愛與被愛
秋男 09/07/01
晌一段關系里面，總會有一個去愛同被愛既人。
在我本人黎睇，我會選擇做被愛既人，希望對方愛我多一點。
但我有一個朋友就話佢宁愿做一個去愛既人，愛對方多一點，因為同一個自己唔愛or冇咁愛既人戀愛係好辛苦同矛盾。
我係果種好易鐘意人同會好快愛得好深；但相對地，變心又彧者消失感覺果刻亦會好快同突然。
心想會希望對方愛我多d，但通常一腳叉左去就唔多理多與少，只想盡自己能力去令到對方幸褔-至少佢會feel到我好care佢。
每個人對幸褔既定義都唔同，有人會想對方親手煮飯比佢食、一條溫暖牌頸巾、甚至乎定情介指。
其實收乜都唔緊要，個目的都係想對方feel到被愛既感覺同一段感情既肯定同認同！
人人都希望受到重視同尊重，所以對于別人既關心同體貼都會覺得窩心，更何況對方係一個自己緊張既人。
要做到令對方窩心，付出既時間同心機一定不少；至于付出多与少，則因人而定。
若果雙方都有付出，而又覺得幸褔快樂既，當然Perfect啦^^
相反地，只有一方不停咁付出，咁又未免太可憐咯。
個Result係：
付出得開心而又覺值得既->冇問題。
付出得無奈而又覺白費既->就要自己諗下個問題晌邊啦，仲要諗下仲付唔付出落去？
世界上有種人好偉大既，佢地唔介意為對方無條件咁付出，但係世上又有幾多呢d咁既人呢？
問番自己，你地會係‘去愛既人’定‘被愛既人’呢？