難為知己難為敵??
古語有云:「人生苦短數十年,得一知己而無憾!! 」--雖然一生人當中只有匆匆數十載的時光,但是.......在你身邊不停徘徊的天下眾生,不論男女老幼,卻有數之不盡之多!然而.........當中究竟有多少個是你所認識的呢??壹個,兩個,仰或是拾個.......這個其實連自己亦無從得知!只是,即使相識滿天下如老子,亦都不禁暗暗地心忖:即使老子在五湖四海之幫派之中亦結識了眾多眾多之奇人異士,但.........心底裏的一句真話--真正可以與之互訴心聲的,究竟又有幾多??是次老子竟然可以不由衷的說出翏翏數字:不多,實在太少了!!只有如斯??那末,老子待此等知己是否應該有如妨似拾獲稀世奇珍般珍之重之呢?不錯,我是應該如此的,只因人世間上所謂的感情(包括親情,愛情)也被世人看的很輕,輕得有如微塵,有如一絲既白髮,往往都經不起考驗,更甚者是友情 ,友情很輕易便被名利一一淹過去!所謂的友情,原來只是世人用來互相交易之一種物件/一個單位,原來還比一絲既白髮來的還要渺小,來的還要可笑!!興幸老子在平生之中有幸遇著以下之各位兄長,紅顏,老死.........在此........老淚亦不得不從心中不住的流著........
(2003或之前)
第一位係老子青梅竹馬既大佬
,佢個"朵"係符氣鈞,唔知佢個屎忽佬係咪忽上腦,發晒姣咁叫自己做乜春"榎本魂"喎,可能係因為佢超鍾意阿榎本加奈子,甘心做榎本手上既亡魂,所以先改個咁變態既名掛?????佢大我兩個月,我同佢相識於幼時,幾細呀??幼稚園低班就以經識喇喎,我諗到依家都有成15-16年喇,咁你地平下理,睇下我係咪應該第一個就拎佢出黎受"屎"先??我同佢到依家都仲有聯絡架,前幾日(25/8)先晨咁早八點鐘同佢死去紅磡新旺篤波!佢話平喎,咁咪捨命陪君子囉,其實我好叉眼訓呀大佬,頂你咩!!晨咁早覺都未訓醒就走去篤波,你真係痴孖B呀你!!!不過見係你炸,同你識左十幾年,唉冇計啦老友.........
第二位係一位女仕黎架,佢就係我其中既一位紅顏,講番佢先,佢份人都幾差惡死架,同佢做friend就得,做佢阿哥同做佢boy
friend 都幾係惡頂呀!點解我會咁講??因為我F.2識佢既時候係佢個friend,同佢相熟左之後係佢大佬,再之後係埋佢boy friend囉,所以我咪會咁講囉!!之但係點解我會同佢拍拖呀??你無聽過唔熟唔食呢句說話咩,咁你依家實明啦下話,哈哈哈.........講笑炸!你睇下我遍"愛的故事"
啦,有交代架啦!!無鬼咁心急啦,我警告你呀,睇埋呢頁先呀下,知唔知道呀喂X!$@&*?@........................sorry,激動左小小添!
第三個係阿堅
,我F.1就識佢,不過果時同佢唔係好熟亦都冇乜同佢傾過計,我諗加埋都冇十句呀!!真正同佢熟絡我諗係F.4啦,果其就"犀飛利"囉,日日放左學之後就同佢去學校附近一間相熟既報紙檔裏面吹酒(係唔係好壞呢??)唔係吹水係吹酒,果時就係我飲酒既高峰期,三個鐘頭就吹左五支大啤落肚先返歸("近"呀我)!!點解會飲咁多??有原因既..........「為愛情受傷,無比動聽....」到左F.5就同佢更熟喇,放學之後改左去土瓜灣一個叫"海心公園"既地方!做乜???爬上位於海邊既一舊石上面囉!係咪好變態呢,兩條佬走去海邊吹水!!唔好講少呀,果舊所謂既"魚尾石"都陪我地飲左好多酒架(唉,去到邊都係要飲酒,唉.....)仲有呀,除左我同阿堅之外就淨係得"魚尾石"知道我地果D秘密架炸,好彩"佢"唔識講野,咁我地兩個都安心D,不過我都好似好耐冇搵過阿堅啦..............堅堅,你近期點呀?????
而第四個就係我做"元氣"識既大哥
喇---阿承,好一個蕭尚承,竟然要我講埋你,冇計喇,鬼叫你係我做元氣既呢位短短五個月裏面最服既一個人咩!!而且你又教曉左我咁多咁standard既野,真係分分鐘連terrance都唔係你果皮呀,應該話點計佢都差你成廿條街呀,最衰妳地聽唔到啦:terrance,你狗黎架,返去食屎啦,死人嘔血皇,想做"最佳maneger"..........元氣壽衣好似話要"最雞maneger"呀,不如你去in啦!!大佬承,初時識你你就以經粗口滿廚房飛,我幾驚呀,好採到最後我都知道你係一個好人黎既!可惜呀,我地冇乜機會再一齊做野喇,唔緊要既,唯有KIT囉,乜野係(KIT??Keep
In Touch 囉!!)
我又點會只係得一個女仔可以寫"咁削"呀!!呢個人有一個可以同神並立既名--女神
--聽個名都知係好掂好掂果隻啦!!我同佢既認識係來至另一個人既誤打誤撞而做就成架!識左幾耐我就唔記得喇(年幾掛????),不過我就成Q日同佢神交--我意思係同佢只會在icq上對話,我同佢冇見過架,亦都冇話約佢出街,咁你話我地係咪神交先,點解唔見面?我驚佢嚇親我呀!唔係,係我驚我個樣嚇親佢....其實係我怕羞呀(哈哈哈哈,你話一個唔知羞既人會唔會怕羞Y!!!)有機會自然會見架啦,急唔黎既,只好講句:時機未到也!!不過我覺得佢仲要慢慢成長,因為佢亦都係好怕羞果隻,唔.....有待改進,你有d乜都可以打俾我同我傾架,我幫到手既都會好樂意做既--因為.......我係一個好人囉!哈哈哈哈!!
嘩,差D唔記得講佢呀,佢係最後一個注定要俾我擺上黎既人呀,不過佢又唔係淨係得一個人喎,之但係又唔係孕婦喎,如果係你既話........喂,唔好走,係你呀..........kitty&vicky!!佢地係我地Pizza
Hut裏面既一對Twins
!!兩個完全無親戚關係,但係唔得佢地死又咁頂癮又係同姓喎,唉....講番正題先,我要多謝佢地教我學做cashier,雖然我己經冇做呢份工,同埋我始終都做唔到一個略為smart既cashier..............不過,點都好啦,我地私底下又咁死friend,冇理由小左你地一份既!!(2004)近期有個新friend,佢以經結左婚架喇---張太
,真實年齡不詳;智商不詳;行蹤不詳......好明顯係一個〝不詳〞人黎架下!!冇法啦老細,我地相識左唔係好耐,不過個過程〝好得〞囉,諗落都好笑架,"係架""真係喎""得架"......佢份人好"老積"冇計啦,老人家嘛,呵!!不過佢係一個〝知識寶庫〞識好多野,我用得著既都會學架!!多謝先喇......我同你一樣〝又正又叻〞架!!