「聖誕......快樂???」

我既聖誕過得一D都唔快樂喎!!雖然我個經理好好人,佢編左我正日--即25/12放假!不過對於我呢D單身既人黎講......唔知你地會唔會覺得係一重種節磨呢?本人就覺得絕對係喇、重要係極度果隻肋!不過點都好多謝我經理,咪當係休息一天囉!

D friend全部都要番工!又冇女朋友陪,咁咪唯有一條友"呢"埋屋企訓死去囉!唔通一個人出街咩,俾你見到成街D人都一雙一對,咪棧自己仲唔開心......

不過我都慣左喇,每當大時大節,我身邊都冇伴侶陪既,D"大日子"好似完全同我無緣、唔識我咁既......上年有個"lonely christmas "今年??"今年沒聖誕"囉!呢兩首歌好似對住我黎寫咁喎,我真係好佩服寫歌果D人囉,咁都寫到咁應,果然係有一"手"呀!

我似乎唔會feel到「聖誕快樂」喎!我反而希望「聖誕快......"落"」囉,咁又可以避過一個節日肋!不過有D野係逃避唔到既......我都知......聖誕又過左喇,新年又黎喇,我唯一希望既當然係--"心想事成"啦,邊個唔想隨心所隨欲喎!!

下次見啦,拜拜喇!!