愛是。。。

Part VI

忘記他？

曾經有人問過我，‘你可唔可以當乜都冇發生過？’；‘你需要幾耐去忘記佢？’等等咁既問題。
我會反問，‘都發生左同經歷左，點當乜都冇發生過？’；‘一定唔可能100%忘記一個人或者係一件事’。
點解？因為根本就impossible！
若非失憶、記憶衰退等，我諗自己一生人經歷過d乜都應該記得，至少會有印象先呀。
加上當你越想忘記一樣野in purpose就越記得，仲分分鐘入哂腦添呀！

講開記性呢樣野，你地有冇聽過你地既情人講：
‘我以前男/女朋友都唔係咁既...’
‘我以前男/女朋友唔會好似你咁...’
‘我記得我以前同男/女朋友...’等等
問心呀，你會點反應先？
其實對方可能係順口提下or冇心同冇乜特別意思既，從呢點你就會諗：‘乜佢仲記得佢以前男/女朋友架？’。
惡劣d既甚至會諗：‘乜佢仲掛住佢以前男/女朋友架？’。
所以呢，對我黎講冇乜可能完全去忘記一樣野架。
但另一方面，你又唔好咁敏感，真係介意既，記住要同佢講呀！
講既時候又要注意自己既態度喎，費事佢又以為你唔知呷埋d咩乾醋撩交拗。
要比佢知道你點諗，你既感受，令到佢覺得你對呢段感情係認真既。
嗯......我會諗回憶當中梗有d係曾經令自己開心過既片段，如果唔記得左咪好蝕底？
況且得閒諗下又可以令自己開心d既=p
坦白講，我到而家間唔中都會諗番佢，有時都會掛住既，或者我仲未搵到感情寄託啦。

同d朋友傾開計，佢地會以為我好有戀愛經驗，哈哈！
寫就易，到真係自己中招既時候仲邊有咁口晌呀！
祝大家好運啦 ^^