我的性情

     對於我自己黎講，我覺得我係一個比較依賴、刁蠻、開朗既人。開朗係因為我可以為一o的好少既事而笑成日，熟我既人都知道，相反，我亦都可以為一件好少既事而唔開心成日。我覺得自己既性格比較矛盾，有時可以好開心，有時可以勁唔開心。同埋我好鍾意依賴人地，有咩唔識做，都唔會動手自己做，寧願等人做完借比我睇下。但係，對於成績我就唔係咁，我可以好勤力咁唔訓覺，都要溫好書，好怪呢!

    刁蠻呢方面，可能冇乜人知，因為我o係屋企先會好刁蠻。總係覺得屋企人一定會好就我，所以幾惡都冇乜所謂。但係近年黎，我都已經不斷改變自己刁蠻性格，我知道o係出面一定唔會有人咁就你，所以而家我都學識點就人。另外，我亦都係一個有o的臭脾氣既人，我遇到一o的唔如意既事，我就會唔出聲，咩人叫我都唔理。我亦比較難自己控制情緒，笑會笑到收唔到聲，但係嬲都可以嬲到人地一睇到你o個樣就知你嬲緊o個隻。

    雖然我唔係一個做事認真既人，但係我都唔係一個馬虎既人，其實認唔認真都係睇事，有o的事我會好好好認真，做到最好，例如考試測驗咁。但係如果你叫我掃地呀o個o的呢，我就好草草了事啦!我覺得我算係一個怕羞既人，睇下對咩事啦!平常我可以好大膽，但係叫我講心事比你聽，我好難講出口，我呈願寫都唔講。所以阿sir、miss話我唔夠主動，我都覺得係既!另外，某程度上，我係一個幾自私既人，成日講野做野都唔諗人地既感受，終於就玩出禍，搞到有個同學嬲左我。