唉~ 又一日~ 簡直虛渡光陰~
今日已經冇前日咁顛，冇再5點先起身，今日2點就up左。
終于完成埋我先定既工作，全屋都好靚啦而家。

今日睇雜誌，我想食美心新出既‘芒果脆脆’旦糕，好似好好味，yummy！
又見到介紹麥當當酒店，叫Golden Arch Hotel，晌瑞士蘇黎世機場旁邊。
我又學識corny = 老套，仲發現到以下句子：

以為對人好，人地就會對你好；點知世界原來唔係咁公平。
以為坦白認錯，人地就會原諒你；點知事情原來唔係咁。
以為做好自己，人地就會讚賞你；點知唔鬧你原來已經係獎勵。
以為同佢friend，人地就會同你friend；點知背后原來係咁數你。
以為幫人搞生日會，人地就會幫你搞；點知人地原來連你既生日都唔記得。
以為唔遲到，人地就會準時；點知時間原來唔係你控制得到。
以為鐘意人，人地就會鐘意你；點知鐘意原來係好複雜。
以為減左肥，人地就會話你瘦；點知肥瘦既定義原來好廣闊。