我尋晚終于破左例 - 冇update到個homepage。
我唔係懶呀，我尋晚大傷風，冇力氣update呀。
而家好好多，正如我個friend話：訓醒一覺就好好多架啦！
不如講返尋日呀！
嘩~~~ 終于去左睇‘the mummy returns’。
好唔好睇見人見智啦，我就嫌佢長得滯，成兩粒半鐘呀大佬！
睇完戲起身走人果時完全唔知個pat pat去左邊，坐到痺哂！
哈哈哈哈哈哈哈哈哈哈哈
之后又同Patti去左Casino，個衰婆贏錢呀，勁好手風！
想去聽Live Band架，但尋晚果隊•••不值一睇！


講番今日，傷風好好多咯，係間唔中打兩個‘乞嗤’。
病一病，發覺好多人都好關心自己。
個個見我死死下都會叫我食藥，著多件衫，早d休息。
雖然我係好曳唔聽話果d人，但聽到果d說話，warm到死呀！
可能你會覺得：呢d說話，係見到人病都會咁講啦。
唔係架，有d人話之你死啦！
唔知係咪一個人呢，得到別人少少既關心，已經好開心！
朋友們，多謝你地呀！
啜~~~ ~~~ ^^