覺得呢個世界好似突然簡單左好多

好奇怪地我唔係好鐘意睇西片  喜歡睇一些亞洲人既戲  日本  韓國  香港  都係我喜歡既  我比較喜歡一些描述人與人之間感情既戲  現實一些  我可以代入男主角既角度去感受呢個角色  好正  而自己又好喜歡睇西方戰爭片  喜歡唔係佢地既開戰場面  係片中角色面對戰爭的感覺  那種無奈  生命係戰場上  就好似好不起眼  突然間會無左  而好想知道那些曾經面對過戰爭既人  係唔係真係願意拎住把槍  去殺一個人  一個活生生既人  好奇怪  好驚   

談生命:

好多人都會問做人為左乜  點解呢個世界要有我  我都為左呢個問題諗左好多 好耐  究竟點解呢  結果諗通左  我係一個唔會放棄生命既人  因為我唔想放棄  所以我更想知道自己多一些  想睇下自己聽日  後日  下星期  十年後  又或者六十歲既我係點  對我黎講而家活係呢個世界  就係為明日而活  所以我盡量令自己開開心心每一日  快快樂樂過一年  生命太無常  我想係我死左後  去左另一個地方  如果有人問我  有無後悔  我想講我無  因為我開心過  快樂過

曾經可以話係信奉基督教(又細到大都係基督教學校長大...唔多唔少都係有關係既)  但係而家人大左就反而好似遠離左  接觸其他宗教既機會又多左  宗教--而家我會咁睇  只要呢個宗教能令人得到心靈想既滿足  而亦係導人向善既都係一個好既宗教

聖經有講 " 人地打你右邊臉  你要俾埋左邊面佢打  要人對自己好  首先要對人地好" 

佛家亦講求因果  而佛只會看當種下既因

其實講來講去都係叫人做一個好人  多做一件好事  所以邊個宗教根本無所謂  重要既係你點去面對呢個宗教  點去面對你自己