AUG04 SEP04 OCT04 NOV04 DEC04 所有日報 回首頁
昨天跟同事傾了一會，心情好了點。
但今天還有很多要做的事，我足足做了三天..
不停不休的，始終都做不完..
今天身體有點不對勁，喉嚨痛加頭痛..
不知明天會怎樣呢?
明天還要去中一福音營...捱下去吧~~
不要病倒喔!!
今天還是佷累，比昨天更累~~
很多野做...做左成日都做唔完...
今日故意對佢地冷淡，加上還有很多事未做好...
心情有點煩躁，再者有一點點打擊~~
我做到連lunch都冇食..只是食了一碗沙律..
又要去開會..真煩..!!
開完會，食了個M記餐..又再開另一個會~~
好累了~~
今日心情跌到落谷底..
未返工之前..已培養緊唔開心既心情..
好少可我會唔笑，仲想喊..
今天很多時都想喊..但總要忍住..
我說了，我不喜歡別人看見我唔開心個樣.!!
一早..我..不斷做..不斷做..真的頭都大埋。
下晝心情更差..我總是被遺忘的一個..
我總是在這裡常常出現，別人是各有各走...
還有心裡很多問號??
突然想起昨天靈修時唱的詩歌~~
----------------------------------------------------------------
1）使 我 作 你 和 平 之 子，在 憎 恨 之 處 播 下 你 的 愛；
2）使 我 作 你 和 平 之 子，在 絕 望 之 處 播 下 你 盼 望；
３）使 我 作 你 和 平 之 子，在 赦 免 時 我 們 便 蒙 赦 免；
副歌）
哦，主 阿 使 我 少 為 自 己 求，少 求 受 安 慰，但 求 安 慰 人；
----------------------------------------------------------------
點解要少為自己求?我對人好..會有回報ma??
寶寶生日，生日快樂!!
今日又冇返崇拜..好懶..十一點幾先起身!!
之後再訓過..兩點幾起身..
整好野..出門口..
去旺角，今日見到個白色既人..
個個人係幫sony做宣傳..好似外國個d咁~~
係兆萬想抽隻jack..但抽唔到..8%呀..好少機會..
但竟然抽左另一隻8%..真黑仔!!
仲有買左叮噹..係潮流特區買左隻jack既公仔。好得意嫁!!
行到差唔多十點先返屋企~~
今朝..唔知做咩..又得我一個返工..真係唔明!!
依幾日鬼咁多野做..真係好煩..仲有D頭痛~~
做左成朝..都做唔完..連銀行都冇去度。
好累..真係好累..好想放假呀!!
下晝食完LUNCH..就返教會啦~~
今日主題係..
「跟你做個friends，Friends去打bank。」
佩兒都有返..佢好耐冇返啦。
佢一返黎就有得玩..^^..好開心呢!!
最後祈禱..很感動..全部人一齊祈禱的感覺真好~
放左我地幾個..去左影貼紙相..實在太耐冇見啦..
跟住旦旦走左..我地就去食飯啦!!
講左好多野..真係有好多野唔同左~~
今日很開心呢~~
因為又見一個好耐冇見的朋友!!
-----------------------------------------------------------------
「朋友」對我黎講..係咩一回事呢??
我好似有好多朋友，所有認識我的都可以係我的朋友。
但慢慢少了聯絡..傾計..相處，朋友對我黎講..
可能係好罕有，又或者係缺少的。
慢慢變了..很靜很靜..不習慣與人分享自己的內心世界~
我會搵唔同既方法去同朋友聯繫...可是我讓別人認識我時。
總會有點害怕..我害怕......
所以有時候..我好寂寞..好想多D人明白我..聽我講野!!
我好想別人會對我好，所以我對人好好(我覺得係)~~
有時冇人理我..或者D人唔鐘意..其實我會好唔開心..
不過我唔想比人知，因為我鐘意佢地見到我開心個陣。
可能我得好少人有機會同我相處，
所以我希望比佢地有一個好印象~~
但我珍惜，有朋友在我生命裡的時間!!
我想...熟識我的人..會發現..
我在什麼時間最輕鬆..最真..最開心..~~
我想是在返教會....見到舊朋友....
又或是我在你們當中..嘻嘻哈哈時間!!
我真的很真惜..很真惜..很真惜..很真惜..~~
讓我向天父傾訴!!
-----------------------------------------------------------------
今日同高芬、蔡芷芷、PAT一齊栽培..
感覺很好..
但這幾天都很忙..忙到亂掉野!!
PAT仲問我洗唔洗要「靜心」。。
端午節。。
身體狀況不太好~~
忍住痛出旺角..出到去行不夠半句鐘..
身體不對勁，仲見到白光...
當我見到白光...我就知道我將會暈..
所以即坐..半行半坐下咁..捱到去巴士站..返屯門~~
真是浪費車錢..我也不想的。
朝早冇返教會..累得滯...!!
下晝要去「端陽祝福遍處處」..咁就返左教會..
同佢地一齊去靈糧堂啦!!
去到一齊敬拜..信息分息..注意事項..
之後就出發啦..我地去大興探一家個婦女同一個小女孩..
那家佈置得好靚...很整齊..她們都很友善..
很願意與我們分享，無奈小女孩要考試..
所以唔可以傾耐d..下次再探過佢地..!!
願主保守她們..帶她們回到教會...來認識天父。。
詳談過後...到了元朗逛逛街!!~
返工..本應今日唔洗返..但我要返去入錢~~
今日office氣氛好似唔係咁好。。
下晝睇大結局..跟住同歐姑食tea..
之後就返教會啦...今日講父母..又整d禮物!!
整下整下已經六點幾lu~~
跟住去吉島食埋飯，就返屋企啦。
今天..為今晚的活動準備歌詞。。
放工...同埋d同事一齊搭車出去....
齊齊出發去尖沙咀碼頭...
嘻嘻....今晚我地去釣墨魚呀!!
大約7點...一行24人..踏去那28886?!?!的船..
係船上..齊齊唱歌..突然潘拎出一本"優美歌曲"
勁呀..真係不得了..跟住就開始唱...d舊歌..哈
咁快就已經去到將軍澳對出海域啦!!
咁就開始食野啦!!
有D人就已經開始釣墨魚啦..
話快咁就已經有人釣到啦..釣到10點幾..
全部人加埋釣到十幾隻呀..但係我一隻都釣唔到..
跟住架船就返尖咀啦..途中..有D好感人既野!!..^^
返到屋企都12點幾lu..好累啦!!
下晝開會..
哈哈..5點到準時走~~
去教會上門訓...
「我們要靠神得勝!!」
今日好累呢..一早就落雨..唉..希望星期五唔好落!!
返到去同PAT買左個早餐..
今日要做好暑期活動D budget..要好十幾廿份..
lunch..佢地去左裕滿人家度食飯..我帶左食冇去到~~
佢地走晒..咁我就去office..同嘉慧係"打爺爺"..
打到爺爺周圍飛...跌到d骨頭都鬆晒!!
爺爺仲係咁撞牆..哈!!
跟住訓左陣..就整D budget..真係print都有排print~~
但係都總算整好..今日知道101終於有著落啦。哈哈!!
放工去左置樂，見到隻大大黑色貴婦狗同主人行返舖頭..
好大隻呀..好攪笑呀!!
行左陣就去吉島lu...係仙跡岩食左d野..
同係$10店買左個陀螺..就返啦..好累啦!!
今早未夠八點就出門口，落左樓下搭小巴去上水
好準時咁八點半到上水..同D同事一齊
跟住好順利咁過關，係堔圳搭9:09班火車...
嘻..係呀..我地北上呀..哈~
搭左個幾鐘..到達廣州東啦!!
跟住就要搭地鐵啦，個度d車飛好得意嫁..
好似個銀咁..d車站同車箱都好似香港咁~~
而我地個目的地就係海珠廣場啦。
係咁行係咁行..d野真係好平..唔怪得..香港d人咁好賺
真係咩都平d，食飯都好平..
最後我地買左好多野..不過多數都係幫中心買!!
之後，又搭返車去廣州東..再轉火車返堔圳..再返香港
跟住我同pat就係上水搭小巴返學校擺低袋野..
點知見到游余未走，諗住叫下佢..但點知嚇親佢.哈~
擺完野..同patpat去左豆漿大王度食野。。
跟住就搭車返屋企lu..
今日同patpat傾左好多野呀..哈哈!!
今日知道左個驚天大秘密!!哈哈~~
今日遲返崇拜..返到去石生講緊道..
聽下聽下..跟住唱歌..點知發現比人擺上POWER POINT..
真攪笑!!下晝去左小欖行下..
就搭車去荃灣啦..成架車得四個人搭..
前面個兩個人勁攪笑...左坐下..右坐下..
一見曬..就坐第二邊..都走左幾次..哈!
去到周圍行下...食埋野..
搭西鐵返屯門..點知仲貴過搭巴士..>_<
朝早返工..數好d錢.
就去左銀行入數..同埋開戶口..
好快就到我..哈..不過都攪左好耐!!
返到去..整埋d入數紙..
就去食飯，食完..返去試彈左陣琴.真係好難彈!!.
跟住玩"猜猜畫畫"，玩到痴線...團契完..查完經~~
繼續玩..玩到差唔多七點先走..嘻嘻..!!
今日大部分學生都唔洗返...
朝早教師團契..不過趕住整D入數紙..冇去到...
攪左一大輪..1:45PM..教職員會..
家校會送花.好靚嫁..不過就突然榮升社工!!
之後去飲茶..跟住返去都冇入去聽啦~~
五點到去歐姑到上門訓..很開心呢..
唔洗好似平時咁..咁趕..^^
上完堂..見到潘SIR同石係度打波..
就走埋去啦...跟住潘SIR就問我地上門訓D野..
就係咁..同佢介紹下個「福音多面體」啦!!
一傾就傾左幾粒鐘LU...好耐冇試過同D人傾咁耐lu..
今日好忙..好多野做..
下晝要去入錢...拎住成萬蚊都幾驚...
之後又趕住返去..因為放學要去屯門醫院擺D係度賣..
但係又有D事阻住~~
之後搭的去...去擺花..希望我地D花都多人買啦!!
$18都OK啦..^^..5點幾就走啦..約左人去吉島~~
哈哈..第一次搭阿蘇電單車尾..好好玩..好刺激呀!!
跟住..去行下..就去左睇"明日之後"啦。。
好正呀..好真呀..不過尾個度麻麻ja~~
睇完..去M記食d野..見到有三個男仔係度睇女仔..
仲睇得好明顯..哈..
夜晚..屋企個電腦隻滑鼠..無啦啦用唔到..
唉..又比人鬧..真麻煩!!
放工去左圖書館...
嘻嘻~~
好累!!
返工...
放工..係籃球場留左陣..
之後，行左去新墟..
跟住搭巴士返屋企~~
點知撞到周苑怡..哈.好攪笑呀!!
返崇拜..魚旦都有返..
今日有聖餐，仲有愛筵..
之後繼續做助教..
玩到5點幾先走。。
夜晚有點無奈!!
今日等我一個要返學校..
10點鍾雲峰準時返到...
我去禮堂唱左陣歌就繼續做野。。
2點幾去美心食TEA，跟住返Rainbow Touch..
幫手做助教~~
之後同佢地打排球，超攪笑..玩玩下..變左打隊際!!
三對三..係咁開波..輸左仲要跳「啦咪啦咪..」
好彩我地冇輸ja..不過佢地跳得好攪笑..
開始跳個陣，仲要數埋「one,two,three,four..」
哈..笑爆..之後再佢地再輸..嘻嘻!!
夜晚係吉島食米線。。
六四。。
唔記得同D學生返團契!!
今日約左MILK食飯...~~
下晝打比個手語導師...唉..又遲到~~
即刻打比D家長..延遲..
間房又比你拎左..又要等佢地走..最後都攪掂..
去左集思閣整低B蠟.今次整個個好靚嫁..!!
跟住去手語度...導師遲攪到我又遲去門訓..
今日門訓教「福音多面體」..嘻..要努力..~~
完左..去許留山食左D野..就返屋企lu...
哈哈..買左菠蘿油王子本簿呀!!
開會..開會..
好累!!
最近好多野忙呀..
JAN04
FEB04
MAR04
APR04
MAY04
JUL04
AUG04
SEP04
OCT04
NOV04
DEC04
所有日報
回首頁
30/6/2004 (WED)
29/6/2004 (TUE)
28/6/2004 (MON)
在 傷 痕 之 處 播 下 你 寬 恕，在 懷 疑 之 處 播 下 信 心。
在 黑 暗 之 處 播 下 你 光 明，在 憂 愁 之 處 播 下 歡 愉。
在 捨 去 時 我 們 便 有 所 得，在 死 亡 時 我 們 便 進 入 永 生。
少 求 被 了 解，但 求 了 解 人；少 求 愛，但 求 全 心 付 出 愛。
27/6/2004 (SUN)
26/6/2004 (SAT)
25/6/2004 (FRI)
22/6/2004 (TUE)
20/6/2004 (SUN)
19/6/2004 (SAT)
18/6/2004 (FRI)
17/6/2004 (THU)
16/6/2004 (WED)
15/6/2004 (TUE)
14/6/2004 (MON)
13/6/2004 (SUN)
12/6/2004 (SAT)
10/6/2004 (THU)
9/6/2004 (WED)
8/6/2004 (TUE>
7/6/2004 (MON)
6/6/2004 (SUN)
5/6/2004 (SAT)
4/6/2004 (FRI)
3/6/2004 (THU)
2/6/2004 (WED)