談談情說說愛    作者 : 昌記百力芝

嘿..呢篇文係我個朋友()作左..係佢好有感而何發咁寫出o黎ga~!!

近排, 我睇過好多o既愛情小說. 唔知點解, 每一個故事, 都唔可以美滿收場. 唔通, 無人鐘意睇d大團圓o既故事?? 我諗可能係人生真係太長啦, 係一定要有d 曲折先感動到人.

或者係因為我睇得多o里d 咁o既故事, 對感情方面都好似灑脫o左好多, 唔會再咁執著, 我明白到仲有好多o野都係重要過愛情o既,人無愛情係唔會死o架. 唔知大家贊唔贊成呢? 對一個唔識o既人死心塌地, 係o岩? 係錯? 係傻? 係蠢? 對自己本身o黎講就一定係o岩o既, "當局者迷"嘛!! 但係當你醒覺之後就會發覺自己曾經做過o既o野真係多麼的恩蠢, 多麼的傻啊~

我相信每一個人都一定會暗戀過, 暗戀自己o既朋友, 老師, 甚至係一d 唔識o既, 或者只係見過一面o既人. o個種感覺好期妙o架, 你會成日都掛住, 成日都想見到佢. 但係日子一耐o左, o里種感覺會令到你好厭倦, 唔明點解對住佢, 都唔可以講出自己o既feeling.係o個一剎那, 煩惱隨此起, 好想講佢知,但怕他會拒絕, 怕他去逃避, 同埋佢o既一句'對唔住','我唔可以'. 當自己經過一論爭扎之後, 就會唔想再執著落去, 用盡方法, 將所有關於佢o既o野, 都消滅, 雖然就係會有d 唔捨得同心痛, 但係"長痛不如短痛", 早d 解決都好o既!! 有人話暗戀係在乎o個一種沉醉係自己世界o既感覺, 而唔係真係鐘意o個個人! 我覺得唔係好o岩囉, 唔係對某一個人有feeling, 又何來暗戀呢? 至於係o里段期間, 係苦係甜, 係好係壞, 就要睇下自己沉迷o既情度啦........!!

一對由友情變做愛情o既男女, 因某事而分開, 之後再可唔可以做番朋呢? 係我身邊識o既人當中, 已經有好幾對唔得o勒, 係點解呢? 係因為分手o既原因? 男方o既問題? 女方o既問題? 定係因為大家都要面呢? 往往到到最後, 大家只會變成陌生人, 係街見到, 都好似唔識咁. 究竟咁樣值得咩? 只係為左面子或一時o既恨意, 而失去一個朋友,值得咩? 或者對某一d 人o黎講, 真係值得, 因為愛o既反面係恨. 但係又何曾想過, 那個是自己曾經深深愛過o既人, 為佢付出過, 為佢犧牲過, 大家一齊開心過, 咁點解唔留番個美好回憶俾自己..??

大家睇完有咩feel 呢..?? 可我個留言板講幾句啦~!!