26/10,10:50pm、實惠細倉

一隻大肚既白貓,經理Ivy,大師兄Fei同埋阿飛(本人)

一個禮拜之前,我地個貨場無端端多左隻大肚貓......應該話,一路以黎其實我地個大倉都有好多貓(大既細既、淨色雜色、兇既純既......乜Q都有)不過因為佢地一路都唔走出貨場,所以我地唔理會佢地囉!!

早幾日,果隻大肚貓唔知係咪因為就黎要"鬚"喇,吼我地唔知就闖左入黎我地個貨場,咁本來都冇乜野,如果係入黎行個圈就走既話我地都接受!!之不過唔得佢死啦,一入就冇出誓死唔閃身!可能係因為我地果度安全掛??咁佢生都生得安全D啦(又唔驚其他貓會亂黎,又唔會凍喎)!咁佢都算醒目,我地其實都唔知佢"呢"左幾耐,係後尾佢可能搵野食,所以先俾我地發現到佢!連日黎其實我地都有去起過佢個"新居",不過始終無功而回!

今晚我地改promotion,大約十點十個字,經理Ivy叫我去打送貨單,咁我拿拿聲去啦,當我拎住D單諗住搵齊D貨既時候,我見到有一舊白色既野喎,咁就即刻call咪叫Ivy同Fei"做野"啦,佢地即刻佈陣(包括臘架生、帶手套、拎膠籃)之後封住隻貓既退路,等佢走唔到(今晚誓要捉到佢呀~~~~~~好~~~~),我地一路搬開D貨,一路封路、一路搬一路封......之段就開始action喇!

我地開電筒照佢頭先妻身既地方(嘻嘻,你呢鋪仲唔死X硬!!!!!)我照......呀??????鼠左去邊呀,唔見左??冇理由咁都俾佢走左去呀?我地反轉成個倉咁濟都搵唔番佢出黎,唉......

算啦,既然你咁都可以全身而退,好!人算不如貓算,你好野!但係阿Fei依然"舌"而不捨咁搵,係咁照、係咁照......頂......唔係咁唔好彩呀??咁都俾你照到佢??好野~~~希望番黎喇,原來佢走左去死角度!好,我地重新佈陣,封住左佢方圓30x20既活動範圍!再照,哈哈,你走唔到喇,Fei搵隻手去生离佢出黎,妖......失左手呀!

「阿飛,去左你果邊呀!!」「邊度呀?唔見呀??」當我另轉身既時候......「呀~~~~」「去左邊度?」「X&Y?!#Z,一轉身佢跳過我頭頂呀,依家佢應該走左去果邊!」「好!」Ivy好狼咁追左過去,我就拎起個籃跟住去,阿Fei隨後黎埋!

Ivy同佢埋身肉搏,隻貓閃;再捉、跳;Ivy拍、中招;得手,再捉、走呀!呢個時候Fei加入戰團,捉呀、走呀;重黎、抓呀......佢地三個搏鬥期間,我走唔到入去,而且唔敢走入去!!隻貓又好死唔死喎,我唔捉佢佢又走過黎喎!!喂,我唔敢捉你唔代表我唔會捉你喎!!!

正當隻貓唔知幾時走失,同埋走左去邊之制,我見到佢去左去Fei後面,朝住我既方向跑過黎喎,咁我有籃在手,自然反應就係一"cup"!!!!!!噢......終於到手喇,但佢依然設法想脫身,可惜我已經驚到"cup"實左佢!唔會俾佢再走架喇,我唔想再黎呀......

個古仔重未完!!

之後Ivy就call分區經理,諗住叫佢call漁農署D人黎 K O 隻貓,之後等呀等呀,嘩!成個幾鐘呀,再call個分區先!!唔係呀?冇搵到??唉,自己打!咁我就打1083搵啦,打到去,果度話D人收晒工,聽朝先有人黎喎!ok,咁我地自己紮住隻貓,等聽日D人黎發落隻貓把啦,搞度點幾鐘先走,番到屋企之後就打左呢篇野喇,好累呀,聽日仲要番工喎,下次見啦,記住keep住上黎呀,see u next time,bye!!