愛是。。。
Part I
如果有留意我既留言，就會留意到我有一部份既留言都有關前男友。
唔知大家有冇睇過梁芷珊既《我愛的人
愛我的人》。
故事中身為作家既‘徐風’曾經對搶過自己男友既情敵講過：
「我從來不遺餘力攻擊你！」
我既朋友就覺得我做個留言板好似徐風咁不遺餘力攻擊佢。
我承認我有呢種心理，我想佢個心唔好過。
雖然佢睇完之后只會一笑置之，但我自己開心咪得囉！
或者咁講，呢種心理亦成為我會keep住寫同update個网頁既原動力。
計落，我仲要講句thank you添，嘿！
我有個朋友以前成日嘻嘻哈哈好開心架！
但自從拍左拖之后，佢成日都悶悶不樂咁。
乜拍拖唔係應該開開心心甜甜蜜蜜既咩？
發覺原來要搵一個同自己共渡餘生既人真係一件幾艱巨既事。
好似拍拖咁，幾個月都捱唔到既，莫講話幾十年。
我唔會苛求一d刻骨銘心or果d咩刺激既愛情，可能我覺得冇d咁既需要，又或者現實d講句冇乜可能會發生晌自己身上！
我鐘意果d老土d既細水長流既愛情，因為我覺得果種老夫老妻果種感覺好warm
就好似對方好似自己肚里面果條蟲咁，大家都知對方個心諗乜, 有哂默契。
好多男仔拍拖果陣都會曾經同個女仔講下d咩承諾，好似果d咩無論第時點都會一世照顧你果d。
比我，我唔會接受囉。
當然如果白頭到老既話，大家一世照顧對方就實架啦！
如果真係分開左，你還你，我還我，仲照顧d咩姐？！
當然分左手都可以係朋友啦，但唔係連朋友都要照顧一世呀嘛！
加上我覺得講得出又未必做得到，做乜要加重自己既負擔姐？！
到時做唔到，人地傷心之餘，搞到自己又冇口齒呀！
分手之后，諗左同睇清楚左好多野，可能之前當局者迷啦！
雖然佢對我唔算好，一般啦，但自問一直對佢好好 。
唔知係咪開口講分手果個一定係衰人？！
我提出分手係因為我已經厭倦左果種要付出多d果種感覺。
係，要一齊既就唔應該計較付出幾多，但起碼對方要令自己覺得係值得先得架。
付出唔係問題，唔好比我覺得係老奉呀大佬！
我唔係老奉等你放工陪你食飯、唔係老奉見你公司d零食冇哂要幫你補貨、唔係老奉要日日打IDD比你、唔係老奉要日日send email 比你。。。
我食關你咩事？係出于真心關心既，d語氣可唔可以好d呀？
講真呀，我唔介意你唔買野比我，唔介意餐餐McDonald，但你唔好expect我貼你囉！
嘿。。諗番起你晌銀包里面拎出一大疊既女仔相比我睇，究竟你當時諗緊乜？
係話比我知你有過咁多個女朋友？定係話比我知你以前d女朋友有幾索？？
就算我幾大方都好，係人都嬲啦。
有女朋友仲袋住其他女仔相晌身，仲要show比佢睇喎！
不過最嬲既係要復合既又係佢，玩野既又係佢！
要玩既，都唔好咁揚，比人識穿左又發爛渣，冇品！
不過都係果句，佢一日唔改下自己d人格同態度，佢一日都唔會搵到一個女朋友同佢一齊超過3個月！
佢話我同佢無理分手令到佢受到好大既傷害，甚至乎好難再認真咁面對感情。
點不知佢上次分手都係咁同個前女友咁講，而且佢講完之后果日已經向公司其中一女同事發展佢既新戀情，嘿！
點都好，做朋友冇所謂，只不過我唔欣賞佢處事同解決問題既方法同態度姐：講一套做一套。
| 返歸 | 1 | 2 | 3 | 4 | 5 | 6 | 7 |