愛是。。。

Part IV

一段感情既結束 = 一段感情既開始？

自從分左手之后，好多朋友，甚至乎親人都好關心我既感情生活。
其實我可以講，我而家冇拍拖！
Timing呢樣野好得意架，冇人可以控制到。
你同佢講你好鐘意佢咩，一係佢已經有女朋友，一係佢又對你冇feel，一係佢又話自己個心里面仲有另一個人，容不下你•••
總之，‘一起真的不易’！

嗯••••••
唔知大家會唔會覺得，當女仔遇到感情問題既時候，女孩子淨係識得答：唔知呀！I don't know！
我之前都唔覺架，但諗諗下又好似真係喎。
呢d係女仔既先天性反應定只不過係佢地逃避問題既方法？
我會覺得係，當自己講乜都會對個結果映晌好大既時候，我會選擇答：唔知。
係呀，我係逃避呀，因為我唔想未心思熟慮諗過成件事而去答你囉！
你問我你有冇機會，你叫我點答？
答有既話，你又起勢追，但如果到最尾我話對你冇感覺，你又話我玩你。
答冇，你又話我唔比機會你。
大佬，你教我點答？
所以我先至迫不得已答你：唔知呀！
或者有時只好怪大家timing唔夾！