我講既「好心好報」係一隻歌!!但要講既並唔係歌既內容,而係唱呢隻歌既人.....

想當年我唔知道有呢首歌架,因為妳唱呢首歌,所以我知道有呢首歌;因為妳唱呢首歌,令我開始愛上呢隻歌;因為妳唱呢隻歌,我喜歡聽呢首歌......雖然我喜歡聽呢首歌......但......我更喜歡聽妳唱呢首歌、更渴望聽妳唱呢首歌......

我開始喜歡妳把聲,有時好想聽得到妳把聲,不過......好多野係我自己唔去爭取、係我自己放棄既!!當時我因為佢而放棄妳;當時我未察覺到妳既重要;當時我亦都冇諗過我會咁掛住妳--我......掛住妳個人、掛住妳把聲、掛住同妳唯一既一次約會!!!

我冇諗過唱K會可以咁難忘、唱K可以咁好feel、只係一首歌,可以令我瘋狂......呢次既約會係一個好童話式既故事,只得一次、歷時唔耐、而且好令人......應該話好令我難忘至真!!真係過左好耐喇,但我依然好懷念,好想試多一次!

唉.......算啦,童話故事就係咁令人又愛又恨、而又難以忘記架喇......我唔會強求既,因為我強求唔黎,而且唔到我去話事,雖然妳唔知到,不過......可能咁樣對大家黎講會好D啦......

我會懷念呢段既短而又難忘既日子架,雖然自知係一個遺憾......

好耐冇見大家喇,唔知大家會唔會喜歡我呢個故事呢???下次再見啦,拜拜!!