【本報記者小鴻報道】前晚機場甚為熱鬧﹐先有陳慧琳參加完同學婚禮返港﹐再有佘詩曼駕車入機場接媽咪機﹐還有陳國邦與女性朋友由外地返港。

Ｋｅｌｌｙ（陳慧琳）表示得到舊同學的邀請﹐她到台灣參加婚禮﹐所以趁時間遷就到﹐便獨自去台灣觀禮﹐但礙於不夠時間﹐所以冇做姊妹﹐而舊同學亦明白事理﹐故飲完喜酒後便返港繼續開工。

至於孝順女佘詩曼趁前晚不用開工﹐便駕車到機場接媽咪﹐阿佘只表示媽咪旅遊返港﹐去邊度就唔好講喇﹗佘媽媽外表年輕﹐比起女兒更見性感﹐可能機場冷氣太大原故﹐令佘媽媽不慎突點﹐搶去阿佘不少風頭。

而陳國邦原本與身旁的女性朋友有講有笑﹐但一見到記者﹐便如陌路人般彈開十萬九千里﹐有人遂提意阿邦與其女性朋友影相﹐阿邦即說﹕‘邊個話佢係我女友呀﹖’其實同朋友影相屬平常事﹐何必要變成此地無銀三百兩呢﹗