我的評價

之

朋輩眼中的我

  為了這次project，我專乘找了我的朋友同學說說對我的感覺。以下是他們的一些評語......

    『傻o既!成日笑....好似比人點左笑穴。但係都不失為一個好人，開朗、隨和，係個好好既同學。』From Maria

    『經常笑....應該會好樂觀...』From 林林

    『一笑就唔停得，不過幾關心朋友、開朗。』From 阿嬌

    『好高。起初識你好似有o的COOL，不過識落又唔覺，好好玩，好好笑。』From Au Au

   『成日笑，cute，好高。』From Pui Ling

   『見到你會好好笑，夠高，開朗。』From Susanna

   『成日笑，成個傻婆咁!』From Ken

   『好人，有領導才能，幾關心人。』From Tammy

   『好鍾意笑，有時見到你仲好笑，份人好樂天，肯教人』From Terry

   『俾人話一樣咁開朗。』From Alfred

   『經常笑，好笑又笑，唔好笑都笑，令到我聽覺受到嚴重損害，所以好想佢唔好再笑，不過〝基本〞上都係好人。』

From Ed

   『唔好成日笑到唔停得，為食，樂天，大癲大肺，幾好玩。』From Gini

   『好人，借功課比我抄累你記左缺點，唔好意思。』From姚子

   『好人，肯幫人，成日笑，開朗，長氣(一笑笑好耐，粒幾兩粒鐘已經算少。)』From Emma

    『我認為你係一個好堅強既人，會有自己獨立的思考判斷，坦率，有時幾串，比人串下會發脾氣。』From林慶舟

    『唔小氣，好容易衝動，唔想太負責任，做野唔太主動，健談，開朗，好難自控。』From Albert

    『初時識你o個陣以為你好惡，不過識落就覺得你好好人，好開朗。很想同你多o的溝通。』From Peggy

    『其實你個樣都幾兇神惡殺，不過，我覺得你係一個做得野既人，可以再主動o的。』From 翠媚 

    好多謝大家寫下對我既感覺，總括來說，我既評價都係一個字-----笑。可能平時真的笑得太多了!令到同學朋友們一想起我便想到笑，不過有o的都講得o岩，話我比人串下會發脾氣。其實我算係一個易發脾氣既人，不過視乎大定細o者。大發可以成日唔同人講野，人地做乜都唔鍾意。細發過一陣就冇事。我比人既感覺係樂觀，可能因為笑得多啦!但係我認為我份人都幾悲觀架!少少事可以好唔開心，仲要屈埋o係心度，唔鍾意講比人聽。但係雖然係咁，我都好鍾意講野，但講到心事就唔會太過坦白。