愛是。。。

Part III

我晌度諗：究竟我之前寫呢個网頁既出發點係咪比自己既憤怒同一時之氣蒙閉左。
我覺得係架，係偏激左。

‘相愛有一萬個原因，分開卻只得一個原因，因為愛情消失了。 ’（擇自梁芷珊 - OL愛情專欄）

原來一個人既情緒可以影晌到一個人對每件事既睇法。
就好似開心既時候，眼中乜野都係美好既。
心情唔好，做乜都好似硬係窒住窒住咁既。
係唔係蜜運中既人都係當局者迷既呢？
如果比我揀，我宁愿理智d，至少我會懂得點樣去處理問題。
可能理智既愛情會冇咁浪漫，但我諗受既傷害會少d卦，有邊個鐘意受傷害架？！
惱人的說話，係最唔理智，最唔好聽既。
當然呢d說話好少出自我‘口’， 最多都係出自我手之嘛，哈哈哈！
但如果你仲對人餘情未了既，就唔好學我咁啦！
如果你知道你而家講既說話一定係唔可以收番既，就要先冷靜一d。
唔好以為你可以因為你既不快，就將人地既杯杯碟碟都全搬出黎。 
等大家都冷靜既時候，搵一d空間，搵一個時間，去比佢知道你係一個冷靜而且愛佢既女人。