愛是。。。

Part II

有人話如果一個人未發生過性行為，呢個人係絕少有性需要，除非係出于好奇心。
其實我覺得唔止係‘性’，就算係拍慣拖比人鍚慣，突然之間身邊少個人都會好唔慣。
當然晌未搵到下一個鍚自己既人之前，適當既掛念同回憶係可以慰藉心靈。
但若果太過放唔低就唔好，所以一定要適可而止。
哎！如果有機會我都想做個survey，究竟當一個自問好愛前男/女友既人需要幾耐先會接受到新戀情呢？
而且係男性容易d同快d接受到新戀情定係女性呢？
當然各別情況同唔同性格既人又會有唔同既選擇啦！
可能我感情上比較保守，晌一段感情未解決之前我都唔會發展另一段感情。
因為我覺得就算感情出現問題同變左質，大家都要尊重同自己拍緊拖既人！
我唔會亦唔贊成‘一腳踏兩船'，甚至乎多過‘兩條船’！
因為我深信呢個世界有循環，如果果d人咁做，一定有報應！
你話我黑心都係咁話，我唔想要呢種報應。
所以呢，我覺得如果果d係因為第三者出現而被飛，但將d仇恨放落下一個情人身上既人好唔要得！
人地無故架，放過人地啦！