第二章 作者:紅豆妹
上次講到佢地一行八人進攻茶樓啦……………………
**********************茶樓入面*********************
「我都係第一次黎茶樓咋……….呢度有乜食架?」涼平問鈴。
「有好多你地未食過既好野食架!」鈴一邊行一邊講………….忽然撞到一個人。
「哎呀………………….」一個身材高大既靚仔俾鈴撞到。
「唔好意思呀,你有冇事呀?」鈴好有禮貌咁道歉…………..
「冇事,梗冇事啦~」個靚仔笑騎騎咁講。
「呀哥,唔好媾女啦~」有個同靚仔好似樣既靚仔講。
「右典!央登!」慶太大聲咁叫個兩個靚仔。
「E…………慶太~」右典終於發覺呢個女仔後面仲有成硼人。
「點解你地會係度既?」慶太覺得好奇怪,點解佢地識黎呢度。
「無呀~央登話呢度D野幾好食,我咪黎試下囉。」右典對慶太講。
「你咪係楊鈴呀？」一個阿嬸忽然對鈴講。
「下……………唔係呀!你認錯人啦。」鈴成日俾人係街度認出。
「你唔係楊鈴?唔好意思,可能係我認錯人,因為我個仔好鐘意佢架!」個大嬸講完之後就走左啦………………..
「嘩………家姐!你落左妝,仲有人認得你既~勁喎」希係度串嘴咁講
「識我咪即係識你,我都特登落妝架啦,估唔到D人仲認得喎,下次等我帶眼鏡先,哈哈~」鈴一笑就非常靚女架啦。
「好啦,大家撞到就一齊食飯啦。」龍一同右典,央登講。
「好呀!」伊崎兄弟同一時間講。
「大家食飽飽啦可?」鈴好開心咁同大家講。
「噢!我知,一定仲有好野食既。」希瞳同鈴咁fd,一定知佢仲有D野既。
「醒目!我地去食糖水嚕~」鈴最鐘意食糖水架啦,養顏呀嘛。
「好呀!好呀!我都好想食呀。」真瞳都好鐘意食糖水架~
跟住佢地成班人就去左食糖水同行街啦,個個都好開心……………..
其中,右典同央登都覺得希瞳同鈴比較0岩key,所以臨走個時,右典就問左鈴攞電話號碼啦,方便佢同央登搵鈴同希瞳。
「我地下次再出黎玩好冇呀?」央登好怕羞咁對住鈴講。
「好呀。」鈴都幾覺得央登幾得意,所以無乜所謂~
********************係鈴屋企********************
難得希瞳同真瞳係度,鈴梗係唔肯訓係咁傾偈啦…………….忽然電話響起。
「喂喂…….搵邊位呀?」鈴好有禮貌咁講。
「唔該搵今井希瞳呀。」央登係想搵鈴既,但想試下鈴認唔認到佢把聲。
「OK!等一等。」鈴正想遞電話俾希瞳之際……………
「唔係呀!我係想搵你架。」央登係電話到大嗌。
「搵我?你係邊個呀?」鈴坐左落張床到,諗緊佢係邊個。
「我係央登呀~好悶所以搵下你傾偈囉。」央登覺得鈴把聲好好聽。
「哦………你係央登,做乜事搵我傾偈咁好呀,嘻嘻。」係呢個時侯,鈴身邊已經多左兩個人啦,就係真瞳同希瞳啦,佢地坐左係鈴隔離聽佢同央登講乜啦………..
「冇呀,係呢……你聽日有D乜做呀?」央登終於入正題啦…………
「帶豆豆去打理囉,之後都冇乜野做架啦。」鈴好鍚佢隻狗,每星期一定會抽時間帶佢去打理。
「我陪你去呀!還掂我聽日有時間………..」央登見無聊無乜野做,就想見下鈴。
「好呀!我頭先仲煩緊冇人陪我。」鈴係一個冇朋友唔得既人………
一晚既時間大家都花係電話上，好似有未完既話題，我地都拿著聽筒訓著了………………
「你隻狗好可愛呀!」央登摸摸豆豆既頭,但係豆豆好似唔係咁鐘意佢咁,一直喱係鈴身後。
「嘻嘻,豆豆梗可愛啦…..咁我地呢家去邊好呀?」鈴心情好好,所以笑得特別開心。
「我地帶豆豆去散步啦。」央登被鈴深深咁迷住,非要得到E個可人兒不可。
「咁你黎追我地啦。」鈴拖住豆豆好快咁一路跑一跑講…………
「好呀!」央登好耐都冇玩呢 D追逐既遊戲啦,因為不嬲都係人地追住佢既………….
「喂,靚女…………..帶狗散步呀,一齊呀。」有兩個青年擋住左鈴既去路。
「做乜搞我女朋友呀!」央登用稍為兇惡既口吻同眼神,已經嚇走左個兩條友啦………….
「唔該你特登幫我解圍呀。」鈴成日都遇到呢類事情………………..
「我唔係特登架!我真係想你做我女朋友架~」央登捉住鈴既膊頭好誠懇咁講。
「下……………….」鈴完全無諗過央登會對佢講呢D野,雖然佢覺得央登人品唔錯,但無諗過悉唔悉合做佢男朋友。
「你又冇男朋友保護你,成日一個女仔好危險架~你又咁靚喎。」央登真係好擔心鈴…………
「唔……………咁俾你試下做我男朋友既試用期啦~」鈴見央登咁鍚自己,咪俾個機會大家試下囉。
「我會盡力係E個試用期入面令你鐘意我架!」央登好少咁鐘意一個女仔,佢覺得鈴係與別不同。
「好呀,我都會努力令我自己鐘意你架^^~」鈴對央登係有好感,但未至於鐘意咁深。
「好啦,咁我地而家去食野啦。」央登拖住鈴去左cafe啦……….
「小姐!呢度唔可以帶寵物入黎架!」係café既待應對鈴講。
「咁點好呀,央登………….」鈴抱住豆豆含情脈脈咁講。
「咁唔緊要啦,我地去公園食便當咪一樣~而且而家係五月,可能有櫻花睇添呀!」央登對鈴既含情脈脈當然好受落啦。
「好呀~我黎左日本咁耐,都係睇過兩次櫻花咋!」鈴笑得好似細路咁又天真又燦爛。
「咁我地行囉!」央登覺得鈴真係非常之可愛,好擔心有人會搶走呢個可人兒……………………………..
「嘩……….好靚呀,豆豆可?」豆豆都應左主人兩聲。
「估唔到真係有櫻花睇喎………」央登一心諗住黎博下有冇架咋,估唔到真係有得睇,搞到鈴好鬼開心添。
「我地不如影相囉~難得E度咁靚。」鈴拎左部相機出黎,放左豆豆落地,等豆豆同佢D同伴玩。
「好呀!我地玩自拍呀!」央登都好想同鈐影返揖靚相留為紀念。
「好呀!1!2!3!卡嚓。」鈴拎住相機不斷同央登影相,因為個景太靚啦。
「好靚呀……..」央登望住鈴咁可愛既樣,忍唔住講左一句。
「好靚?乜好靚呀?」鈴望望周圍,佢以為央登講緊個景……..
「喂……..唔好陏!」央登係鈴既面額度拎左塊櫻花落黎,佢同鈴係對望既,所以搞到鈴面都紅晒,央登見到鈴面都紅埋,忍唔住想鍚落佢度………………..
「唔好!」鈴見央登想錫落黎,即刻推開左佢,因為佢唔想俾佢自己唔係真正鐘意既人鍚。
「Sorry,我唔知你唔鐘意架!」央登知自己衰,所以係咁道歉。
「算啦,你都唔係有心既………我想返屋企啦。」雖然鈴口係咁講,但係佢心入面央登已經扣晒分啦。
「咁我送你返去啦。」央登都知自己猴擒左D既,佢估唔到鈴對呢 D野咁敏感既,因為佢之前識個D女仔第一日已經嘴晒架啦……..佢覺得鈴有D機初吻仲係度,所以央登更加唔願放手呢個咁好既女仔。
「好啦,豆豆我地走啦。」鈴去搵返豆豆,抱起佢。
**一路上鈴同央登都冇乜兩句 ,但差唔多到既時侯央登講左D野**
作者的話 :
第二章既劇情係咪發展得好快呢??我諗到乜咪寫乜囉,但係我發覺我寫文既速度好鬼慢,一章最快寫成三、四日……….好無奈=.=
因為我有時諗唔到D劇情點連接好,咪停左冇作一排囉>///<
唔知你地覺得好唔好睇呢??