成半年有多冇update過啦。
你地點呀？
仲有冇keep住黎先？
令你地失望同期待左咁耐，歹勢。
呢几日好開心呀，等我同你地分享下啦。

晌五月九日既下午六時十三分，我收到某人ICQ既authorization。
出奇既係，此人竟抖膽直呼本小姐既中文全名，可怒也！
哈哈，佢~ 竟然係我一個失散哂十年既苦戀型男，怒火立即全消，嘿
唔係講笑，小學同學喎，搵得番真係~勁！
你搵唔到呢？
就算比你搵到，你果個一定唔夠我呢個型。
人家成個古天樂咁，問你死未？！
有冇察覺到我不斷誠讚佢呢？
Well，冇他既，我都係想搏佢睇到，繼而同我展開一個
‘驚天地、泣鬼神既可歌可泣既愛情故事’姐。
（（（（（ 嘩哈哈哈哈哈哈哈 ）））））

你知嗎，頭一晚我地ICQ到凌晨兩點几。
尋晚仲高興，傾電話傾到今朝五點先訓。
真係•••••諗起到格格笑。
你地唔恨得咁多架啦，哈哈哈
話時話，我唔係淨係相認番佢一個架，但鬼叫我苦戀左呢個咁耐咩 =P

寫住咁多先，再會。

P.S
古天樂型男，請遵守同銘記‘五年之約’喎。
總之，保持聯絡，唔好失縱。