日記 -> 自傳？
秋男 18/06/01
你地有冇寫日記既習慣？
我冇寫日記架，因為我冇乜恒心。
之不過，我間唔中會寫一d我唔會寄出既信，而家我會update下homepage咁囉。
前幾日執信封信紙盒既時候，見番一疊好耐之前寫低既信。
個無印信封里面有35封信，含幾百張紙，第一封信係98年既10月3日寫既。
原來咁多年前既事，封信係寫比一個我以前好鐘意既男仔。
一路睇番d信，一幕幕既畫面又浮現番出黎。
其實有好多野如果唔睇番d信，我應該已經唔記得左架啦。
睇番d信好得意，幾乎乜都寫，分分鐘同日記冇乜分別。
或者果陣時冇乜膽量同佢講野，就算我大把機會都好，所以只好寫低，期望有一日佢會睇到。
哈哈，好似好浪漫咁。
唔睇番d信好多記憶都匿埋左，漸漸察覺到點解d人會寫日記。
一耒可以將d開心or唔開心既野寫低，二耒得閒既話又可以refresh下自己既memory，幾好幾好。
所以，我一有時間同心情就會不停咁寫寫寫，記多d野。
分分鐘第日出自傳都靠佢地為資料耒源，嘿！