鬼學生
我前二年係讀沙田TI，呢健事係從校工既口中得知o既 (唔信你可以問返d校工) 。 有一晚，大約七點幾,因為o個時係夏天，所以個天以經好黑 o係o個晚，個校工打算去學校o既室內藍球場當值，佢聽到藍球場二樓休息室傳來打乒乓球o既聲音，因為o個日二樓休息室係冇比學生借用到，佢以為D學生重o係道打乒乓球，所以佢打算行上去叫d學生離開。
誰不知，佢一上到去，發覺休息室門口道門原來以經比人鎖住左,唔單止咁，休息室入面重冇開到燈，不過，個校工從門口個窗望入去，就見到有二個穿著白色外衣既人o係道打乒乓球。個校工就拍門叫o個二個白衣人開門，不過o個二個人冇理到佢。因為冇開燈o既關係,個校工點都睇唔倒 o個二個人既樣，個校工就洛返一樓o罹鎖匙開門，之後佢上返去二樓 就發覺o個二個白衣人以經唔見左，但道門依然鎖住。第二日，個校工問返起先知道，o個晚原來有其他校工，一早以經鎖左休息室道門了.....
阿超提供