枕頭
秋男 19/07/01
你地有幾個枕頭？
一個？兩個？三個？四個？五個？
我訓雙人床既，所以我覺得一係買兩個，一係買四個枕頭，一雙一對呀嘛^^
雖則我有四個枕頭都好啦，用既只有兩個！
一個訓既，一個攬既。
我每晚都會攬枕頭訓既，我唔攬公仔架，咁女仔~
哈哈哈~ 其實唔關事，我天生鼻敏感，加上D公仔凹凸不平，攬得冇咁舒服=P
我自細一直都覺得枕頭係一個好好既伴侶。
我既怪習係，每晚臨訓之前都一定同‘佢’傾計。
時間長短同內容都唔定架，時間由一兩個字到一兩個鐘都得架，視乎我眼唔眼訓同多唔多野同佢講既姐。
我鐘意同佢傾計，因為佢唔會駁我咀，又好留心咁聽住我既一字一句。
最重要既係，佢好守得秘密，一定唔會出賣我！
傾完計又可以繼續攬住佢舒舒服服咁發個好夢，掂行~
之不過同佢傾計要好細聲or做口形就ok架啦，因為訓覺果陣都已經夜深咯，況且費事比人知道我咁痴線，呵呵！