下面好凍
有晚，阿成和朋友到沙灘燒野食。阿成一心想認識May，所以玩堆沙時牛咁眼望住佢。後來May話要去廁所，阿成自告奮勇話可以陪佢去。May由廁所出來時話：「唔知點解入便有個女仔響度梳頭，正話我入去之後，係咪有人入去？」 阿成話冇，佢地兩個已經覺得有唔妥。
一路行，阿成覺得有D凍，問May覺唔覺。May突然臉色都轉了，同佢講：「下面仲凍。」 阿成唔明，問：「咩叫下面？」May話：「地府。」阿成見佢成塊臉青晒，嚇到大叫！佢一個人跑返去搵朋友，大家都驚，不過又擔心May出事，唯有一齊去搵佢。 但係搵左成晚，都唔見人，大家商量報警。點知返到沙灘，竟然見May一個人坐響度，May問佢左去邊，阿成話去廁所搵佢。May話：「我都冇去過廁所，一直響度堆沙，轉頭唔見左你班人。」
CoCo提供