(THU)
女仔房真係女仔房，特別乾淨整齊。
阿奶問我點解咁多瘀痕，我都唔知！Karon 話o的血唔靚喎！但我又覺得自己成日碰碰撞撞，整成咁而又唔知都唔出奇！
一個好好笑o既片段，大家最好唔好食住o野或飲住o野睇，否則自負。 ^_^ CLICK!!!
今晚睇乖女拍o野做功課，真係笑到我死呀！未正式埋位，我o地成班人都傻晒！真係想播o個段片呀，好鬼好笑o架！ hahahha……食螺絲就一定有，咪又係一樣可以殺科！ (^o^) 以下係此片之拍攝花絮，由特約記者王欣報導。
新晉導演哥利與一班實力派演員（大興、Jando 同 Ken）與及編劇碧琪為其Staffing Organization努力中……導演聚精會神諗緊個鏡頭應應點擺，務求達到一個最好o既效果，而一眾演員則全神貫住對稿，務求一Take 搞掂。編稿則在旁觀察一切o既運作。
萬聖節就係咁過啦！唔錯丫，幾開心！ ^_^
(WED)
都話o架啦，有錢都未必買到想要o既o野！想買高跟鞋，鐘意個款，但係佢o的質地呢……terrible，唔係話佢o的料唔靚，而係考慮到著得舒唔舒服，刮唔刮腳！到最後，乖女買o左對心頭好，我就空手而回。
第一次開聯席……都係咁……混亂o架！
(TUE)
PM，依然係悶到死~~~
走o左去聽PR talk，都ok 有用o既！「多做，多試，多錯」「多看，多聽，多做」。
PM o的問題準備好啦！Yeah！星期六interview 快o的到啦！ ^o^
今日打開散紙包，先發現Iris 尋日o既一堆五蚊輾轉去到我度。
P.S. 真正愛一個人o既時候，係會衷心祝福佢幸福快樂。 ^.^
P.S. 份ME assignment 派返，唔錯唔錯！yeah!!!
(MON)
o的Partners 太理解我啦，所以我唔需要對住o的數字！ ^_^
走o左去城軒Tea……
consultation 睇o左一陣……o係ISS 度，「……不便o既雀仔……」（雖然o的人知佢想講乜，但係……就係咁而忍起一片笑聲！）
同ViVi 走o左去食飯，以下係ViVi o既推測︰
高迪︰DJ（因為似Wyman？）；
Sandra︰管理人員（佢仲話Sandra有女強人feel 呀！）；
安仔︰Sales，係專門sell 車o個o的；
Eddie︰政客（黃毓民o個隻！）【按︰if 佢做o左立法會議員會係點呢？我會覺得好搞笑！ ^_^】；
拉燊︰Consultant；
譚小朋友︰老師（專教差學校，但同o的學生好friend o個隻喎！）；
KT︰做o的同Design 有關o既工作
Natalie︰記者
小文︰……諗o左好耐，最終諗到幾個可能性……地盤判工（唔知叫乜呀！總之監督之類啦！），警察【按︰我都係覺得有點兒那個……哈哈……】
ViVi︰我想做廣告界或者記者( 不過係報紙雜誌個d)或者 interior designer (不過冇希望,係不能實現的夢想)
我︰OL（幾o岩！）；
P.S. Eddie再係咁，我決定私人送個頸箍俾佢！……送之前，我會整整佢條頸先，咁先物有所用，物超所值。
(SUN)
返去影相，安仔、兔仔同和仔今年畢業，出年成班人一齊graduate，真係乜色都有，到時要交換著！我一定要著KT o個件，因為係藍色呀！
高迪send o左一個網上小說俾我睇，叫做《晴天娃娃》……都ok鐘意呢個故仔，唔係因為個故仔名（其實我覺得唔貼題呢！）係因為裡面所發生o既o野…… ^_^
好耐未著過對高跟鞋啦，著到好好好tired呀 ~.~ 呢對高跟鞋已經好好啦，之前o個幾對著到我乜粗口都爆晒出o黎！著o左一兩次就闢啦……再著真係死人！真係o架，有錢都未必買到合意的一雙高跟鞋！
下星期六就著成今日咁啦，唔再諗啦！
唔知點解入o左U之後，覺得兩位大人對我愛護有加。……點都好，開心開心！ ^_^ 最開心佢o地俾o左好多自由我！
雖然出年先graduate，都可以睇下o架！ CLICK!!!
(SAT)
疑惑二︰九點多，同學只得四個……四條友聽Guest talk 會真係幾特別！好彩……o的人都陸陸續續返o黎！
疑惑三︰擔心自己會絕對地訓覺，真係好鬼眼訓！ ~.~ 不過，Guest Talk 開始唔夠五分鐘，呢個疑惑都係多餘o既！第一，佢用中文present，簡直好呀！都可以俾o的反應…第二，佢o個o的對答呢真係呢…俾佢激死呀！hahah……Richard︰「咁你認為你o地係咪team？」我︰「係！因為我o地個objective 係答你問題，就係因為咁，所以至同o的teammates communicate more and work together to achieve the objective.」Richard︰「咁你個objective 係乜呀？」我︰「咪答你問題囉！」Richard︰「咁你個objective 係乜呀？」我︰「我頭先咪答o左你囉，答你問題嘛！……at this moment.」Richard︰「你o地都冇objective o既，冇communicate……」【按︰咁事實上我o地四個人一齊真係純粹solve 佢problem喎！完成呢個task，我o地之後都冇個common goal！】就係因為有得講o野，有得玩，訓覺？NO WAY!!!
之後又玩o左o的睇自己personality o既 game，結果都ok 準喎！四類人分別係relationship、rational、safekeeping同埋experimental。女係rational，大興係relationship，而我同olive都係experimental。點解話我o地o岩呢？relationship o既人會問︰「WHO？」rational o既人會問︰「WHY？」safekeeping o既人會問︰「HOW？」experimental o既人會問︰「HOW IF？」就以約bbq為例，女例必會問︰「點解要去呀？」大興會問︰「有邊個去呀？」我問︰「又bbq？悶……」
總而言之，今日個Guest Talk 真係好鬼正！ ^_^ 冇走寶。
好好好眼訓呀~~~訓覺！
訓醒再同o的舊同學打邊爐。世事就係咁得意，真係人夾人緣！中六至相識，我冇諗過會同佢o地夾到，亦都冇諗過佢o地都會預埋我，話晒佢o地自己本身識o左好多好多年…… ^_^ 點都好，今晚真係好開心呀！
小敏搵到$18,000 o既工，真係唔錯o架啦！蛇蛇都搵到工，算係咁啦！出年輪到我啦！驚唔驚搵唔到？船到橋頭自然直嘛！
唔記得o係尋日日記打添……I'm pound of CityU learning environment. 我唔知其他科點，但係以商科為例，我o地o的o野好實際。當然啦，有「商家佬」教喎，可以將出面o既現實情況話返俾我o地聽！ ^.^
P.S. 可能你會覺得o的E-ad 好煩，但係有o的真係幾好o架！ CLICK HERE!
(FRI)
結果，我o地間公司都係得第二咋……>.<
今次個Guest就差唔多啦，起碼都會raise 到o的人attention丫！……我總覺得Heterogence 好過Homogenous喎！不過學佢話︰「It depends.」
好好味o既蝦蛟呀~~~ ^o^
e-marketing 唔使講啦，又係做自己o野，不過呢，今堂o的o野有o的興趣，因為講緊（pop-up）banner 等網上宣傳o既tools。有o的廣告好得意o架！
流會，一點都不覺得意外。
有時我會幾懷疑科技發達係咪真係可以縮短人與人之間o既距離。話說有三個人並排而坐，但他們的溝通是through icq。真係無聊！hahah……我唯有咁講，我o地練打字。^_^ 亦都因為今晚o既icq，大興有一句金句︰「你今晚食o左屎未呀？」 ^_^
品香樓o的o野真係唔錯o架！我欣賞o個個「魚香茄子炒米」……好味呀！yummy，yummy！
班友真係完全中晒尹光毒……五年C班 集誦 《少理阿爸—節錄》……痴線o架！hahahah
跟住，我o地走o左去個公園仔傾計。十點幾傾到……
工作經驗有幾多唔重要，最緊要係Attitude。「吃得苦中苦，方為人上人。」
而家，我都唔係幾清楚自己想做乜。但學哥利話齋，船到橋頭自然直。
到家下為止，我唔覺自己係一個Year 3學生。係，唔似一個Year 3學生。
HIGHLY recommend 三個tutors，讀BBA o既請留意！分別係Ryan 啦，同埋 John Lai。第三個係Steven，未上過佢堂，但個仔話好，都應該有一定o既水準。
一點幾……tired 啦，走啦！途中聽到有人jan 歌，幾好聽o架！「……想到你夜深中突然心痛過，求憑著一首歌， 你一生都記得我。想愛你像此生未真的愛過，多少個秋和冬走過，才可清楚我。怎麼你竟然……」「刁鳩我，常孤單一個。」本來聽落ok，點知臨尾……我o地真係想大笑呀……但我o地忍忍忍，不過最終都係笑！真係服鬼o左佢o地。
(THU)
好呀好呀，MG公開consult 丫，熱鬧o的呀！ ^_^
人總會去到某個moment 會覺得失落，但係……「情緒跌蕩過的，才會有回憶，用眼試練過的 才對人世洞悉，能夠壯烈過的，才會有事跡，捱過最沉重的，才會還以顏色。」希望呢一種失落只係暫時…… ^.^
(WED)
E-marketing 勁快搞掂！
癈人癈語。
今日係CS consultation，成班人又落去sit 會兼問！Sorry 並不等於一切，做錯事就要認，唔好下下賴呢樣，賴o個樣。講得出就要做得到，唔好講一套做一套。
安仔影畢業相……佢要度度時間招呼佢咁多個親朋好友啦！ ^_^
P.S. 24/10 BCH
25/10 EE （一定去睇！）
28/10 GS & PA （較為想睇後者多O的…）
1/11 MG, SS （一定睇呀！）
P.S. 劉X俊扮劉德華扭頸，好好好……樣衰呀！ >.< 劉子X仲要學埋佢o既驀然回首……嘔呀！hahha……
(TUE)
PM冇o野好講啦，都係得個悶字！
功課，and 功課，再功課……數唔完……
P.S. 原來去台灣手續好簡單咋 ……去去去！
P.S. 呢期一個二個中晒《少理阿爸》毒！ ^_^ Jando，你o個段o野呀，我決定公諸於世……hahah……一齊開心……不過遲o的先，唔鬼得閒搞。
P.S. 呢期勁鐘意陶吉吉o既《普通朋友》「但你說 I only want to be your friend 做個朋友，我猜妳心中只是 just a friend 不是情人，我感激妳對我這樣的坦白，但我給你的愛暫時收不回來 。So I 我不能只是 be your friend …」Boy: "I love you." Girl: "I pleased what you do for me, but a friend is a friend, no more than that! We are always friend, good friend, right?" Boy: "No matter what you say, you can't stop my love."
(MON)
乜Harry Potter 出o左第五版嗎？um……但係……
原來地鐵唔俾影相o架！
做多一個quarter，定係兩個呢？我o地盤生意就有定局啦！不是自誇，有兩個好好o既老闆娘，我o地至有咁好o既成績。
究竟今年我o地係未鬆手得滯呢？唉……質素如此……有陣時我真係好想鬧！
飯後甜品係「笑」，仲要係「大笑」……舒服晒！ (^_^)
今年o的莊唔知點解會係紅色系列……MK 啦，MG啦，科工都有喎……
阿Ken （MK Ken，唔係乖仔Ken！）o個條問題我實會記住！「請用SWOT analysis 你對莊。」繼兩年前一條「如果你有莊員大肚，你仲會唔會俾佢出去同人contact？」又一傑作！
下星期五到MG啦，可以的話，我又要問埋一份……一於同你o地癲！
有時會問自己點解會寫日記，sorry，唔係寫，係打。冇他o既，開著部腦又開呢個又開o個個……咪順手打下。其實，有時睇返，會有好多唔同o既感受。um……說真的，看過Jacqueline的hp，才立心打Diary，想不到已成了習慣。^_^
究竟住唔住hall好呢？下個sem 真係勁少o野讀，住hall 就真係變o左為玩而住，太浪費啦，與其係玩，倒不如旅行仲好過。……點好呢？ >.<
(SUN)
我搞掂啦，仔，下一step靠你啦！趕唔趕得切呢？^_^
(SAT)
夜晚打邊爐，正！
「wo3 ai4 ni3，ni3 ai4 wo3，wo3 ai4 ni3 ai4 de hao3 xing4 fu2。」「wo3 ai4 ni3，ni3 ai4 wo3，wo3 ai4 ni3 ai4 de hao3 xin1 ku3。」愛一個人究竟幸福定辛苦呢？hahhaha……^_^
"In life, there's many things which are beyond our control. We could expressed our anger, frustration or even cry on it but it's not going to make any differences or changes. The only difference that we can make is within our ownself - look at it from a different perspective. The positive side of it!!" ~~~from 籮記
(FRI)
七時三十九分，休會lu……將近十三小時。拉燊、Ricky、Eric、Jeff、高迪、權權、其、文仔同自己由頭開到尾……我就真係坐到pat pat痛啦！
七點幾，理論上o的莊應該霸好位啦！落去八下先……好明顯，佢o地仲未訓醒……我o地嗌下早晨都冇人應！咁唔得喎~~~
食完早餐，又上堂lu……不過，我真係好鬼tired 呀！訓o左……好彩William 同 Alex由得我……SORRY!……點名時，佢O地話︰「佢頭痛呀，訓著o左……」（呢個我都係聽返Olive 講）點都好啦，many thx ar…… ^_^，查實有點兒感動呢！
原來，我o地promote 時都幾嘈o架！不過呢，自己promote 時，又覺得聲唔夠大，唔覺煩……但係而家聽返，好嘈，好煩……唔知呢，心態又唔同o左啦！但肯定係，而家o既氣氛，唔夠我o地o個時咁！
今日上TM，玩砌車呀！我O地O個架簡直perfect到無瘕呀，同其他o個兩架，無論係外型同運作係兩回事呀，行o既時候，順暢到好似真係一架車呀！最後，當然我o地贏啦！
好好好tired，諗住唔上EM，但都係上埋，訓覺又好，點都好……但係出奇地又冇訓足全程喎，但做過O的乜呢？真係冇乜印象啦……e-signature，飛機、e-mail……
上完啦……完全冇諗過今日會上晒所有堂呀！真係想返屋企啦……收到ViVi 個message，真係乜tired 都冇啦！（thx 呀！^_^）就係咁，傾下傾下就九點多（連同Jacky搵阿Syed傾功課都唔鬼記得！）……溝通是一切問題的源頭。
食飯啦，好耐未試過同班Council 人咁熱鬧o係樹記食飯啦……人多就自然要飲下酒助慶啦！
返到屋企都十一點多啦……
臨訓前，收音機傳來…「羅文於晚上十一時十五分逝世，享年五十二歲……」
訓啦……
P.S. 水族館o個o的poster 真係好鐘意，好靚，每張都唔同！好正！ ^_^
(THU)
o的精神返返o黎啦，上TD冇訓呀！臨尾睇O左兩段片，睇人O地點training。阿John o個種教法呢，好似第二段片o個個呀！你o地話係唔係呀？
John 問︰「點解你o地叫Tiramisu？」我答︰「冇呀！我o地諗名時，突然想食嘛！」跟住，佢呢個食家（基本上，佢係一個煮得又食得o既人）就話邊度邊度o既 Tiramisu 好食……真係好想食呀！
開始明白母語教學o既好處……
開會……
(WED)
0820，已有二、三十人由I-cafe排至Cut Price 的轉角位。心想，還會輪到我吧！
時間一分一秒咁過，而前面o既人就越o黎越多……到最後，我o地已淪落至六、七十。真係越諗越激氣！之前搞Banquet 賣飛已有前科o架啦，都唔識得參考變通，仲要亂講o野，真係無名火起……咩「唔關我事」、「你o地責任……」真係講得異常動聽。呢o的就係學生會應有o既處事態度嗎？一o的都唔得體！一o的責任感都冇？
1130，走o左去做SP，今期要……拎返o的market share！好快做完，自己就o係度繼續睇下咩叫e-signature。我自己整o左個幾無聊，不過好得意呀！ ^_^
諗住排唔到隊就買早餐安慰下，點知倒瀉，我真係好鬼嬲，嬲到就o黎大聲叫……不過，我記得要好好控制自己……結果係乜都唔食……
晏晝一大班人走o左去飲茶，好耐未試過咁大班人飲茶啦……狂叫o野食，點少得又大粒又好味o既蝦蛟喎！真係食得好飽，好飽。
同碧琪走o左去Mega Sale，我o地買o左個手袋呀！（由於得display，所以要出銅鑼灣拎）靚靚呀！女話喎！袋o既大小同身高係有關喎！
1515，PM Project……遇到難題呀！
五點多閃啦……諗住返屋企，點知又走o左出去拎埋袋袋至安樂！跟住又走o左去買衫……唉！早返屋企變遲返。
諗住勁多人會o係九龍塘，所以諗住o係尖沙咀落車再搭巴士。……點知大興話要食飯喎！好啦，食………由朝食到晚！
千祈唔好俾我撞到o個個殘人精，否則真係要打鑊勁！
唔好因為一時之氣而同自己鬥氣，最終吃苦係自己。施主，回頭是岸呀~~~
預計五點多回家，結果十一時多才回家。 ^.^
(TUE)
都話個instruction 有問題啦，唔清唔錯咁，做o黎都冇意思！
死啦死啦，我o地好似孤立o左Jessper……但真係唔想講英文呀！仲要o係咁眼訓o既狀態下……
今日PM冇訓，因為有得玩。 ^_^
次次見親Jando，實唱歌，好o野！hehheheh…… ^o^
返屋企抖o左陣，再出去……
見到好多廣告車呀，先有麥當勞，再o黎個嘉頓，正呀！
好彩同和仔一齊出去o者，否則真係俾Ricky 玩死……金鐘落車？
"Singin' in the rain"都幾好睇呀！最鐘意男主角於雨中載歌載舞o個一幕；頗鐘意o個個Lina，佢o個個高八度（或者可能更高）o既桑子真係好好笑呀！……同埋刺耳！ ^_^ 不過，講到生鬼啦喎，又點少得Cosmo呢！ ^.^
"You are my lucky star. I saw you from afar. Two lovely eyes at me, They were gleamin', beamin'. I was star-struck. You're all my lucky charms. I'm lucky in your arms. You've opened heaven's portal Here on Earth for this poor mortal. You are my lucky star." 《Singin' in the rain •You are my lucky star》
"He holds her in his arms. Would you? Would you? He tells her of her charms. Would you? Would you? They met as you and I, And they were only friends. But before the story ends... He'll kiss her with a sigh. Would you? Would you? And if the girl were I Would you? Would you? And would you dare to say, "Let's do the same as they."? I Would. Would you? And would you dare to say, "Let's do the same as they."? I Would. Would you?"《Singin' in the rain •Would you》
如果有The Sound of Music就好啦！ ^_^
P.S. 睇晒《我的野蠻女友》，不過我都係鐘意電影版本多o的（先入為主掛？）。編劇竟然可以將書中唔同o既場景、事件重新編排……好正！ ^o^
(MON)
雖然超時完成功課，但一樣都係趕出去唱K。
又或者真係太tired，訓得o個五個鐘仍然好tired……唱K 尤如發緊夢……
開會……好快手。
原本計劃睇《魂魄唔齊》，結果都冇睇到……
今晚有好好味o既蕃茄汁同好好味o既節瓜花生眉豆湯（查實我都唔知乜湯，正係認到舊節瓜，好似仲有冬菇……總之好味啦！）……好好好飽呀！ ^o^
今日見到好耐冇見o既怕醜草，好好玩o架！開心死我！一掂即收……heheh ^_^ 開心開心！
(SUN)
唔知醒，足足遲o左成半粒鐘…… >.<
到o左羅湖，先醫下個肚先！
下一站係書城，各有收獲，ViVi 最豐富啦……勁勁大字典，仲要唔只一本喎！附件係多本較為薄少少o既書啦！我都例排買o架啦，我買o左《我的野蠻女友》呀！又好似真係有好多skip o左喎！仲有一本韓文書。 ^_^ Cody 係科迪，但都係高迪好聽o的！ ^.^
下一站係歡樂谷，位位百二蚊（我覺得有o的貴囉！）。又話行60米就會有行李寄存服務，但o個度肯定唔只60米囉 ！為o左配合重陽節，第一個節目係登高。then就係排隊玩「太空梭」（即係跳樓機o既另一版本）啦……排下排下……有冇一個鐘呢？唔知啦，都冇帶錶！總之係耐耐耐啦！就o黎到我o地啦，睇埋呢班人玩，就輪到我o地啦！我同ViVi 諗住嗌下幫佢o地助興啦……先來一段好星球大戰feel o既音樂啦（之前唔覺有喎，甚至冇倒數就一o野升上去！）十、九、八、七、六、五、四、三、二、一，發射！……well，冇郁到喎！笑爆肚呀……播音器又再傳出倒數o既聲音……今次真係成功發射啦！到我o地啦！我同ViVi 係不停咁笑o架，點知有個細路話我o地傻到笑，咁呀，我o地咪笑得仲大聲o的囉！ hahhah…我o地呢一round一次過搞掂！【按︰都係海洋公園o個個好玩o的！】
行下行下先發現唔記得拎指南，算啦，向左走又好，向右走又好，都係行到o者！好啦好啦，跟住又係要排好鬼耐兼都幾一肚火o既石礦飛車隊，ViVi都忍唔住出埋聲……打尖？雖然算不上刺激，為求發洩下，點都要大嗌下！本來四條友都大嗌特嗌o既，最後都係得我同ViVi 係non-stop 咁嗌！ar~~~舒服o左o的啦！
好啦，走o左去撞車啦！er……正確o黎講係碰碰車！基本上以前細個去遊樂場係唔會玩機動遊戲o架，所以今次係我一次玩呀！咁我亦都問o左一個好stupid o既問題︰「係咪要踩掣o架？」hehhe…… ^_^
唯獨一個唔使排隊，但又玩得好鬼開心o既波波池呀！如果呢，佢噴出o既係糖果幾好呢！^o^
入夜啦！玩o左個唔知乜鬼轉轉啦，正係知轉o左好耐，涼風送上，真係好鬼想訓覺！
跟住，見到一個好好玩o既o野，未玩前先企o係度感受下氣氛先，雖則隔住玻璃，但係o個o的水花，嚴格上係一個大浪咁拍埋o黎，好正！then，四條友就即刻跑去玩呢個滑浪飛船啦！都o係o個一句，我都係第一次玩。上船啦，一切風平浪靜，前面好黑呀……上斜啦！跟住當然係落啦！有雨衣都好似冇乜用咁，鬼咁大浪，結果都係個頭都係濕晒、濕下腳咁啦……太好玩啦！跟住我o地再o黎多round，今次要坐頭排，索性唔鬼帶帽啦，同埋諗定點擺個正post。或者咁啦，玩過一次，我覺得我o地呢一程好似做導遊咁，你一言，我一語咁，唔知坐上有幾多人會明我o地講乜，但又真係有人認喎！hahhahah……結果，係個頭徹底咁濕，鞋都ok 濕啦……不過最慘都係ViVi 啦，褲濕！我失敗o左呀！堅持唔到最後一秒，否則張相真係好鬼perfect！點樣？三個人托住個頭側埋一邊唔望鏡頭，我呢？唉…冇側埋一邊呀！ >.<
Ricky 諗住玩洗衣機dry cloth，但額滿兼last round，無緣！我同ViVi都認為洗衣機o既controller 兼 MC係呢個公園最有禮貌o既staff，可惜唔知o係邊表揚下佢。
臨走都睇到少少表演……冇世界之窗咁cheap 呀，唔使另外收費。
o係羅湖城附近食埋飯就歸家啦！
好tired，但係好玩呀！really enjoy it!!! ViVi、Ricky、高迪，thx 呀！
P.S. suppose 開頭咁排隊法，諗住玩到三個games咋！但結果當然唔係啦！
P.S. ViVi、高迪、Ricky細個o既時候好得意呀！
P.S. 或者自己同朋友已經去過兩次深圳啦，所以兩位大人都好順攤由得我去玩lu！ ^_^
(SAT)
得o個五分鐘中場休息，又o黎個ME 下半場。好彩唔悶咋，否則我實行陪坐。唔知道Josephine 有冇諗過呢份功課work 唔 work 呢？我o地發覺有好多好多漏洞啦，最緊要佢個評分制度係一o的都唔公平。咁我o地就唯有將個價有咁低set 咁低啦，咁就一定剩返多多錢啦，實贏啦，都冇準則。……我o地5個人天馬行空諗我o地個新product，好鬼開心……越諗越多o野，可行性亦高，但我o地資金得o個一千萬，唔做得咁多……總之今日好好玩啦！
如果今日Jessper 在場的話，又會唔會好似咁順利同開心？又或者呢個係一個好機會學下點同foreigner 合作啦！^_^
由左至右︰ViVi o既小Pooh Pooh；同我差唔多大o既Donald Duck 同 Pluto；唔記得邊個送o既米奇老鼠；沙律送o既靚靚Mickey Mouse 月曆；Vicki 送 o既獵人Mickey Mouse 同埋唔知幾時買o既高飛；the last two 係Mickey Mouse 咁多幅砌圖最鐘意o既一幅。
(FRI)
我媽咪呢期成日問我落o左莊未，我都想呀，係好想好想……不過基本上我已經當自己係落莊，盡可能乜都唔使理！
我諗兩年幾都冇試過好似今個禮拜咁乖，日日返屋企食飯咁滯。自入大學以來都未試過。我亦都好享受呢一種生活……一早返學，落堂同班fds 食下tea，飲下茶，再唔係o黎個lunch K。食飽之後無o野搞就返屋企，執下屋、睇下書、聽歌、睇vcd，幾好呀！一係就直落同班fds 食埋飯、飲下o野先返屋企，都唔錯。又或者鐘意就備下課，唔鐘意就整hp、上網睇o野。點零兩點就做睡寶寶。訓醒又開始新一日。perfect!!!咁我個大眼袋都可以say goodbye啦！
前幾日睇到一篇文章，佢話惡意不代表不喜歡。我同細妹都心有同感 ^_^ ，俗語有云︰「不是冤家不聚頭」。
今日除o左SP，其餘兩堂都悶到趴街……真係火都爆！仲有呀！原本都幾期待War game o既，但o的期咁o既樣，你話星期六都還可以丫，星期日喎！上帝都休息啦，做咩我仲要去打仗呀？我又真係唔鬼想去！唔通想癡下屋企係咁難？
份Budget 終於投票啦，但係唔過！final 先改咁多o野，都唔知有心定無意……總之，我反對。
TD 出o左成績啦……有o的失望囉！>.<
如無意外，下個sem 得 6個credits 要讀……應該冇數錯……咁韓文有望啦！
(THU)
開始Promotion 啦……
冇十成o岩，都至少有九成！ ^_^
一個美麗的誤會……終於明白Summer 點解搵我！
冇上一堂IMC走o左寶添……冇得睇冇出到街o既麥當當廣告！ >.<
雖然Fanny 堂都ok 自由o既，但係佢o個個class management 真係有點兒那個，冇o野拎o黎煩……唉……
放o左學，走o左出去飲茶……打電話俾乖仔時，佢話個女走o左。當我行緊過去之時，見到個乖女啦！繼而再見到今日特別型o既老鼠先生啦，同埋好耐冇見o既Joey……佢o地都係o岩o岩起身返o黎食「早餐」！
扑鎚啦，扑鎚啦，我o地第二代恤閣褸又整啦，suppose banquet 有得著！
ViVi 慘變為馬騮同Ricky 的物資…
我而家先知Kelly 係打排球……
原來肥草真係打羽毛球掂o架！有眼不識泰山。^_^
仔、女、大興，仲有其他人呀，仲記唔記得我o地o係商院盃打氣呀？見到而家o既新莊一舉一動，就好似睇返我o地以前咁！ ^_^ 最後一年啦！
好好好好……耐冇同過乖仔、大興食晚飯，今晚就走o左去南豐啦，再加埋ViVi 同草草……食得好飽呀！草草o個個火鍋最抵食啦，人o地為佢而設o架，o的送好多呀！
如果個仔唔講，原來ViVi 竟然同洗手間事宜有關……hahhaha……
估唔到大興同草草係中學師兄弟……唔怪之得大興同我講，佢好熟口面啦！
乖仔真係做top sales，點解？問下ViVi 咪知囉！ ^_^
睇o左個仔o既diary，我要引用下先︰「Finally, I can escape from "BUSY"...........Tomorrow is a REAL dayoff for me..... I already make a decision that I won't answer any phone call until I get enough sleep and fun. 」有同感！
P.S. 張校長話八間院校合併喎！咁到時真係聯招啦！
P.S. 想的起心肝睇埋o個2/3 o既Harry Potter……但係我已經多記得講乜，冇理由再睇過o架……Zoe 話哈理個結局係慘o架……唔制呀！
P.S. 如果有留意今個星期o既《流聲歲月》司徒佳的出場，可會想到哈理波特第二集的Dobby？服o左Karon 啦！
(WED)
肥草o個篇Canteen好正，好過而家o個張！講中晒！
會都唔開啦，測驗大晒！
(TUE)
今個SEM 好明顯讀2個SP，分別在於一個電腦化，一個人手化！
今日好叻呀，PM 竟然冇訓覺喎！有得玩心理測驗之類O既O野喎！
開始覺得讀HRM 有用啦，even 自己唔會做HR o野，但都學到唔少o野，夠實際呀！點 in 人啦，點俾人in 啦，自己o既attitude、ability、characteristics 等等…… ^_^
終於睇晒Ocamp o既片段啦！
又見返Julia 呀，佢依然係一個靚靚老師！估唔到佢又記得我喎！ ^_^ 話時話，原來阿Jay 都有讀o架，前幾晚我同佢o的message都係韓文，最衰部機裝唔到韓文啦，if so，可以打嘛…… ^_^
今年好多風褸著呀，AP啦、大興話我o地又要整件新（黑底橙字）sharp！快o的有啦（唔知promotion 趕唔趕得切呢？）……唔知KT o個邊又點呢？
我要食西西整o既糯米磁！ ^_^ 好想好想食呀~~~
以前成日同自己講，知足常樂！但係，轉去另一面睇，咁做唔夠上進，冇進步！
P.S. 謝謝Jando 請食pre-lunch 呀！ thx!!!
P.S. 極力推介《The Human Zoo》，好正，呢期講權力！
P.S. 另一個係《20/20》，尋晚講伊朗，報導中o既伊朗同我印象中相差好遠……
(MON)
草草娓娓道出一個令我同ViVi 哭 o既愛情故事（佢話！），但係……
今日排完恆生、又排匯豐……真係勁多人……
SP partners 提醒我，係時候要留意下O的工啦！得閒八下SDS o的 talk 先！^_^
P.S. 有冇人知道渣打銀行o個首歌係邊個唱呀？ 好熟……但我冇印象……
(SUN)
溫書……尚欠兩課…
今個sem 四日五科，都ok 接受到啦！都係隔日考o者！今個sem 要落多幾錢肉緊，盡拉GPA，因為今個SEM O的科……HAHHA……總之唔O徙得！
(SAT)
「o的蚊都識搭地鐵沿線發展！」
諗住今日冇咁多人o係CSC，點知一樣又係咁人山人海，好彩我好快搵到個好位。^_^ 仲學識o左點將ppt雙面印添！
都唔知點解o個枝藍色筆成日唔見，仲要係兩次，激死！ >.< 呢枝係第三枝啦！
今日o係西田見到勁多勁靚o既碗碗碟碟，買o左幾件返去！已經夠忍手o架啦！ ^_^
其實，有邊個唔想同自己O的仔女keep 住 re-u o架，但係呢o的o野真係好講人夾人緣，有冇心。keep 唔到都唔需要咁介懷！
(FRI)
今日TM玩青蛙，又跳遠，又鬥快……不過我都係覺得無鬼聊。
E-marketing 依然係做自己o野，但係亦都因為呢堂至發覺My Yahoo 可以做到咁多o野喎！
公私盡可能分明，唔好一時之氣而影響其他人。
好耐冇見過Vice 啦，今晚同佢傾電話，俾o左唔少意見，謝謝！^_^
P.S. 草草話佢贏O左喎……死仔包有冇呃我O架？
(THU)
上完TD，蹺了IMC 課，即回家趕功課。
再一次證明，唔到最後一日，都唔會做完功課，even 一早做晒， 但結果都係要臨deadline先做到個final version。
功課就趕完啦，但發覺成篇文都係講o黎講去o個樣o野！我都覺得悶~~~
一個好meaningful o既 url，去睇下，是時候反省反省！ CLICK IT!!!
以前屋企會有好多麻雀仔飛入o黎，而家好少見啦……
HOCC 隻新album 麻麻，不過o的歌詞幾正o架！^_^
好耐冇聽過Ronan Keating o的歌啦……If tomorrow never come 好正好正！個MV都好正！依然都係咁靚仔o架！ ^_^
P.S. 母親大人話我臭脾氣。係呀！鬼叫我係你O地個女喎！你o地點我又點，不過我就青出於藍之嘛！ ^_^
(WED)
我趕功課時，會係十問九唔應，心情唔多好……最好唔好理我啦！不過KT一句︰「有冇o野幫到你？」係咪真心都好，起碼無之前咁躁，thx, KT！ ^_^
開會啦……唔該沙律！ ^3^ 鍚鍚！
「1+1=3？4？5？」測你誠信度。
(TUE)
if I can, 我一定到場草草打氣啦！但係咁喎，明知比賽都唔練習？贏硬？ ^_^
好彩哥利提醒我，TD proposal week 7 至交，否則下星期我真係發顛啦，又proposal，又test… ^.^
大興，tired 就抖下啦！唔好有口話人，冇口話自己！