女人
呢個唔係鬼故，因為唔係故事，係真事！
我家姐既朋友係屯門住西班牙別墅既屋既，我以前都會同我家姐同埋佢地啲同事去佢𠴱位朋友到燒野食。
你知啦，去得𠴱啲地方，一定會去天台燒野食。而𠴱位朋友係住二樓既，一定要行多兩層樓梯先上到天台。講真，我唔覺條樓梯有啲乜野架，淨係覺得暗左啲，仲有成班人去得玩，都唔會諗到啲咩污糟野。
但有一日，我家姐同我講左一件事，嚇到我唔敢再去佢朋友屋企。
原來佢既朋友〈住係屯門𠴱位〉，佢有個妹係有陰陽眼，佢個妹有忍唔住話佢知，係佢屋企上一層樓梯既角落頭，一直係企住一個「女人」。𠴱位「 女人」一直走唔到，一有人行過，佢都會縮開，好似好驚人咁喎！
我聽到.................嚇到我丫.......等我𠴱時仲同啲細路係樓梯到跑黎跑去到玩 ............. 我真係唔敢再去𠴱到！