[亂葬崗]陰靈死心不息
阿儀是個剛中五畢業的學生，佢無咩理想，心頭亦都唔高，只希望搵份簡簡單單的工作，安安分分地過這一生，再奢望點，就係嫁個對自己好的丈夫，這對佢就已經不枉此生喇!
雖然阿儀甘於平淡，但係佢同一般的少女一樣，鍾意靚的0野，尤其是鐲自己打扮得漂漂亮亮.
於是佢去應徵一份係商場銷售化妝品的工作，一來可以看到漂亮的人，二來可以免費用化妝品.
[李寶儀小姐，我地覺得你幾適合呢份工，聽日就返工啦!得唔得呀?!]阿儀開心得來不及講個[得]字，就已經出力點頭!第一次面試就成功喇!
當晚，佢將好消息興奮地告訴家人，告訴舊同學，阿儀覺得自己好幸運，一生人見第一份工，只需一次面試就能進入自己鍾意的行業.
但係，阿儀仲未知道，佢將會第一次見到鬼，而且影響佢本來平平凡凡的一生.
踏著既緊張又開心的腳步，阿儀坐係電車上，前往位於港島中區的大型新商場，佢工作的地點.
電車上擠滿趕住返工的人，其中兩個例外，佢地好似來自南洋的遊客，講的係廣東話，其中一人一手攞住地圖，另一隻手到處指指點點窗外的街景，並在談論0的咩咁，阿儀心諗:[係呢個港島中區，有乜0野名勝呀?]於是留心聽佢地的對話喇.
[呢條電車路日本仔有份起0架!]
[係咩?]
[日治時期，日本仔利用呢條運輸工具運貨0架!]
[睇下呢本書有無講先?!]
阿儀將眼睛偷偷望向遊客手中的0個一本書，發現原來並唔係地圖，而係一本名為<日治時期香港參觀手冊>的旅遊書.
[你睇，0個個原本咪係個防空洞囉!而家封住左啦!傳說話由防空洞有條秘密隧道可以直通港督府0架!]其中一名遊客一手指住窗外的手山丘，阿儀下意識跟住佢手指住的方向轉頭過來，睇到的就係大型商場旁邊大斜路的山丘.
阿儀快要落車，就快快咁穿過人群，到車頭準備落車.然而，旅客的一句話，令阿儀放慢左腳步.
[呢個新的大型商場,以前都係防空洞的一部分來0架，而另一部分就係英國域多利兵房，不過日本仔後來將呢度變做刑場，殺死唔少人......]
阿儀真的想把旅客講的0野聽埋落去，奈何自己要落車喇.
第一日返工就已經聽到鮮為人知的歷史背景，確實係令佢緊張的上班心情加上點詭異，不過佢完全唔將事件放係心入面.
第一日上班好順利，阿儀企係銷售化妝品櫃位前，向有興趣的女士推銷一番，無顧客的時候，就到處睇睇呢間日資大型百貨店的四周，而旁邊婕個櫃位的前輩亦好好人，經常教佢一番，又幫佢翻譯自己唔認識的日話.
[阿儀，你第一日返工，我地請你食飯啦!]幾位前輩熱情的邀請令阿儀不好意思推番，於是大家走到商場旁的大斜路，經過舊防空洞，來到一間日本料理.
當阿儀經過防空洞的鐵門時，不禁睇了睇氣孔，但咩都睇唔到，只感覺到有一陣冷風從裏面吹出，阿儀打左個冷顫，就快步走過.
阿儀同幾位新相識阿英，阿紅同文文一齊係日本料理食串燒鳥肉及魚生.佢感到好新鮮，佢係頭一次食正宗的日本菜!正當阿儀將一塊肥厚凡吞拿魚魚生放進之際，阿英突然說:[阿儀，希望你會做得長啦!]
[乜0野話?]阿儀差0的將魚生嘔出，完全唔知道佢想講乜0野.
阿英見阿儀的反應，急急地向佢解釋:[唔係你有乜0野問題!只係做親呢個櫃位的sales都做唔長，好鬼邪呀!]
[係咩?]阿儀好似發現新大陸咁!
阿英繼續講:[仲有呀!每次0的唔做的sales都話係裏面見到有0野呀!]
[乜0野呀?]充滿傻氣的阿儀竟然反問佢.
[見到鬼呀!見鬼呀!有個返左一日工就唔做喇!]阿英毫不忌諱咁講.
[你唔好嚇人啦!人地返工唔夠一日就講鬼故俾人聽!]阿紅像很正氣咁話阿英的不是，自己卻馬上將鬼故通通送上:[邊有鬼呀!我就唔多信喇!以前0個幾個sales都話去地庫女廁的時候見到鏡裏面有個日軍裝扮的人用槍住對佢，嚇到佢雞咁腳走!又有個話見到鏡裏面有個人，又係似日軍咁樣，仲係鏡修面慢慢消失!講到真的一樣，我就唔多信喇，我都無見過!]
文文這時亦都將商場的鬼故加以演繹:[我都唔信有，我做左成半年，都無遇過!不過聽講化妝品部隔離文具精品部的話有唔少古怪0野，佢地話每晚公司落閘之後，到第二日一早有同事返工時，發現有孚多0野仟人郁過，有0的又換左位置，但係又無唔見0野，開頭以為有人玩0野，於是有一晚，幾個同事同埋個主任靜靜係落閘之後，隔住玻璃，偷睇有無人的時候，俾佢地見到幾個細佬係入面走來走去!但係一陣就變左透明，消失左!嚇到佢地第二日同總經理講，之不過總經理唔信有鬼!]
[你話成日巡店0個個日本人呀?]阿儀好奇地問.
[係呀!田川先生囉!佢雖然係日本人，但係廣東話好好0架!]阿英搶住答.
[聽講唔同種族的人會見唔到"非我種族"的鬼0架!你有無聽過!]阿儀將佢僅有認識的鬼怪東西告知同事，其餘一無所知.
[無聽過喎!]三個同事異口同聲咁答.
[阿儀，你咁講又有0的道理，首先之前走0個幾個sales都係香港出世的日本人，佢地見到鬼，我地又見唔到!係文具部見到0個幾個細佬，可能係以前俾日軍殺的中國人，所以田川先生就睇唔到，所以佢唔信!]文文分析著整件事.
阿儀對自己的提問卻有懷疑:[但係點解田川先生見唔到日本鬼呢?]
[因為呢個世界根本無鬼!]一把男士的聲音從後面張枱傳出.
四位女士不禁將頭轉過去一睇，真的活見鬼了，原來就係田川先生，真係日頭唔好講人，夜晚唔好講鬼，但係而家夜晚講人見人，日間見鬼相信係避不了!
[你地講得咁高興，我地都想傾埋一份!]田川先生指住旁邊的男士:[我細佬，田川希明!]
[請多多指教!]希明好有禮貌咁講.
[請多多指教!]四位有0的唔好意思的職員向兩個老闆講.
田川希明其實係公司另一個地區的總經理，兩兄弟都好叻，而且同一般傳統的日本人唔同，思想比較開通，所以先留係香港發展.
難得地，兩位老闆同四位下屬大談公司的鬧鬼事件.
[我覺得其實根本無鬼，係一0的唔鍾意日本公司的中國人作故仔出來去嚇人!]大田川半講笑地說.
[不過我都聽過商場地庫停車場鬧鬼鬧得好犀利!]希明一0的忌諱都無咁講出來.
[快0的講俾我知啦!]阿儀追問.大家係sake的酒意中談得興奮.
[係咁的!]希明話:[以前停車場落成之後，商場有三部升降機可直通到最底層，方便顧客攞車，後來有看夜更的守衛話經常見到其中一部升降機的門自來動開開閂閂，仲話有幾次見到有一個人係升降機走出來，走左三五步就消失左，又有傳聞話顧客明明見到有人一齊行入升降機，然後突然消失左!]
[會唔會係因為停車場以前係防空洞，死過唔少人呢?!]阿儀將早上係電車度聽番來的0野講出來.
[可能係掛!]希明先生答.[所以後來連升降機都封左，改係上一層出入.
大家係傳說中度過左這一餐飯.
阿儀係公司工作了三個星期，都無見到鬼，佢亦無將第一日聽到的故事放係心度，某天下班，佢企係日本百貨店門口等人接放工，走來接佢的人原來係田川希明先生，原來佢地已正式拍拖左幾日!
世間上無其他人可以好似佢咁咁幸運0架喇，唔單止搵到份好工，又搵到一個好對象.
[等我一等，我想去一去洗手間.]阿儀將手袋掛係希明的手上，就走到公司地庫的廁所.
當佢如廁後，洗手之際，竟然睇到鏡中有個著住日軍服裝的男人用一對仇視的眼光望住自己.
阿儀以為自己眼花，擦一擦再睇，鏡中的男人果然消失左，但係當佢轉身的時候，頭先的男軍人就企係佢面前，而且係半透明的，嚇到佢衝出女廁狂叫，一個不留神，撞左係田川總經理的身上.
[發生乜事?]大田川問.
[有鬼..........鬼呀!]阿儀一生第一次見到鬼，就跑回地面，拉住希明先生狂奔.
第二日開始阿儀就再無返工喇，佢辭左職.
果然呢個位係做唔長的，公司繼續要請人.而呢件事同以往的唔同，大田川先生，將事年告訴了日本總公司，於是百貨公司某天提早關門，請左一班法師係地庫進行左一次大型的超渡儀式，並且搵來日本的風水專人係落地庫電梯次兩邊布置出一個辟邪局.
自此以後，傳逆仍然不斷......
[聽講0個個阿儀原來係日本人來0架，所以佢見到日本鬼呀......]
[聽講田川先生被調返日本，因為佢黐左線，仲有佢細佬都返埋去......]
[聽講有人見到阿儀的靈魂返工......]
[聽講0的日軍鬼魂無走到，只係去左商場其他角落......]
[聽講逆時針行商場四圈，就會見到日本鬼，就會見到班日本軍......]
[聽講......]
聽講你都去過呢個商場，你見過鬼咩?