網上日記

[fri,14-11-3003]星期五網業創作日
晴,天色明朗

皆因大部朋友仔都有寫網上日記的習慣,而我又點會比佢地落後呢?因此,
屎忽痕的我就「姣斯登督」地做了這個網業。希望把我平日的所見所聞或
所遇上的事一一記下,放在這裏以供各方好友之觀賞。儘管網業有點粗濫
造,但日後定必改善做到最好,還請大家多多包容。

現在己是1:30am,亦是我要休息的時侯了。哈哈

*******************************************************************

[sat,15-11-3003]星期六處男有喜
多雲，稍後有幾陣微雨。吹和緩東北風，今晚風勢逐漸增強。

昨日補英文前,有幸一見Kitty同學男友之「盧山真面目」。他的確唔錯,與Kitty都可算郎才女貌。

晚上,約了個傻婆Kathy Tam一齊去又一城睇處男有喜(American Wedding)。雖然套戲舊左D,
但依然有相當的捧場客。套戲保持一向「搞笑、咸濕」的作風,完全0岩曬我地兩個。戲院內氣
紛唔錯,但感肯定地說,我地係全場笑得最大聲的兩個。不過,套戲真係好好睇。近來唔知做咩,
經常睇錯野、講錯野,比佢捉到唔少「痛腳」,仲笑到我面黃。

其後再同佢去尖沙咀打機。可能睇得書太多,「眼、腦、手、口」一D都唔協調。打機果陣
成日捺錯野,完全表現唔出應有的本能反應。

返到屋企已再無精力去溫書了.......

*******************************************************************

[sun,16-11-3003]星期日讀書日
大致天晴,吹和緩東北風至東風

一早起床,我有著萬二分的衝勁去找尋一種適合自己的讀書方法,好像衝上雲霄中的
主角Issac一樣。恰好,我在姐姐的書櫃中發現了一本叫「朱子讀書法」的書。於是乎,
信手拈來看一看。

朱子即是朱熹,字元晦,學者稱晦庵先生。條友係宋朝的大儒學家,在中國學術思想史
上佔有很高的地位。仔細閱讀下,引文大多是古文.......什麼「道在近而求諸遠」
、「具備萬物,橫絕太空」,全教人半懂半不懂。理論一大堆,解釋同例子就短到死,正如
彭sir所說:「全部都係廢話」。他媽的看了兩個幾小時一無所獲,可以話大部分係B.S(bullshit)。
總括而言,既無精闢獨到之見,又無立竿見影之法。一言已蔽之,「廢」!!!
實在太過令我失望。

Geog測驗在即......努力吧!!!

*******************************************************************

[mon,17-11-3003]星期一 What a fucking day
多雲,有幾陣雨,吹清勁東風。

今朝倒「塔」咁早就比人嘈醒(某程度上係自己校錯鬧鐘),一早已經有一個唔好0既開始。

然而小息後,Geog測驗,當我打開份paper時,我心中突然湧起一種奇異的感覺。面對D完全
未見過的問題,真係束手無策。劃圖都劃幾次,只有用我對Slope僅有的認識去作答,最後當然
係全軍覆沒啦.......唉,好在花的時間並不多。

惡運沒有因此離去,到lunch時候,正當我滿心歡喜地準備出去食飯,我才發現自己原來無「銀包」。
身上只有僅餘的幾蚊.......好在身邊有一大班朋友仔,不致「餓親」。
放學後,我立刻回家睡覺,得意洋洋的我一邊行一邊Fing條鎖匙,仲Fing斷左個「蒙之之」鎖匙扣。
唉.......

傍晚,得知久遺了身在美國的朋友,於12月返港。哈哈,都算是唯一一個好消息吧了!

*******************************************************************

[tue,18-11-3003]星期二自我分析
多雲，有幾陣微雨。氣溫介乎22至25度。

因做錯了某些事情,有人對我作出了以下的分析。
她對我說: 「倔強、硬頸」----------係我0既死人性格;
「思想單純」、「遲頓戇居」----------係我0既白痴為人;
說話「詞不達意」、「語無倫次」---------係我一向講野0既問題;
做野「姣斯登督」、「三分鐘熱度」----------係我0既做事作風;
「大意」、「粗魯」「、「妄撞」----------係我0既缺點同致命傷;
最後,做人「唔爹唔吊」---------係我0既人生態度;
總括而言,我成個人都係「無得救」的.......

然而,以上所有對我一針見血的評論,全都是出自我親愛媽媽的口中。
無疑,她對我的了解,比我自己對自己的了解,分析得還要深、還要透切。

但可惜,有一點她是一直急略的,就是:
「死不悔改」---------係我做人0既宗旨。
對唔往呀!!媽媽.......

*******************************************************************

[wed,19-11-3003]星期三巧合
大致多雲，晚間有幾陣微雨。氣溫介乎23至26度。

今日上世史堂,我同琪琪閑談中討論咩叫做「陰謀論」,她說左句唔知咩"set a trap to people"。我都完全
唔知她想講乜,好學不倦的我當然會找出真正的答案喇。陰謀論英文係"Conspiracy Theory",定義係相信
某些不公開但有影響的机构或組織對一些未獲得解釋的事件負有責任。哈哈....交談中更得知,我們家中
所用中杯子同碗都係同一款式的。世事0既野總是這樣巧合的......

Lunch後,去聽IVE講座,這個講座實係悶在得令人發慌。我0地只好猜「包剪搥」而作自娛,可惜猜「包剪搥」,
一向都係我最弱的項目。不出我所料,玩十鋪輸足九鋪。唉....睇呢「包剪搥」都係唔係咁0岩我玩。

因此,我設計個小遊戲比大家挑戰0下!!-----------------------Click呢度啦

*******************************************************************

[Thu,20-11-3003]星期四水運會
多雲及有幾陣薄霧。

今日係一年一度0既水運會,然而亦係我做prefect的最後一日。一大清早就要起身,本來已經與sandy同船長
約好左一齊食早餐,但大家都不約而同地遲到。哈哈,而我飲完杯老麥0既濃滑奶茶後,個肚痛到七彩,直頭好似
天翻地覆咁。on duty時,仲週不時要為自已找個四週無人的地方,獨個兒、陰地裏、靜靜雞連珠爆發0添......
簡直係無奈.....!!!

然而,到班際接力賽,我同阿pan被人一齊擺左上抬......無奈 x2!!
但我卻十分欣賞Cupid、Wingi、Junior同陳志豪的體育精神,絕對係鬥志可嘉呀!!!
在此我向他們表示出我萬二分的敬意。

*******************************************************************

[fri,21-11-3003]星期五旅行日
晚間多雲，天氣轉涼。最低氣溫約17度。

今日,旅行0既目的一半是為了JUPUS,一半是為了旅行。我地今日的目的地係泥涌....麥sir個club houce。
0個度雖然唔可以叫做山明水秀,但至少都叫環境清幽,風光明美,今人把煩惱一掃而空。
經過二個小時的遘座後,我地去左飯堂進餐,飽餐一頓後,我地找到個休息的好地方。0個度無比舒適....大家
都異口同聲地說:感受到咩叫做quality of life,然而在這裏,我亦第一次感受到「帝皇」般0既享受.....

其後的時間係自由活動,在這裏我不想詳談....總括而言,幾好玩。

之後,我仲要到太子補習....真係眼訓到極點。於補習時,我亦一面聽書一面「度波膽」,為星期六各場球賽準備
誓要與馬會拼命....

*******************************************************************

[sat,22-11-3003]星期六正黑仔
氣溫介乎19至23度。吹和緩東至東北風，本港預料下降至約17度。

俗語話:「唔賭唔知時運到,唔滾唔知身體好。」

由於近期手頭充裕加上我對足球0既熱愛,今日我可以話係「破天荒」地買了成一百蚊波膽。然而,昨晚我做
左一輪功課,可以係話有史以來咁認真估波。經過我一番0既分析同我對曼聯0既偏見,我覺得布力般受讓一球
係絕對買得過。我本認買他們和.....波膽係1:0或2:1。不出我所料,賽果係2:1,但係可惜的是我沒有買呢場。
眼見「大拿拿」成三百蚊白白溜走,心中0既百般無奈係不足為外人道也,只好怪自己無運行吧!
不過,黑仔又點會只得我一人,我週邊0既朋友,佢地都係同樣要接受輸錢0既現實......(但佢地話係我搭沉船喎!)

幸好最後,我都係輸左十蚊....但最後我都係被佢地冠以「黑仔王」0既稱號,仲話我可以將佢寫落JUPUS度。

*******************************************************************

[sun,23-11-3003]星期日晨光
多雲，一道高壓脊為華南地區帶來普遍晴朗的天氣。

昨日同友人係starbucks飲咖啡,我叫左杯iced mochart,味道的確唔錯,而且在這裏的環境亦十分舒適。唔知
點解mochart係我一向最喜歡0既咖啡。返到屋企,再沖多杯麥斯威爾即溶咖啡飲,味道顯然不同,真係一分錢
一分貨呀......哈哈!!

唔知係咪飲左兩杯咖啡0既關係,我工作到深夜4點幾,依然係「鬼打都無咁精神」。直到5:30am開始有點倦意,
於是走出露台,發現天氣明顯轉冷.....遠眺飛鵝山,看著黎明的破撓,太陽徐徐地升起。晨光初露,萬象更生,感覺
到咩叫「一日之計在於晨」。然而整個日出過程歷時半小時,但寒意一點都無損我對睇日出的熱誠。

不過諷刺的是,我今日第一件要做的事就是「訓覺」....!!但係夜晚我就一定會去投票!!

*******************************************************************

[mon,24-11-3003]星期一平淡的日子
天晴。氣溫介乎20至24度。吹和緩東至東北風。

今日,並無什麼特別事發生在我身上。平平淡淡的日子對我來說,亦未嘗唔係一件好事,十分適合我。這就是我
的生活哲學!!

在ORBIS的網業裏,我得知福建省高達58%人口,居住在中北偏遠的區及河谷地帶，這些貧民平均收入僅達城市居
民三分之一省內,估計有高達15萬名失明人士因無法得到妥善的診治而失去視力,情況更有擴大趨勢。而導致盲疾
的主要原因包括:白內障、眼底疾病、角膜疾病、眼睛受傷以及青光眼。因此,大家都要好好愛護眼睛......

幸福唔係必然的,而且施比受更為有福....!!

*******************************************************************

[Tue,25-11-3003]星期二尋找Junior
天晴，初時部份地區有煙霞。

今日放學,係條彌敦道遇到朋友仔"靜樺",佢同從前一樣,汲有什麼改變.....依然係白白淨淨、肥肥地、很是可愛
同佢0響條街度閑談左大約幾分鐘。其後同肥鏘、napoleon、erica一齊去睇鞋,但係erica佢「睇0黎睇去」都唔
0岩,真係得個"行"字......!!

然後,我地一行四條友走左去"老麥",尋找一下Junior,希望可以"嘆"番個特大麥旋風.....但係可惜D野完全唔係
佢整,又係得個"睇"字.....!!

返到屋企,還番隻Matrix 2比CD鋪,驚訝的是....遲還0既錢比續借0既錢還要平。正直的我當然係續借左好幾日喇,
唉....又比間野"拗"左錢!!

*******************************************************************

[wed,26-11-3003]星期三叫錯媽咪
天晴。

今日放學,同一班同學仔問Miss TO一D有關大學選科的意見。正當大家問得興高彩烈之際,我知唔知點解突然間....
神推鬼「拱」地向住Miss To叫左聲「媽咪」.....!!當場被佢地發現,仲笑到班友收唔聲。唉....真係瘀到痺!!人間
慘劇莫過於被人笑成咁...!!

其後返屋企「訓覺」,吃完晚飯後,成個精神返曬,直頭好似重生咁。之後,再溫0下Geog測驗,時間已到12:00了。
又係休息的時間啦!!

*******************************************************************

[Thu,27-11-3003]星期四追女記
天晴乾燥，部份地區有煙霞。

今朝返學,係架lift撞到個「鬼火」咁正0既女仔。出lift後,她一馬當先咁行左出去,我當然都唔「執輸」緊隨其後
啦!!鬼咁八卦0既我當然想知佢係間學校,搭咩車咁之如此類啦.....因此,為了能夠可以同佢一齊返學,我選擇左一條
我平時好日都唔行0既返學路線。

就係咁,我今日比平時返學時間用多左一倍,仲行多左一倍路.....但最失敗0既係,我現在依然對佢一無所知。
然而,此時此刻我想起了一句話:「只好明天請早吧了!!」。

所以,八卦0既你地敬請密切留意「追女記」0既下集喇....哈哈!!

*******************************************************************

[fri,28-11-3003]星期五聽歌
天晴乾燥。晚間天氣清涼，市區最低氣溫約16度，新界再低兩三度。

從阿Pan裏借左隻linkin park最新CD,叫做「live in texas」,另外一隻DVD係佢地0係得州開演唱會的情況。
十分精彩.....並熱切期待佢地來臨香港的一日!!!雖然有點不可能,但我相信0係不久的將來佢地一定有機會的....

隻CD除了D歌OK外,最精彩的就是D歌0既中文歌詞譯本。其中有D係我覺得很有意思的,希望與大家分響0下.....

「無論你看到什麼,你根本無視我的存在」......p5hng a*ay
「每個你對我的期待,己經在你面前完全落空」......numb
「無盡的不安排山倒海而來,吞食了我,分散了的心思,違抗自我的意志,我站在我的倒影旁
榮繞在我的腦中,我似乎不能找回自我」.......crawling
「不知道該相信誰,沒什麼好奇怪的,疏離人群,沉重的思緒化為塵埃,以及謊言」......from the inside

*******************************************************************

[sat,29-11-3003]星期六買書
受到一股東北季候風影響，本港清晨天氣相當清涼

與友人閑逛於尖沙咀,在海港城裏的壹葉堂看中了好幾本書,包括有<黑格爾"西方思想家寶庫之二">、"亞當．
斯密"、等等.....但因銀根短缺的關係,我只好買左本"原來尼采"。書中詳述尼采的哲學精髓和美學價值，剖析他
與音樂家華格納決裂的思想因素，道出他反基督教的緣由，以及解說其「發展超人」、「永恆回轉」、「權力意志」、「權力意志」等獨特的哲學概念。....都幾好睇0架!!

問左琪琪隻死野借本"蘇菲的世界"已經有成個星期,直到今日我依然係書皮都未見過,「屋太大、書太多、搵唔
到」係佢D死人藉口.....哼!!

*******************************************************************

[sun,30-11-3003]星期日夢
天晴乾燥。吹和緩偏北風。

"一生總要豪一次!!"呢句說話我係絕對贊同的。
然而落中國城"包曬全場"咁威番晚,係我自懂"性"已來一直0既夢想。唔知係咪呢個關係,潛意識令我昨晚發左個夢,
唔係,應該係一個惡夢先0岩!!

夢中某日,唔知點解我同Leo、阿駒一行三人浩浩蕩蕩咁衝左入中國城,我地仲著得鬼禁有型又有款,連門口個保安
阿"大傻"都對我地笑口「西西」。夢中一如我想像,成班火辣辣0既小姐向我地一湧而上,我地三條友享受著上賓式
0既服務。玩左一陣,無端端阿李柱鉻拿往張bill走埋0黎,佢完來個度既總經理(唔知點解會係咁),佢仲「拾」熟狗頭咁
叫我地左張單先玩。張單成廿幾三十萬,我地淨係遘左個"無"字之後,阿李柱鉻同後邊成班小姐立刻風雲變色,正當我想
走人之際,阿"大傻"同幾個彪形大漢即刻二話不說就"0的"左我地去條後巷,佢命令我地幫d舞小姐洗「底褲」......
仲要洗足廿幾三十年.....

*******************************************************************

[mon,1-12-3003]星期一笨小孩
天晴乾燥。晚間天氣清涼，市區最低氣溫約17度

"髮型屋" 係一個神奇的地方.......同試場一樣,佢叫我充滿寄望,亦同時令我感到無盡0既失望。
我永遠都會昂首闊步咁入去呢兩個地方,但係同樣地都垂頭喪氣咁出番0黎。

今日放學,得意洋洋的我滿心歡喜咁走去剪頭髮,唸住剪番靚仔頭,型型仔仔咁迎接聖誕節0既來臨......!!
去到坐低,我咩都無講,一開聲就叫佢幫我"剪短"。佢亦都二話不說咁手起鉸剪落,"0清"一聲....一扎頭髮媛媛地0係耳仔
邊媛媛飄蕩。已經心知不妙0既我亦只好默默地忍耐.....並期待著....希望不會比我想像中差!!可惜的是,結果係令人失望,
雖然都有d似舒夫真高,但心情依然低落。真係有d驚被人發現。
最後,佢仲好有禮貌、笑咪咪咁同我said goodbye....我只好無奈地比多兩蚊tips佢,然後含著淚咁行返屋企。

返到屋企,媽媽說:「亞仔,你好似個叫咩0既....笨小孩咁喎。」(當場有d想死)

*******************************************************************

[thu,1-12-3003]星期四預算
大致多雲。晚間最低氣溫約19度

呢個星期有好多野做,所以己經成幾日無寫過日記喇.....
而A-Level同聖誕都一齊迫近了,A-Level是一個難關就人都知,但聖誕亦都係一個經濟難關。我思前想後,
我發現係聖誕洗0既實在太多了......
因此我決定盡量減少一切不必要的活動,用多d時間0係溫書方面。

*******************************************************************

[fri,1-12-3003]星期五歌唱比賽
大致多雲。晚間最低氣溫約19度

今日發生左好多野......
首先,我地唔洗上兩堂中文堂(己經係一個喜訊),我地仲可以去睇明星。雖然d明星我都唔係咁鍾意,有d仲唔識添。
但總比上中文堂好.....哈哈!!
之後,返左信義睇歌唱比賽,不過睇左一陣己經有d想訓覺。其後同阿leo,阿晨走左出去睇踼波。直到7:00才離去。
唔知係咪禁Q,我同阿LEO係YMCA下面撞到阿Ling行過,同佢閑談一番。夜晚,走去睇真的戀愛了(Love Actually),的確係劇情片,一個個動人的故事交錯匯聚出一個浪漫、甜美、幽默的
聖誕前夕,拼湊出一幕幕動人場面,一個不一樣的溫馨平安夜。都幾好睇....不過如果係聖誕睇會仲有feel。
其後去左食糖水....好多人,但幾好食!!

*******************************************************************

[tue,9-12-3003]星期二智力問題
大致天晴，初時部份地區有煙霞。

1.雞兔同籠問題:
一日,有人將雞和兔關在同一個籠子裏面,已知籠子裏共有二十三個頭,七十六隻腳,請問雞和兔分別是幾隻?

2.解碼問題:
下面是一道密碼問題,讀者的目標是使把英文字母算出,以數字代之....
S E N D
+ M O R E
-------------------------------------
M O N E Y

大家想下吧!!答案遲D話你知.....

*******************************************************************

[fri,12-12-3003]星期五問題答案
天晴乾燥，天氣相當清涼。晚間最低氣溫約13度

1.雞兔同籠問題答案:
設二十三隻全是雞,那麼總共應該是四十六隻腳,現在卻有七十六隻腳,那麼多出來的三十隻腳就是因為每隻
兔子比雞多兩隻腳而造成的,這樣需要十五隻兔子才會多三十隻腳。

2.解碼問題答案:
9 5 6 7
+ 1 O 8 5
-------------------------------------
1 O 6 5 2

*******************************************************************

[sun,14-12-3003]星期日你快樂嗎
一股乾燥的東北季候風正影響華南沿岸地區。

今日一起床,心中有了一種莫名感覺。家中只得我自己一人,突然間覺得有點空虛.....做什麼也沒有衝勁,
只好躺在床上聽0下歌,聽0既係travis的(some sad song).....的確唔錯,令我倍感寂莫空虛。
哈,然而快樂是會隨時間流走,好多快樂也是一場虛幻....朋友,請珍惜你們目前的快樂!!若果你不明我說什麼
你就使問0下自已現在快樂嗎??

今晚,我Daddy屎忽「行」整左個羊脯煲,佢整左成晚.....但係好鬼難食,我同Mammy都唔知講d咩好,做仔0既
也只好默默支持,真係食到我想死!!最後,食到訓左0係張床上。

*******************************************************************

[tue,16-12-3003]星期二寫日記
天晴乾燥，部份地區有煙霞。晚間最低氣溫約15度

還有一個星期就聖誕節了,四週都開始洋溢著聖誕氣氛。因此,我都故意加插左隻聖誕歌(Twelve Days of Christmas)

由於近期d功課都開始繁忙,加上我本身0既惰性作祟,得閑寫日記0既時間亦都少左好多!!!(@~@).....
今個月到現在為止,我只係寫左大概五、六篇。但係我今日放學有位女同學突然問我:「點解你日記寫得咁少嫁!?」,
給我無意中發現,原來我呢個無聊人所寫0既日記一直都係有人睇。哈哈....儘管佢死口唔應,仲話我寫d野係白痴兼低能,
但係深信同樣係白痴兼低能0既佢呢一刻都依然係睇緊0既。
無論如何,我都十分多謝所有曾經、現在光臨過我呢個日記0既朋友......真的多謝!!
*******************************************************************

[sat,20-12-3003]星期六寒冷到震
晚間大致多雲，天氣寒冷及非常乾燥，氣溫下降至約12度

由於冬季季候風正影響華南地區,所以氣溫明顯下降了好幾度。
今日係入冬以來最寒冷的一日,清晨氣溫只得10.3度......新界再低兩三度。
就連一向自認「大隻」、唔怕凍0既我都有d覺得寒冷。

一早起床,發覺有d沾寒沾凍。昨晚「富」被,成半張被冇comb到,一路訓一震。
最慘係對拖鞋爛左,兩隻腳赤裸裸地放在地板上,真係凍到入心入肺...之後即刻跑
去沖涼,唔知係咪凍到傻左,明知冇開到熱水壚都入去,好彩冇除到衫褲,唔係真係
唔知點算囉!!!

p.s : 左邊係一副華南地區及中國大陸0既低溫圖。

*******************************************************************

[mon,22-12-3003]星期一落party
晚間大致多雲，天氣寒冷及非常乾燥，氣溫約15度

今晚去左個大學聯校party,0係中環搞,但係門票成$180,真係「未見官先打三百」。
我今晚0既戰友有阿leo、阿琛同阿鋒.....我地一行四人浩浩蕩蕩去到0果度。去到不久,2R就上台表現,
都OK0既。其後,跳舞時間有個香港「蔡鋒華」走左呢,佢不停又唱又跳,完全唔知自己樣衰,真係頂佢唔順。
但係我覺得0果度d女仔唔係咁得,所以「係咁e」同左一、兩女仔影相,仲識左個外國rapper阿John......
而今晚四人中,識女仔最主動同成功0既首推係阿琛,佢問左兩個女仔擰電話。
返到屋企已經2:45am....

*******************************************************************

[tue,23-12-3003]星期二朋友生日
晚間大致多雲

Kathy Tam今晚生日,我地成班人去藍田同佢慶祝。
當準備打邊爐時,erica講左個好好笑0既笑話,佢話:「個爐唔洗插電掣咩?」(但其實果個係gas爐)
佢立即被我地圍攻,被人串到暈。唔知係唔係d辣椒0既關係,我同napoleon食到咀都「稯」埋。
其後,kathy煮糖水,我地玩「show 蝦」,無疑jacky係我地當中最黑仔0果個。佢不論係「show 蝦」掟
係「揪peer牌」,都輸得多0果個,所以佢飲左成五碗糖水。而我同sandy都唔弱飲左四碗,個肚脹往
咁返屋企.....
搞呢樣搞個樣,又成2點幾先返到屋企。

[wed,24-12-3003]星期三平安夜

待續.....

*******************************************************************