《人間定格》

Part 1

基本上識得我既人都知我係一個幾喜怒無常，情緒化既人。
可能我而家我好開心咁同你嘻嘻哈哈，但過一陣我又會好失落咁，又或者會發哂脾四。
之但係我係冇乜野架囉，只不過可能我突然間想靜下。

我都幾係一個易笑易喊既人。
無論睇電視，報紙，戲 or 任何野有D咩情緒變化，我都會有好大既反應架。
喊又喊得慘過人，笑又笑得大聲過人! 

其實去嬲一個人係一件好用力既事，所以就算我真係嬲都只會係事發果一刻開始同之後果十幾分鐘至幾個鐘。
比較番以前，若果有個人做左一D令我好反感，我就會好介意果個人既存在。
有果個人存在既地方，我盡量會唔出現，總至有佢冇我！
但換轉而家有D咁既事情發生，我唔會介意D咩，反而會更加有興趣去了解果個人既心理！
而家再唔會有人令到我介意佢既存在，相反地我好期待大家同場時對方既反應。
唔知呢d係咪報復心態呢？