11-Apr TUE DAY 1 香港 > 成田機場> 池袋> 池袋夜遊
12-Apr WED DAY 2 池袋 > 宮崎駿美術館> 吉祥寺> Tokyo Dome> 池袋
13-Apr THUR DAY 3 池袋 > 新宿(小田急) > 箱根湯本> 大涌谷> hotel(before 7pm)
14-Apr FRI DAY 4 箱根 > 蘆之湖 > 御殿場 > 新宿 > 池袋
15-Apr SAT DAY 5 池袋 > 防災博物館 > 海濱幕張(outlet)> Disneyland (3pm)> 池袋
16-Apr SUN DAY 6 池袋 > 上野 > BANDAI MUSEUM> 原宿> 池袋
17-Apr MON DAY 7 池袋 > 西武園的Hello Kitty童話國 > 新宿 > 池袋
18-Apr TUE DAY 8 池袋 > 池袋 衝刺 > 成田機場 >香港
小田急遊客中心 全年08:00 - 18:00
BANDAI MUSEUM 平日11:00 - 18:00
海濱幕張 平日10:00 / SAT 11:00
宮崎駿美術館 平日10:00 - 18:00
防災館 (TUE Closed) 平日09:00 - 17:00
Tokyo Dome 平日11:00 - 21:00
西武園的Hello Kitty 平日10：00∼16：00
御殿場 平日10:00-19:00
APR 11 8:30am NW 飛成田機場
大清早坐4:55am 機場巴士到機場, check in 前用行李帶紥;好行李, 之後排隊等check in 眼見下一個到我地, 但機場職員抽樣式選中check我地既 行李, 我地非常不滿, 要check 行李又唔早d , 我地排隊尾時又唔check, 紥好晒先話check, 奇怪既安排! 約日本時間1:30到成田機場, 排左一陣隊, 因有小朋友關係職員比我地優先過關, 熟練地坐2:00 京成本線 到池袋, 雨中急步行到super hotel, 4:00pm 已上到房間702室. 安置好行李, 再向shopping mall 進發, 因雨天關係, 行左一陣買埋晚餐就返hotel 休息.
APR 12 龍貓館 – 吉祥寺 – 中野 – 池袋
早餐後要附近LAWSON 買龍貓館TICKET , 店員幫我地攪左一輪先買到飛, 1000YEN 一位, 平過香港買HKD130 好多好多. 遊畢沿路行去吉祥寺FIRST KITCHEN 食午餐, 之後SHOPPING, 再排左45MINS買牛肉球, 500YEN 6個, 實在太好食啦. 排咁耐都係值得. 再去中野BOARDWAY MALL 買玩具, 只要細心選擇就會買到勁平玩具, 我地買左好大件既超盒金大象3000YEN(約HKD200) , 但在香港要HKD900, 買到拎唔郁只早點好回HOTEL 休息, 晚餐吉野家.
APR 13 箱根
早餐後去新宿小田急外國人counter 買箱根weekday pass 同拎romance car 車飛. 10:00 romance car 出發 11:18 到箱根湯本, 再轉電車panpan 已經訓著了. 沿路線坐電車, 纜車, 吊車, 賊船, 中途在大涌谷食蛋 & 午餐. 約5:00pm 在塔之下站落車行去一之湯hotel. 我book 左間私人展望風呂房間, 真係好正 ! 浸完溫泉就去食晚餐 晚餐在7:00pm 眼前只見兩份餐, 咁阿仔果份呢 ? 我明明預訂好哦 ! 後來職員拎份兒童餐來比阿仔, O! 真細心!
APR 14 箱根 – 御殿場 – 新宿 – 秋葉原 – 池袋
起床後再浸一次溫泉去食早餐, 日式早餐唔太岩我地胃口, 之後在hotel 附近既巴士站等車去桃源台再轉車去御殿場shopping, 因唔係減價日子, 冇咩野好買, 2:00pm小田急高速bus 返回新宿, 老公 & 阿仔都嘈住要到秋葉原睇玩具, 咁我又唯有放棄新宿shopping 行程, 同佢地去秋葉原, 逛左一輪空手而回,
APR 15 池袋防火防災館 - 原宿 – DISNEYLAND
約9:30am 行到防火防災館, 職員用簡單英語問我地係咪只想體驗地震 & 火災, 佢地特登改原定編排比我地同幾個日本人一齊體驗地震 & 火災, 體驗地震時佢地仲會set 定video 錄影, 之後播返比我地睇, 我地馬上用video 錄返低. 體驗地震時 阿仔好驚, 後來又喊, 到體驗火災場地好似迷宮一樣, 此館好值得一去, 之後去原宿shopping , 3:00pm 到disneyland 入場, 星期六關係實在太多人了. 玩賽車, 阿仔做賽車手, 中途我教佢轉方向, 佢叫我唔好嘈佢, 等佢自己控制, maybe 佢以為自己真係渣緊車.
APR 16 西武園 – 中野 – 池袋
到達西武園, 落雨, 阿仔已足六歲所以為佢買pass 1500yen 任玩六種遊戲, 我同老公只買入場票每位500yen; 所有遊戲都係阿仔自己玩, 佢好開心, 因為佢覺得自己大個仔唔駛爸媽陪玩, 過山車更玩左四次有多. 之後再次去中野, 佢地兩父子睇玩具, 我自己在商場逛, 之後我同阿仔返回池袋hotel, 老公自己去原宿又shopping. 之後再一齊去池袋西武買blue label 手袋, 多謝老公!
APR 17 津久井浜草莓園 – 橫濱BAYSIDE OUTLET
約8:30am 到車站乘車去橫濱, 由於係返工時間, 真係好多人, 山手線連月台都上唔到, 我地上琦京線月台原定去新宿轉車, 但眼見幾班車都上唔到, 回頭一望有班湘南線直駛大船方向, 我記得可以坐依班車去橫濱, 唔理三七廿十一上左去先算. 真幸運好快就到津久井浜 站, 行約15mins到草莓園, 大家勁食草莓, 阿仔邊行邊摘邊食, 真係好開心. 再去bayside outlet shopping, 今次我都唔餂底買左兩條半截裙, 其中一條牌子係 nice claup (made in china) 1470yen only ! 老公就買左好多levis 有部份幫同事買.
APR 18 池袋SHOPPING – 上野 – 機場
今日要走啦, 拉齊行李, 去西武睇野, 又殺多條made in korea半截裙3990yen; 去御徒町二木果子買手信, 再去睇玩具, 準時坐2:00pm 京成本線去機場坐6:30pm 班機回香港.